1 Corintios 15:5 - Emberá Chamí

⁵ Chokae jiradusiid̶e Pedromaa unubisii. Mawãare ichiba 12 jʉrʉ adaud̶arãmaa unubiasii.

1 Corintios 15:5 Iomraidhean Croise

Marcos 16:14

Mau maad̶akare chi Jesús baara nibabadaurã 11 komaa panuud̶e, Jesusba ichi unubiasii. Ãchi sõ chaaread̶eeba ijãad̶aabasiid̶eeba maud̶e chi ichi chokae jiradud̶a unuped̶aad̶aba ãchimaa jarad̶a ijãad̶aabasiid̶eeba ichiba ãchi iadaasii.

Juan 1:42

Maabae Andresba Simón Jesusmaa adoesii. Neesid̶aud̶e Jesusba Simonmaa ichiaped̶a jarasii: —Bichi Simón Jonás warr, maamina id̶iid̶eeba bichi Cefas ad̶ai. (Mau Cefas trʉ̃ Pedro abadau).

Hechos 10:41

Dachi Akõreba jomaurãmaa unubiabasii maamina daimaa unubiasii mau baita adoesiid̶eeba. Ichi chokae jiradusiid̶e dai ichi ome kosid̶au maud̶e dosid̶au.

1 Corintios 1:12

Mau ʉ̃rʉbena biꞌia jaraaruu. Waabenarã machid̶ebenarãba jarabadau: «Mʉ Pablod̶e». Waabenarãba jarabadau: «Mʉ Apolosd̶e». Waabenarãba jarabadau: «Mʉ Pedrod̶e». Maud̶e waabenarãba jarabadau: «Mʉ Cristod̶e».

1 Corintios 3:22

Machiba mʉ, Apolos maud̶e Pedro uru panuu. Joma nau iujãad̶e b̶uu sid̶a uru panuu. Chi id̶ibaebena maud̶e nubena uru panuu. Dachi chokae panuubʉrã maebʉrã biuduubʉrã Dachi Akõred̶eeba ne joma uru panad̶ai biꞌia nuread̶ai baita.

1 Corintios 9:5

Waabenarã Jesusba bʉid̶arã, Dachi Mechiu Jesús ãbarã maud̶e Pedro ãchi wẽrarã ome ãbua nibabadau. Ara maarã kĩra ¿Jesusd̶e ijãa b̶uu wẽra ome kãiped̶a, mʉ ome ãbua uru nibaabai b̶uka?