1 Corintios 16:1 - Emberá Chamí

¹ Mau awara machiba ãbarã Jerusalend̶ebena baita chi nejarra peeduu ʉ̃rʉbena mʉʉba jaraaruu. Mʉʉba ãbarã Galacia druad̶ebenarãmaa jarad̶a kĩra wáusturu.

1 Corintios 16:1 Iomraidhean Croise

Hechos 11:28

Ab̶a Agabo abadau ʉkʉ nub̶eeped̶a Dachi Akõre Jaurid̶eeba jarasii joma nau druad̶e jarrba waud̶ai neei. Mau jarrba biawãra neesii Claudio Romad̶ebena chi aude mechiu basiid̶e.

Hechos 11:30

Mau chi nejarr peped̶aad̶akare, Bernabé maud̶e Saulomaa urubʉisid̶au chi Judead̶ebena ijãabadaurã nubadaurã baita.

Hechos 16:6

Pablo ichi ome nibad̶a sid̶a Frigia druad̶e maud̶e Galacia druad̶e nibasid̶au Dachi Akõre Jauriba chi bed̶ea Jesús ʉ̃rʉbena Asia druad̶e ida jarabiad̶aabasiid̶eeba.

Hechos 18:23

Pablo aria aribia b̶uasiid̶e Galacia druad̶e maud̶e Frigia druad̶e nibasii. Puurucha chi Jesusd̶e ijãabadaurã jaradeasii biꞌia ijãad̶amera.

Hechos 24:17

»Mʉ Jerusalend̶ebena ãyaa wãd̶a año ãrea bad̶akare, waya araa neesii, chi mʉ puurud̶ebenarã chi nejarr barauwãe nureemaa chi nejarra deai baita maud̶e Dachi Akõremaa ãnimara baa deai baita.

Hechos 9:13

Maud̶e Ananiasba jarasii: —Mʉ Mechiu, mʉʉba jãu ẽbẽra ʉ̃rʉbena ũri b̶uu. Ãreaba jarabadau Jerusalend̶e ichiba bichi ẽbẽrarã ãrea kachirua wau b̶uu.

Hechos 9:41

Pedroba ichi juad̶e jidauped̶a jiradubisii. Maabae ãbarã maud̶e pẽdrãarã iukuaped̶a Dorcas chokae jiradud̶a unubiasii.

Romanos 12:13

Ẽbẽrarã Dachi Akõred̶erã chi nejarr barauwãe nuree aid̶ásturu. Chi machi ded̶e needuu biꞌia irsibísturu.

1 Corintios 11:34

Ab̶a jarrbisia b̶uubʉrã ichi ded̶e koi b̶uu. Maka araa ãbua imiiduud̶e Dachi Akõreba machi kastikaabai kachirua wau panuud̶eeba. Mʉʉba wabid̶a jaradeai b̶uu machimaa wãaruud̶e joma jaradeai.

1 Corintios 16:15

Ãbarã, machiba kuitaa panuu Acaya druad̶e Estefanasba maud̶e ichi ded̶ebenarã chi naed̶e Jesusd̶e ijãaped̶aad̶a maud̶e ãchiba kʉ̃risia panuu joma ãbarã aid̶ad̶ai baita.

1 Corintios 4:17

Maud̶eeba Timoteo machimaa bʉiruu. Dachi Mechiud̶eeba mʉ warr kʉ̃riabarii kĩra nii, maud̶e jipa nibabarii. Ichiba machimaa kĩrababiai mʉ Jesucristo ome saka jipa nii. Mʉ maka nibai chi ẽbẽrarã Jesucristod̶erã duanabariicha jaradea b̶uu.

Gálatas 1:2

Mʉʉba nau karta b̶ʉʉruu ãbarã Galacia druad̶ebenarã baita. Joma ãbarã mʉ ome panuurãba kʉ̃ria panuu,

Gálatas 2:10

Ab̶aburu daimaa jarasid̶au ãbarã chi nejarr barauwãe nuree aid̶ad̶amera. Mau mʉʉmaarã ãrea biꞌia b̶uasii maka wau kʉ̃ria b̶uasiid̶eeba.

Filemón 1:5

Mʉʉba ũrisii bichiba Dachi Mechiu Jesusd̶e ijãa b̶uu maud̶e joma ẽbẽrarã Dachi Akõred̶erã kʉ̃ria b̶uu.

Filemón 1:7

Ãba, bichiba ẽbẽrarã Dachi Akõred̶erã kʉ̃ria b̶uud̶eeba kĩrajʉʉbiasii. Makaburu mʉ sid̶a kĩrajʉʉ nibabisii maud̶e ãrea dauchia jãadua sõbia nibabisii.

Hebreos 6:10

Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

1 Juan 3:17

Chi nau iujãad̶e chi nejarr barau niiba chi nejarr barauwãe nii ãba unu b̶uu aid̶awẽebʉrã, ¿Dachi Akõreba chi kʉ̃ria ichi sõd̶e uru b̶uka? Uru b̶uuwãe.