1 Corintios 2:10 - Emberá Chamí

¹⁰ Joma mau Dachi Akõreba ichi Jaurid̶eeba dachimaa kuitaabiasii. Ichi Jauriba ne joma kuitaa b̶uu. Chi Dachi Akõre kʉ̃risia sid̶a ne joma kuitaa b̶uu.

1 Corintios 2:10 Iomraidhean Croise

Mateo 13:11

Jesusba panausii: —Bajãad̶e B̶uuba ichid̶irã ichi juad̶e ua b̶uu ʉ̃rʉbena jomaurãmaa kuitaabiawẽa b̶umina machimaa kuitaabia b̶uu.

Mateo 16:17

Jesusba jarasii: —Bichi ãrea biꞌia b̶uu, Simón, Jonás warr. Ab̶au ẽbẽra bid̶a bichimaa mau kuitaabiibasii, maumaarã mʉ Chacha bajãad̶e b̶uuba kuitaabisii.

Lucas 10:21

Maka berrea panuud̶e Jesús Dachi Akõre Jaurid̶eeba ãrea kĩrajʉʉ nub̶eesii. Maud̶eeba Dachi Akõremaa naka jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii. Maerã, Chacha, bichiba maka wausii maka waui kʉ̃ria b̶uasiid̶eeba.

Lucas 2:26

Naed̶e Dachi Akõre Jauriba ichimaa kuitaabisii ichi biui naed̶e Dachi Mechiuba Dachi Karibabarii deai jarad̶a unui.

Juan 14:26

Maamina mʉ Chacha mʉ trʉ̃d̶eeba ichi Jauri bʉi machi Aid̶abarii b̶uamera. Dachi Akõre Jauriba ne joma machimaa jaradeai. Ichiba mʉʉba jarad̶a machimaa joma kĩrababiai.

Juan 16:13

Maamina Dachi Akõre Jauriba biawãra bed̶ea kuitaabiabariid̶eeba ichi neeruud̶e machimaa jaradeai chi biawãra bed̶ea Dachi Akõred̶eeba nee b̶uu joma kuitaad̶amera. Ara ichi kʉ̃risiad̶eeba berreabai, maumaarã joma mʉʉd̶ebena ũriiruu jarai. Ichiba machimaa kuitaabiai chi neei ewarid̶e kãare sakai.

1 Corintios 14:30

Ãba ab̶a berrea b̶uud̶e Dachi Akõreba chi ũri panuud̶ebena ab̶aumaa ne unubiiruubʉrã, chi berrea b̶uuba mau ãba ida berreabi b̶uu.

1 Corintios 2:11

¿Ẽbẽra kʉ̃risia kaiba kuitaa b̶uma? Ara ichi du ab̶aburu kuitaa nii. Ara mau kĩra ab̶au bid̶a Dachi Akõre kʉ̃risia poyaa kuitaad̶aabasii. Ab̶a Dachi Akõre Jauríburu mau kuitaa nii.

Gálatas 1:12

Mau bed̶ea mʉʉba ab̶a ẽbẽrad̶ebena kuitaabasii. Ab̶a ẽbẽraba mʉʉmaa jaradeabasii. Maumaarã Jesucristoba mʉʉmaa kuitaabisii.

Efesios 3:3

Ichiba naed̶e kuitaabiwẽa b̶uad̶a mʉʉmaa kuitaabisii. Mau ʉ̃rʉbena mʉʉba nau kartad̶e b̶aꞌãra b̶ʉsii.

Efesios 3:5

Naed̶e Dachi Akõreba ẽbẽrarãmaa mau kuitaabiawẽa b̶uasii, maamina jãabae chi ichi baita berreabadaurãmaa maud̶e Jesucristoba bʉid̶arãmaa ichi Jaurid̶eeba kuitaabiasii.

1 Timoteo 4:1

Dachi Akõre Jauriba arakʉd̶e jara b̶uu nau kaad̶ebena ewarid̶e waabenarãba Cristod̶e ijãa panaped̶aad̶a ida b̶ud̶aped̶a jai kachirua seta id̶aa nuree maud̶e ãchiba jaradeabi panuu ijãad̶ai.

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.

1 Juan 2:20

Maumaarã machiba Dachi Akõre Jauri Cristoba dead̶a uru panuu. Ichid̶eeba joma chi biawãra bed̶ea kuitaa panuu.

1 Juan 2:27

Maamina machiba Dachi Akõre Jauri Cristoba dead̶a uru panuu. Maud̶eeba jʉrʉd̶aabai panuu waabenarãmaa machi jaradeabiayua. Dachi Akõre Jauriba machimaa ne joma jaradea b̶uu. Ichiba jaradea b̶uu setawãe, maumaarã biawãrabʉ. Maud̶eeba Cristo ome ãbua panásturu Dachi Akõre Jauriba machimaa jaradead̶a kĩra.

Apocalipsis 1:1

Mʉ Jesucristo baita bari trajabarii Juanbʉ. Nau kartad̶e b̶ʉ b̶uu Jesucristoba bajãad̶ebena mʉʉmaa unubid̶a. Mau Dachi Akõreba Jesucristomaa unubisii ichid̶e ijãa nureerãmaa unubiamera kãꞌãabariwãed̶e kãare sãai b̶uu. Jesucristoba ángel mʉʉmaa bʉisii mau unubimera.

Apocalipsis 2:24

Maamina chi nuree machid̶ebena Tiatirad̶ebenarãba jãu wẽraba jaradea b̶uu ũrid̶awẽa panuu. Mau awara machiba chi “Satanasba mera ua b̶uu” abadau jʉrʉd̶awẽa panuu kuitaad̶ai baita. Mʉʉba june maucha waubiawẽe,