1 Corintios 13:2 - Emberá Chamí

² Mʉ Dachi Akõre baita berrearuubʉrã, Dachi Akõreba kʉ̃risia kuitaabiwẽa b̶uad̶a joma kuitaa b̶uubʉrã, Dachi Akõre kʉ̃risia kuitaa joma kuitaa b̶uubʉrã, maud̶e sõd̶eeba biawãra ijãa b̶uud̶eeba ea poyaa ãyaa b̶uuruubʉrã, maud̶e waabenarã kʉ̃riawẽa b̶uubʉrã, mʉ baleswãe nii kĩra nii.

1 Corintios 13:2 Iomraidhean Croise

Mateo 13:11

Jesusba panausii: —Bajãad̶e B̶uuba ichid̶irã ichi juad̶e ua b̶uu ʉ̃rʉbena jomaurãmaa kuitaabiawẽa b̶umina machimaa kuitaabia b̶uu.

Mateo 17:20

Jesusba panausii: —Machiba ãrea Dachi Akõred̶e ijãad̶awẽa panuud̶eeba poyaad̶aabasii. Mʉʉba biawãra jaraaruu: mostaza taa kaebeara kĩra machiba b̶istĩika bid̶a ijãa panuubʉrã, nau eamaa namabena ãyaa b̶uad̶e wãse a jarad̶ai. Maud̶e ea ãyaa b̶uad̶e wãi. Maka ijãa panuubʉrã machiba poyaa waud̶akau wãꞌãe.

Mateo 21:19

Maud̶e higo bakuru ab̶a o kaita unusii. Maamina araa neesiid̶e bari kirúturu nub̶uu unusii. Maud̶eeba higo bakurumaa jarasii: —¡Bichira jãabae chauwẽa b̶uai! Ara makʉd̶e higo bakuru poasii.

Mateo 21:21

Jesusba panausii: —Biawãra mʉʉba jarakuaruu: machiba id̶i panuu Dachi Akõreba biawãra waui ijãaduubʉrã, maud̶e ichiba poyaa waubai b̶uu kʉ̃risiad̶awẽebʉrã, mʉʉba jãu higo bakurumaa wausii kĩra audeara waud̶ai. Machiba nau eamaa jãmabena mard̶e b̶aed̶e wã́bad̶e aaduubʉrã, machiba jaraaduu kĩra makai.

Hechos 13:1

Ãbarã Antioquía puurud̶ebena tãed̶e Dachi Akõre baita berreabadaurã, maud̶e Cristo ʉ̃rʉbena jaradeabadaurã nureasii. Bernabé, Saulo, Lucio Cirened̶ebena maud̶e Simón b̶uasii. Simón trʉ̃ «Chi Parr» abachid̶au. Manaén sid̶a b̶uasii. Ichi Galilea druad̶ebena jaradea ua b̶uabarii Herodes ome ãbua warisii.

Romanos 11:25

Ãbarã, mʉʉba kʉ̃ria b̶uu Dachi Akõreba ne naed̶e kuitaabiawẽa b̶uad̶a machiba kuitaad̶ai. Maka judiorã audeara biꞌia nuree kʉ̃risiad̶aabai. Dachi Akõreba naed̶e kuitaabiawẽa b̶uad̶a naubʉ: ãrea judiorã sõ chaarea paneesid̶au maud̶e maka paneed̶ai ab̶a joma chi Cristod̶e ijãad̶ai panuu judiowãerãba ijãaduud̶aa.

Romanos 15:14

Ãbarã, mʉʉba kuitaa b̶uu machiba biꞌia biawãra wau panuu maud̶e ãrea kuitaa panuud̶eeba poyaa chiya jaradead̶ai.

Romanos 16:25

Mʉʉba chi bed̶ea bia Jesús ʉ̃rʉbena jaradea b̶uabarii. Ara mau bed̶ead̶eeba Dachi Akõreba machi poyaa aid̶ai chaarea nuread̶amera. Mau bed̶ea Dachi Akõreba naed̶e kuitaabiawẽa b̶uasii maamina id̶ibae kuitaabiasii. Ichi baita berreabadaurãba mau kartad̶e b̶ʉsid̶au. Dachi Akõre biukauba maka b̶ʉbiasii druachad̶ebenarãba ũrid̶aped̶a Jesucristod̶e ijãad̶amera. Dachi Akõremaa biꞌia berread̶ai panuu.

1 Corintios 11:4

Ãbarã araa ãbua imiiduud̶e chi mukĩra ichi borod̶e ne jʉ̃ped̶a Dachi Akõremaa ʉtaa id̶iiruubʉrã maebʉrã Dachi Akõre baita berrearuubʉrã, ichi chibari Cristo wapeawẽa nii unubi b̶uu.

1 Corintios 12:28

Dachi Akõreba ãbarã tãed̶e chi Jesucristoba bʉid̶arã naa b̶usii. Mawãare ichi baita berreabadaurã b̶usii. Mawãare ichi bed̶ea jaradeabadaurã b̶usii. Mawãare waabenarã b̶usii ẽbẽrarãba ne poyaa waud̶akau poyaa waud̶amera, chi nuree b̶usii ẽpermo nuree poyaa aribiabiad̶amera, chi nuree b̶usii ãbarã aid̶ad̶amera, chi nuree b̶usii chi ãbarã tãed̶e saka waud̶ai kuitaa panad̶amera, maud̶e chi nuree b̶usii barikiu dachiba ũrid̶akau bed̶ead̶e berread̶amera.

1 Corintios 13:1

Mʉ nau iujãad̶ebenarã bed̶ead̶e berrearuubʉrã maud̶e ángel bed̶ead̶e berrearuubʉrã maud̶e waabenarã ẽbẽrarã kʉ̃riawẽa b̶uubʉrã, mʉ jiorr waud̶a jĩwabarii kĩra maebʉrã campana jĩwabarii kĩra nii.

1 Corintios 13:3

Joma mʉʉba uru b̶uu chi wãꞌãe nureemaa dearuubʉrã maud̶e Dachi Akõre baita ara michi kakua ida baa deabiiruubʉrã, maamina waabenarã kʉ̃riawẽa b̶uubʉrã, mʉ baleswãe nii kĩra nii.

1 Corintios 13:8

Ẽbẽrarã kʉ̃riai wãꞌãekau. Maamina ewari ab̶a Dachi Akõre baita berreabadau waa berread̶aabai, dachiba ũrid̶akau bed̶ead̶e berreabadau waa berread̶aabai, Dachi Akõre Jaurid̶eeba kuitaaped̶aad̶a jaradeabadaurãba waa jaradead̶aabai.

1 Corintios 14:29

Ara mau kĩra Dachi Akõre baita berreabadau ome maebʉrã õbea berread̶ai panuu. Maud̶e jomaurãba ãchiba berrea panuu kauwa ũrid̶ai panuu biawãra kuitaad̶ai baita.

1 Corintios 14:39

Maka ãbarã, biꞌia jʉrʉ́sturu Dachi Akõre baita berread̶ayu. Maud̶e dachiba ũrid̶akau bed̶ead̶e berreabadaurã ida berreabiásturu.

1 Corintios 14:4

Chi dachiba ũrid̶akau bed̶ead̶e berrea b̶uuba ara ichi du ab̶a aid̶a b̶uu biꞌia ijãai baita. Maamina chi Dachi Akõre baita berrea b̶uuba ãbarã aid̶a b̶uu biꞌia ijãad̶amera.

1 Corintios 15:51

Ũrísturu. Dachi Akõreba naed̶e kuitaabiawẽa b̶uad̶a mʉʉba kuitaabii: joma dachi biud̶aabai, maumaarã chi kakua kĩra awara paneed̶ai.

1 Corintios 16:22

Barikiuba Dachi Mechiu Jesucristo kʉ̃riawẽebʉrã, Dachi Akõreba mau ẽbẽra nebʉra barau ai. ¡Uche, Dachi Mechiu!

1 Corintios 4:1

Maka machiba kʉ̃risiad̶ai panuu dai Cristo baita bari trajabadaurã. Dachi Akõreba dai b̶usii chi ichi ʉ̃rʉbena naed̶e kuitaabiawẽa b̶uad̶a jaradead̶amera.

1 Corintios 7:19

Mukĩra chi kakua tõo b̶uai aude bibuara b̶uwãema maud̶e mukĩra chi kakua tõowẽa b̶uai sid̶a aude bibuara b̶uwãema. Dachi Akõreba waubi b̶uu bed̶ea wau b̶uai aude bibuara b̶uu.

1 Corintios 8:4

Maud̶eeba Dachi Akõrerã kuenda juaba ne kaped̶aad̶arãmaa ãnimara kiuru baa dead̶a kobadau ʉ̃rʉbena mʉʉba jaraaruu. Dachiba kuitaa panuu juaba ne kaped̶aad̶a biawãrawãe. Maud̶e kuitaa panuu Dachi Akõre biawãra ab̶aburu nii.

2 Corintios 12:11

Mʉ kʉ̃risiaswãe nii kĩra ara mʉ ʉ̃rʉbena biꞌia berrea b̶uu, maamina machiaburu mʉ maka berreabisid̶au. Machiba mʉ ʉ̃rʉbena biꞌia berread̶ai panumina biꞌia berread̶awẽa panuu. Maud̶e kʉ̃risia panuu jãarã Jesucristoba bʉid̶arã abadaurã chi mechiu nuree. Mʉ chi mechiuwãemina ãchi audeara kaebeu b̶uuwãe.

Gálatas 5:16

Maud̶eeba mʉʉba jaraaruu: Dachi Akõre Jaurid̶eeba nibásturu. Makaaruubʉrã machi kakuaba kachirua wau kʉ̃ria b̶uu waud̶aabai.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Gálatas 6:3

Chi mechiuwãe b̶uuba ichi chi mechiu nii kʉ̃risia b̶uubʉrã, ara ichi du ab̶a setaa kũrua b̶uu.

Efesios 3:4

Nau karta ed̶a jara panuud̶e machiba kuitaad̶ai Dachi Akõreba Cristo ʉ̃rʉbena kuitaabiwẽa b̶uad̶a, mau mʉʉba kauwa kuitaa b̶uu.

Efesios 6:19

Maud̶e mʉ baita Dachi Akõremaa ʉtaa id̶i panásturu. Ichimaa ʉtaa id̶ísturu mʉʉmaa kuitaabimera saka Cristo ʉ̃rʉbena berreai b̶uu. Maka mʉʉba wapeawẽa ẽbẽrarãmaa kuitaabiai chi bed̶ea bia Cristo ʉ̃rʉbena, Dachi Akõreba naed̶e kuitaabiwẽa b̶uad̶a.

Colosenses 1:26

Nabẽraed̶ebena ewarid̶e mau bed̶ea Dachi Akõreba kuitaabiawẽa b̶uasii, maamina id̶i mau bed̶ea ichi ẽbẽrarãmaa kuitaabiasii.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

1 Juan 4:8

Dachi Akõreba ne jomad̶e kʉ̃riakua b̶uud̶eeba chi ab̶au kʉ̃riawẽa b̶uuba Dachi Akõre unukau.