1 Corintios 10:11 - Emberá Chamí

¹¹ Joma ãchi makad̶aba unubi b̶uu saka Dachi Akõreba kachirua kastikabarii. Mau Dachi Akõre bed̶ead̶e b̶ʉ kub̶uu dachi nau kaad̶earebena ewarid̶e nureerãba ara mau kĩra waurãad̶amera.

1 Corintios 10:11 Iomraidhean Croise

Mateo 13:39

Chi kĩramaamaarã, mau sirua kachirua uud̶a jʉbawãe niibʉ. Chi ne uu nub̶uu chaud̶ai ewari jara b̶uu chi baribai ewari. Chi ne uu nub̶uu junabadaurã Dachi Akõre angelerãbʉ.

Mateo 13:40

Sirua kachirua ẽed̶aped̶a baabadau kĩra nau ewari baribaaruud̶e makai.

Romanos 13:11

Joma mau wau panásturu kuitaa panuud̶eeba nau ewari saka b̶uu. Ʉ̃rʉmásturu. Waa kãi duanarã́sturu. Dachi nau iujãa kachiruad̶ebena karibai aude ara kaita b̶uu dachiba naed̶e ijãaped̶aad̶a audeara.

Romanos 13:12

Nau ewari kachirua wãꞌãemaa b̶uu ẽsabud̶ebena ewarimaa b̶uu kĩra. Maud̶eeba dachiba kachirua ida b̶ud̶aped̶a biꞌia waud̶ai panuu. Maka kachiruad̶ebena joma nu panad̶ai kokoroaba ichi ʉ̃rʉ chaarea b̶uu jʉ̃barii ãyadaa jʉ̃ b̶uu kĩra.

Romanos 15:4

Joma Dachi Akõre bed̶ead̶e b̶ʉd̶a dachimaa jaradeai baita b̶uu. Dachi sõbiabiabarii maud̶e aid̶abarii joma dauchia jãadua panad̶amera. Maka dachiba biawãra kuitaa panuu Dachi Akõre ome ewaricha biꞌia panad̶ai.

Romanos 4:23

Chi Dachi Akõre bed̶ead̶e maka b̶ʉ kub̶uu ichi ʉ̃rʉbenáturu b̶ʉʉbasii.

1 Corintios 10:6

Mau ewarid̶e makad̶aba dachimaa kuitaabi b̶uu kachirua kʉ̃riad̶aabai panuu ãchiba kʉ̃riaped̶aad̶a kĩra.

1 Corintios 7:29

Ãbarã, mʉʉba nau jara kʉ̃ria b̶uu: nau ewari wãꞌãemaa b̶uu. Maud̶eeba jãabae chi ãbarã kima uru nureerãba Dachi Akõre od̶e wã panuu ida b̶ud̶aabai panuu ãchi wẽra ome nuread̶ai baita. Maumaarã chi kima wãꞌãe b̶uu kĩra nuread̶ai panuu.

1 Corintios 9:10

¿Dachi ʉ̃rʉbena sid̶a kʉ̃risia b̶uasiiwãeka? Biawãra dachi baita Dachi Akõreba mau Moisesba b̶ʉd̶a deasii. Chi netaa uubarii maud̶e chi chaud̶a pebarii trajabadau, maud̶ebena ne uru panad̶ai kuitaa panuud̶eeba.

Gálatas 4:24

Mauba dachimaa naka ãrea kʉ̃risiabia b̶uu: Dachi Akõreba bed̶ea dead̶a ome panuu. Mau bed̶ea dead̶a ome panuu Sara maud̶e Agar kĩra panuu. Dachi Akõreba bed̶ea dead̶a ab̶a Sinaí ead̶e deasii. Mau bed̶ea dead̶a chi chibari baita bari trajabarii Agar kĩra b̶uu, chi mau bed̶ea dead̶a ijãa nuree chibari baita bari trajabadaurã kĩra nureed̶eeba.

Filipenses 4:5

Machi ẽbẽrarã bia nuree, jomaurãmaa unubiásturu. Dachi Mechiu neei ewari ʉ̃rʉ ba b̶uu.

Hebreos 10:25

Ãbua duanad̶ai ida b̶ud̶aabai panuu chi nureeba waubadau kĩra. Maumaarã bari chiya aid̶ad̶ai panuu aude ijãad̶ai baita. Maka biꞌia waud̶ai panuu, Dachi Mechiuba nebʉra kastikai ewari kãꞌãabariwãed̶e neei kuitaa panuud̶eeba.

Hebreos 10:37

Dachi Akõre bed̶ead̶e naka b̶ʉ kub̶uu: «Chi neei b̶uu kãꞌãabariwãed̶e neei. Ichi biawãra kãꞌãabariwãed̶e neei.

1 Juan 2:18

Mʉ warrarã, nau kaad̶ebena ewari wãꞌãeburuu. Machiba ũrisid̶au Cristo kĩramaabarii neei. Cristo kĩramaabadaurã id̶ibae barau. Maud̶eeba dachiba kuitaa panuu nau Dachi Akõre bed̶ea ewari wãꞌãeburuu.