1 Corintios 15:10 - Emberá Chamí

¹⁰ Maamina Dachi Akõreba ichi sõbiad̶eeba mʉ b̶usii Jesucristoba bʉid̶a b̶uamera. Ichiba mʉ bari maka b̶uubasii. Maumaarã joma waabenarã chi Jesucristoba bʉid̶arã audeara mʉʉba ichi baita aude wau b̶uu. Maamina ara michid̶eeba maka wauwẽa b̶uu. Dachi Akõréburu ichi sõbiad̶eeba mʉ aid̶a b̶uu maka waumera.

1 Corintios 15:10 Iomraidhean Croise

Mateo 10:20

Ara machi kʉ̃risiad̶eeba berread̶aabai, maumaarã machi kakua Dachi Akõre Jauri berreai.

Mateo 25:16

Chi 5.000 adaud̶a trajad̶e wãsii mau chi nejarra waribii baita. Maka ichiba maucha 5.000 adausii.

Romanos 11:1

Maud̶eeba mʉʉba nau id̶iiruu: «¿Dachi Akõreba israeld̶ebenarã ichid̶irã ida b̶uska?» ¡Makawãema! Mʉ israeld̶ebenabʉ, Abrahamd̶ebena need̶abʉ, Benjamind̶ebena need̶abʉ.

Romanos 12:3

Dachi Akõreba ichi sõbiad̶eeba mʉ b̶usii ichi baita ne wau b̶uamera. Maud̶eeba mʉʉba machimaa nau jaraaruu: ab̶au bid̶a kʉ̃risiabai b̶uu ara ichi chi mechiu nii. Machiba Cristod̶e ijãaped̶aad̶ad̶eeba Dachi Akõreba machicha aꞌawaraa deasii ne waud̶amera. Maud̶eeba ichiba dead̶a kĩra machiba wau panuu biꞌia kʉ̃risiásturu.

1 Corintios 15:11

Waabenarã Jesusba bʉid̶arãba ichi ʉ̃rʉbena jaradea panuubʉrã maebʉrã mʉʉba jaradea b̶uubʉrã, arab̶aud̶e jaradea panuu. Maud̶e machiba ara mau bed̶ea ijãasid̶au.

1 Corintios 15:2

Mʉʉba jaradead̶a biawãra ijãa panuubʉrã, Dachi Akõreba karibai. Makawãebʉrã, machiba bari ijãasid̶au.

1 Corintios 3:10

Mʉ chi de waubarii bia kĩra nii. Dachi Akõreba ichi sõbiad̶eeba mʉʉmaa dead̶aba, de jʉ̃rʉ ãrea id̶u ʉyaasii. Waabenarãba mau ʉ̃rʉ de waubadau. Maamina dachicha kauwa panad̶ai b̶uu saka mau ʉ̃rʉ waui b̶uu.

1 Corintios 3:6

Ne uuruu kĩra mʉʉba machimaa Jesús ʉ̃rʉbena naa jaradeasii. Maabae mʉʉba uud̶ad̶e bania earuu kĩra Apolosba Dachi Akõre bed̶ea biꞌia jaradeasii. Maamina Dachi Akõréburu aid̶asii machiba ijãad̶amera chi ne uud̶a waribiiruu kĩra.

1 Corintios 4:7

¿Kaiba machi waabenarã audeara biꞌia b̶usma? Dachi Akõreba dead̶a awara ¿machiba kãare uru panuma? Machiba Dachi Akõred̶ebena ne joma adauped̶aad̶ad̶eeba ¿sakãe ara machi du ab̶a adauped̶aad̶a kĩra berrea panuma?

2 Corintios 12:11

Mʉ kʉ̃risiaswãe nii kĩra ara mʉ ʉ̃rʉbena biꞌia berrea b̶uu, maamina machiaburu mʉ maka berreabisid̶au. Machiba mʉ ʉ̃rʉbena biꞌia berread̶ai panumina biꞌia berread̶awẽa panuu. Maud̶e kʉ̃risia panuu jãarã Jesucristoba bʉid̶arã abadaurã chi mechiu nuree. Mʉ chi mechiuwãemina ãchi audeara kaebeu b̶uuwãe.

2 Corintios 3:5

Daiba poyaa jarad̶aabai ara dai du ab̶a Dachi Akõre traju poyaa waud̶ai panuu. Maumaarã kuitaa panuu Dachi Akõred̶eeba joma poyaa waud̶ai.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

Gálatas 2:8

Biawãra Dachi Akõreba Pedro ichiba bʉid̶a b̶usii judiorãmaa jaradeamera. Ara mau Dachi Akõreba mʉ b̶usii ichiba bʉid̶a bai baita, judiowãerãmaa jaradeamera.

Filipenses 2:13

Ichiba machi aid̶a b̶uu ichiba kʉ̃ria b̶uu wau panad̶amera maud̶e maka wau kʉ̃ria panad̶amera.

Filipenses 4:13

Cristod̶eeba joma poyaa waui, ichiba mʉʉmaa meserãa b̶uabiiruud̶eeba.

1 Tesalonicenses 5:12

Mau awara ãbarã, daiba chi chuburia id̶i panuu chi ãbarã machi tãed̶e Dachi Akõre traju waubadaurã ãrea wapead̶amera. Ãchi Dachi Mechiu Jesucristod̶eeba machi saka nibad̶ai jarabadau maud̶e jaradeabadau.

1 Timoteo 4:10

Mau baita dachi traja panuu. Ãrea biꞌiwãe panuu, Dachi Akõre chokae b̶uuba jomaurã poyaa karibai kuitaa panuud̶eeba. Biꞌia jaraaruubʉrã, chi ichid̶e ijãaduu karibabarii.