1 Corintios 2:4 - Emberá Chamí

⁴ Mʉʉba Jesús ʉ̃rʉbena jaradea b̶uasiid̶e mʉ kʉ̃risia kuitaad̶eeba maka waubasii machiba ijãad̶amera. Maumaarã Dachi Akõre Jauriba ichi poyaad̶eeba kuitaabiasii mau bed̶ea biawãra.

1 Corintios 2:4 Iomraidhean Croise

Hechos 26:28

Agripaba Pablomaa jarasii: —¿Bichiba ara naka mʉ Cristod̶e ijãabii kʉ̃ria b̶uka?

Romanos 15:13

Joma chi bia dachiba esed̶au panuu Dachi Akõreba deai. Machiba ichid̶e ijãa panuud̶eeba mʉʉba kʉ̃ria b̶uu ichiba machi ãrea kĩrajʉʉbiai maud̶e jirukaraayuwãe duanubiai. Maka Dachi Akõre Jauri poyaad̶eeba machiba biꞌia kuitaad̶ai joma chi bia dachiba esed̶au panuu biawãra adaud̶ai.

Romanos 15:19

maud̶e ẽbẽrarãba ne poyaa waud̶akau wau b̶uud̶eeba maka aid̶asii. Mʉʉba Dachi Akõre Jauri poyaad̶eeba joma mau wausii. Jerusalend̶ebena Ilírico druad̶aa bed̶ea bia Cristo ʉ̃rʉbena mʉʉba joma jaradeai b̶uad̶amaa jaradeasii.

Romanos 16:18

Maarãba Dachi Mechiu Jesucristoba kʉ̃ria b̶uu wau panuuwãe, maumaarã ãchiba kʉ̃ria panuu wau panuu. Ãchi mipitaa berrea panuud̶eeba, chi biꞌia kʉ̃risiad̶awẽa nuree setaa kũruabadau.

1 Corintios 1:17

Cristoba mʉ bʉibasii ẽbẽrarã boro ea b̶uamera, maumaarã bʉisii chi bed̶ea bia ichi ʉ̃rʉbena jaradeamera. Nau iujãad̶ebena kʉ̃risia kuitaad̶eeba jaradeawẽa b̶uu, Cristo cruzd̶e biud̶a poyaaswãe b̶eerãamera.

1 Corintios 2:1

Ãbarã, mʉʉba Dachi Akõre ʉ̃rʉbena machimaa jaradead̶e wãsiid̶e berrea mipitaa berrea b̶uud̶eeba mʉ kʉ̃risia kuitaad̶eeba ne ab̶a bid̶a jaradeabasii.

1 Corintios 2:13

Ara mau ʉ̃rʉbena daiba berrea panuu. Maamina nau iujãad̶ebena kʉ̃risia kuitaad̶eeba berrea panuuwãema, maumaarã Dachi Akõre Jauriba daimaa jaradea b̶uu kĩra berrea panuu. Maka Dachi Akõre Jauriba kuitaabi b̶uu daiba jaradea panuu ichiba berreabi b̶uu kĩra.

1 Corintios 4:20

Dachi Akõre juad̶e ua b̶uud̶ebenarãba ichi ʉ̃rʉbena berread̶akau, maumaarã ichi poyaad̶eeba jipa waubadau.

2 Corintios 6:6

Dai jipa nibaped̶aad̶ad̶eeba, biawãra kʉ̃risia kuitaad̶eeba, joma dauchia jãadua panuud̶eeba, sõbiad̶eeba, Dachi Akõre Jauri dai sõd̶e b̶uud̶eeba, biawãra kʉ̃riad̶eeba, chi biawãra bed̶ea jaradea panuud̶eeba, maud̶e Dachi Akõre poyaaba maka unubi panuu. Dai jipa panuud̶eeba kachirua poyaabadau maud̶e ara mau jipa panuud̶eeba daiba chi kachiruamaa ida poyaabid̶akau.

Gálatas 1:10

Maka jara b̶uud̶eeba mʉʉba jʉrʉwẽa b̶uu ẽbẽrarãba mʉ biꞌia unud̶amera, maumaarã kʉ̃ria b̶uu Dachi Akõréburu mʉ biꞌia unumera. Cristod̶e ijãai naed̶e mʉʉba jʉrʉ b̶uabachii ẽbẽrarãba mʉ biꞌia unud̶amera. Wabid̶a maka wau b̶uasirã, mʉ Cristo baita bari trajabarii b̶uabai basii.

Colosenses 2:4

Joma mau mʉʉba jara b̶uu ab̶auba machimaa setaa jararãamera, setaa mipitaa berrearuuba.

1 Tesalonicenses 1:5

Daiba chi bed̶ea bia Cristo ʉ̃rʉbena machimaa jaradeasid̶aud̶e bed̶eáturu berread̶aabasii. Maumaarã mau bed̶ea biawãra arakʉd̶e b̶uu kuitaa panuud̶eeba Dachi Akõre Jauri poyaabariid̶eeba berreasid̶au. Machiba kuitaa panuu dai saka machi tãed̶e nibaped̶aad̶a, machi biꞌia panad̶amera.

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.

2 Pedro 1:16

Dachi Mechiu Jesucristo poyaabarii ʉ̃rʉbena maud̶e ichi waya neei ʉ̃rʉbena daiba machimaa jaradeasid̶aud̶e ara dai kʉ̃risiad̶eeba jaraped̶aad̶a jaradead̶aabasii. Maumaarã Dachi Mechiu Jesús kĩrawãrea ted̶echoa unuped̶aad̶ad̶eeba maka jaradeasid̶au.

2 Pedro 2:18

Ãchiba mipitaa berreaduuba jaradeabadau. Maamina mauba aid̶akau. Ãchiba jaradeabadau nau kakuaba kachirua wau kʉ̃ria b̶uu waud̶ai panuu. Maka chi ara ea kachiruad̶ebena wãped̶aad̶a nuree ãchiba setaa kũruabadau waya kachirua waud̶amera.