1 Corintios 16:11 - Emberá Chamí

¹¹ Maud̶eeba ichi kĩramaabiarã́sturu, maumaarã aid̶ásturu mʉ ichiad̶e neeruud̶e jirukaraayuwãe neemera. Mʉʉba maud̶e waabenarã ãbarã ichi neei esed̶au panuu.

1 Corintios 16:11 Iomraidhean Croise

Lucas 10:16

Maabae ichi baara nibabadaurãmaa jarasii: «Machi bed̶ea ijãa b̶uuba mʉ bed̶ea ijãa b̶uu. Machi ida b̶u b̶uuba mʉ ida b̶u b̶uu. Maud̶e chi mʉ ida b̶u b̶uuba chi mʉ Bʉid̶a sid̶a ida b̶u b̶uu».

Hechos 15:3

Ãbarã Antioquiad̶ebenarãba bʉisid̶aud̶e ãchi Fenicia druad̶e maud̶e Samaria druad̶e nibasid̶au. Puurucha nebʉrʉsid̶au saka judiowãerãba ãchi kʉ̃risia chõra ida b̶ud̶aped̶a Jesusd̶e ijãasid̶au. Mau bed̶ea ũrisid̶aud̶e joma ãbarã kĩrajʉʉsid̶au.

Hechos 15:33

Judas maud̶e Silas aria aribia panad̶aped̶a ãbarãba ãchi bʉiped̶aad̶amaa waya biꞌia wãbiasid̶au.

1 Corintios 16:10

Ãba Timoteo machimaa neeruubʉrã, ichi machi tãed̶e biꞌia irsibísturu wapearãamera. Dachi Mechiuba kʉ̃ria b̶uu ichiba biꞌia wau b̶uu mʉʉba wau b̶uu kĩra.

1 Corintios 16:6

¿Mʉ machi baara awawarrea b̶eei b̶uẽka? ¿Machi baara joma nau kui che ewarid̶e b̶eei b̶uẽka? Maabae machiba mʉ poyaa aid̶ad̶ai mʉ wãaruumaa biꞌia wãmera.

2 Corintios 1:16

Mʉʉba kʉ̃risia b̶uasii Macedonia druad̶aa wãaruud̶e naa machi ichiad̶e wãi. Maabae Macedoniad̶aa wãped̶a waya machi ichiad̶e wãi kʉ̃risia b̶uasii. Maka Judea druad̶aa wãaruud̶e machiba mʉ poyaa aid̶ad̶ai kʉ̃risia b̶uasii.

1 Tesalonicenses 4:8

Chi mau mʉʉba jaradead̶a ida b̶u b̶uuba ẽbẽraba jarad̶a ida b̶uwẽa b̶uu, maumaarã Dachi Akõreba jara b̶uu ida b̶u b̶uu. Ara mau Dachi Akõreba ichi Jauri machimaa deasii kachiruaswãe panad̶amera.

1 Timoteo 4:12

Bichi kũudrãa b̶umina ab̶aumaa bid̶a ida kabirã́se. Maumaarã bichiba berrearuud̶eeba, ne wau b̶uud̶eeba, waabenarã biawãra kʉ̃ria b̶uud̶eeba, kĩra jipa b̶uud̶eeba, maud̶e Cristod̶e ijãa b̶uud̶eeba ãbarãmaa unubiáse saka panad̶ai panuu.

Tito 2:15

Joma mau jaradea b̶uase. Aid̶ase ãbarãba mau bed̶ea waud̶amera. Biꞌiwãe wau nuree iadaase, Dachi Akõreba bichi b̶usiid̶eeba maka waumera. Ãbarãmaa bichi ida makabiarã́se.

3 Juan 1:6

Ãbarã araa ãbua imisid̶aud̶e, jomaurã daad̶e maarãba bichi kʉ̃ria panuu ʉ̃rʉbena nebʉrʉsid̶au. Mʉ kĩra chuburiáse, ãchi aid̶ase biꞌia wãd̶amera Dachi Akõreba ichi traju waubadaurã aid̶abiabarii kĩra.