1 Corintios 12:11 - Emberá Chamí

¹¹ Ara Dachi Akõre Jauri ab̶a niiba joma mau waubi b̶uu. Ichiba dachicha waubi b̶uu ichiba kʉ̃ria b̶uu kĩra.

1 Corintios 12:11 Iomraidhean Croise

Mateo 11:26

Maerã, Chacha, bichiba maka wausii maka waui kʉ̃ria b̶uasiid̶eeba.

Mateo 20:15

¿Bichimaarã, mʉ chi nejarra mʉʉba wau kʉ̃ria b̶uu kĩra wauwẽa b̶uka? Mʉ ẽbẽra sõbia niid̶eeba ¿bichi kĩru b̶uka?”

Juan 3:27

Maud̶eeba Juanba jarasii: —Ab̶au bid̶a poyaa uru b̶uabai, chi mau Dachi Akõreba ichimaa dearuuwãebʉrã.

Juan 3:8

Pũaturã barikiareeba pũatubarii. Chi jĩwa ũribarimina kuitaakau samareeba neeruu maud̶e samaa wãaruu. Ara mau kĩra Dachi Akõre Jauri unud̶akamina kuitaa panuu ẽbẽra sõd̶e saka maka wau b̶uu.

Juan 5:21

Mʉ Chachaba biud̶arã chokae jiradubiaped̶a chokae duanubiabarii kĩra, maka mʉ chi Warrba chi mʉʉba kʉ̃riakuaruu chokae duanubiabarii.

Romanos 12:6

Dachi Akõreba ichi sõbiad̶eeba dachicha ne waud̶amera aꞌawaraa deasii. Ichiba chi nureerãmaa deasii ichi baita berread̶amera. Maka dead̶akasiibʉrã, ãchiba biawãra ijãa panuud̶eeba maka berread̶ai panuu.

Romanos 9:18

Mauba kuitaabia b̶uu Dachi Akõreba ab̶a bid̶a kĩra chuburiai kʉ̃ria b̶uubʉrã maka waubarii maud̶e ab̶a bid̶a sõ chaarea b̶eebii kʉ̃ria b̶uubʉrã makabibarii.

1 Corintios 12:18

Dachi Akõreba dachi kakuad̶e joma b̶usii ichiba kʉ̃ria b̶uad̶a kĩra.

1 Corintios 12:4

Dachi Akõre Jauri ab̶a niiba dachimaa dea b̶uu ne diwaraa waud̶amera.

1 Corintios 12:6

Dachi Akõre ab̶a niiba dachimaa ne diwaraa waubi b̶uu. Ichiaburu dachid̶eeba mau joma waubarii.

1 Corintios 7:17

Dachi Akõreba dachi iusiid̶e ara dachi panad̶a kĩra nuread̶ai panuu. Mukĩra kakua tõo b̶uasiibʉrã ara maka b̶uai b̶uu. Mukĩra kakua tõowẽa b̶uasiibʉrã ara maka b̶uai b̶uu. Dachicha nuread̶ai panuu Dachi Mechiuba b̶ud̶a kĩra. Mʉʉba ẽbẽrarã Dachi Akõred̶erã araa ãbua imibadaucha maka jaradea b̶uu.

1 Corintios 7:7

Mʉʉmaarã, biꞌia b̶uai jomaurã mʉ kĩra du nuread̶ai. Maamina Dachi Akõreba dachicha saka nuread̶ai deasii. Dachi Akõreba chi nureemaa du nuread̶ai dea b̶uu. Maud̶e chi nureemaa kima adaud̶ai dea b̶uu.

2 Corintios 10:13

Ara dai ʉ̃rʉbena biꞌia berread̶aabai, maumaarã Dachi Akõreba daimaa waubi b̶uu ʉ̃rʉbena biꞌia berread̶ai. Ichiba waubi b̶uu wau panuud̶eeba dai machimaa neesid̶au.

Efesios 1:11

Dachi Akõreba ne joma ichiba wau kʉ̃ria b̶uu waubarii kĩra Cristod̶eeba dachi jʉrʉ adausii, nabẽraed̶eed̶e kʉ̃risia b̶uad̶a kĩra.

Efesios 4:7

Maamina Cristoba ne waubiabarii dea kʉ̃ria b̶uad̶a kĩra ichi sõbiad̶eeba dachicha ichi baita ne bia waud̶amera aꞌawaraa dead̶akasii.

Hebreos 2:4

Mau awara Dachi Akõreba ẽbẽrarãba ne poyaa waud̶akau mechiu aꞌawaraa waubiasii. Ichiba kʉ̃ria b̶uad̶a kĩra ichi Jauriba waubi b̶uu ichid̶irãcha dead̶akasii. Joma maud̶eeba kuitaabiasii mau bed̶ea biawãrabʉ.

Santiago 1:18

Ichi kʉ̃riad̶eeba ichi bed̶ea biawãrad̶eeba dachi chokae b̶uabiasii. Maka ne uu nub̶uud̶ebena nabena chaud̶a ichimaa dead̶a kĩra dachi joma ichiba waud̶ad̶ebena ichi baita biꞌia panuu.