1 Corintios 2:5 - Emberá Chamí

⁵ Maka machiba nau iujãad̶ebena kʉ̃risia kuitaad̶eeba Jesucristod̶e ijãad̶aabasii, maumaarã Dachi Akõre poyaad̶eeba ijãasid̶au.

1 Corintios 2:5 Iomraidhean Croise

Hechos 16:14

Mau wẽrarãd̶ebena ab̶a Lidia abachid̶au. Mau Tiatira puurud̶ebena basii. Paru pupuchia b̶ee nedobʉibachii. Mau judiowãe wẽraba Dachi Akõre wapeadee b̶uasii. Dachi Mechiuba ichi sõ wausiid̶eeba Pabloba berrea b̶uu Lidiaba kauwa ũriped̶a ijãasii.

1 Corintios 1:17

Cristoba mʉ bʉibasii ẽbẽrarã boro ea b̶uamera, maumaarã bʉisii chi bed̶ea bia ichi ʉ̃rʉbena jaradeamera. Nau iujãad̶ebena kʉ̃risia kuitaad̶eeba jaradeawẽa b̶uu, Cristo cruzd̶e biud̶a poyaaswãe b̶eerãamera.

1 Corintios 3:6

Ne uuruu kĩra mʉʉba machimaa Jesús ʉ̃rʉbena naa jaradeasii. Maabae mʉʉba uud̶ad̶e bania earuu kĩra Apolosba Dachi Akõre bed̶ea biꞌia jaradeasii. Maamina Dachi Akõréburu aid̶asii machiba ijãad̶amera chi ne uud̶a waribiiruu kĩra.

2 Corintios 12:9

Maamina ichiba jarasii: «Mʉ sõbiad̶eeba bichi aid̶ai joma dauchia jãadua b̶uamera. Bichi meserãaswãe b̶uud̶e mʉ jua aude meserãa b̶uu». Mʉ meserãaswãe b̶uud̶e Cristo poyaa b̶uabariid̶eeba mʉ meserãaswãe b̶uu ʉ̃rʉbena kĩrajʉʉba biꞌia berreai.

2 Corintios 4:7

Daiba chi bed̶ea bia Cristo ʉ̃rʉbena uru panumina, nau kakua meserãaswãe b̶uu. Choko bari au ãribarii kĩra b̶uu. Maud̶eeba jomaurãba kuitaa panuu dai meserãad̶eeba mau bed̶ea jaradea panuuwãe, maumaarã Dachi Akõre meserãa mechia b̶uud̶eeba jaradea panuu.