1 Corintios 11:5 - Emberá Chamí

⁵ Maamina wẽraba Dachi Akõremaa ʉtaa id̶iiruud̶e maebʉrã Dachi Akõre baita berrearuud̶e ichi borod̶e ne jʉ̃wẽebʉrã, ichi kima wapeawẽa nii unubi b̶uu. Chi maka wau b̶uu boro metad̶a kĩra b̶uu.

1 Corintios 11:5 Iomraidhean Croise

Lucas 2:36

Aria Dachi Akõre baita berreabarii Ana abadau b̶uasii. Mau Aserd̶ebena need̶a Panuel kau basii. Mau chõodraa b̶uasii. Ãwera b̶uasiid̶e, kima adoeped̶a 7 año b̶uud̶e pẽdrãa basii.

Hechos 2:17

“Dachi Akõreba naka jara b̶uu: Kaad̶ebena ewarid̶e mʉ Jauri joma ẽbẽrarãmaa deai. Maka machi warrarã maud̶e machi kaurã mʉʉba jarabi b̶uu kĩra berread̶ai. Mʉʉba kũudrãarã daumaa ne unubiai. Maud̶e chõrarã bid̶a kamokaraad̶e maka unubiai.

Hechos 21:9

Ichiba kaurã duurã kimare uru b̶uasii. Mau wẽrarã Dachi Akõre baita berreabadaurã basii.

1 Corintios 11:4

Ãbarã araa ãbua imiiduud̶e chi mukĩra ichi borod̶e ne jʉ̃ped̶a Dachi Akõremaa ʉtaa id̶iiruubʉrã maebʉrã Dachi Akõre baita berrearuubʉrã, ichi chibari Cristo wapeawẽa nii unubi b̶uu.

1 Corintios 11:6

Wẽra chi borod̶e ne jʉ̃wẽebʉrã, boro tʉʉi b̶uu. Maamina boro tʉʉped̶a nejasiai b̶uubʉrã maebʉrã boro metad̶a nejasiai b̶uubʉrã, borod̶e ne jʉ̃i b̶uu.

1 Corintios 14:34

wẽrarã berread̶aabai panuu, maumaarã chũpea ũrid̶ai panuu. Ãchi kima bed̶ea ũri panad̶ai panuu Moisesba b̶ʉd̶ad̶e jara b̶uu kĩra.