1 Corintios 1:9 - Emberá Chamí

⁹ Dachi Akõreba ara ichiba jara b̶uu kĩra waubarii. Ichiba machi iusii ichi Warr Dachi Mechiu Jesucristo ome ãbua nuread̶amera.

1 Corintios 1:9 Iomraidhean Croise

Mateo 24:35

Bajãa maud̶e iujãa waa b̶uabai, maamina mʉ bed̶ea biawãra ewaricha b̶uai.

Juan 17:21

Chacha, bichi mʉ ome b̶uud̶eeba maud̶e mʉ bichi ome b̶uud̶eeba mʉʉba id̶i b̶uu ãchi sid̶a dachi ome chi kakua ab̶a b̶uu kĩra nuread̶amera. Maka nau iujãad̶e nureeba ijãad̶ai bichiba mʉ bʉisii.

Romanos 11:17

Waabenarã judiorã Dachi Akõred̶ebena awara paneesid̶au olivo bakuru jua tʉʉd̶a kĩra. Machi judiowãerã Dachi Akõreswãe panasid̶au olivo bakuru ichi du ab̶a moded̶e warid̶a kĩra. Maamina machi ẽbẽrarã Dachi Akõred̶erã paneesid̶au chi bakuru jua chi b̶ʉatud̶amaa kara nub̶ud̶a kĩra. Maka jãabae Dachi Akõreba machi sid̶a kariba b̶uu judiorã kariba b̶uad̶a kĩra.

Romanos 8:28

Mau awara Dachi Akõreba kʉ̃risia b̶uad̶a kĩra chi ichi kʉ̃riabadau ichiba iukuasii. Dachiba kuitaa panuu maarã baita Dachi Akõreba ne jomad̶e biꞌia waubarii.

Romanos 8:30

Dachi Akõreba chi ichiba naed̶e duanud̶arã iukuasii, ichi Warr Jesús kĩra nuread̶amera. Chi ichiba iukuad̶a chi ichid̶irã jipa nuree baara b̶usii. Chi ichiba chi ichid̶irã jipa nuree baara duanud̶arãmaa ichi biꞌia niid̶ebena deai.

Romanos 9:24

Dachi mau ẽbẽrarãd̶ebenabʉ. Dachi Akõreba dachi joma iusii. Chi nuree judiorãbʉ maamina chi nuree judiowãerãbʉ,

1 Corintios 1:30

Maawẽa Dachi Akõreba machi Jesucristo ome ãbua b̶usii. Maka Cristod̶eeba Dachi Akõreba ichi kʉ̃risia kuitaa dachimaa kuitaabiasii. Ichiba dachi jipa b̶usii, ara ichi baita biꞌia b̶usii, maud̶e kachiruad̶ebena karibasii.

1 Corintios 10:13

B̶esed̶e dachi sõd̶e kʉ̃risiabadau kachirua waud̶ai baita, jomaurãba maka kʉ̃risiabadau kĩra. Mau poyaa dauchia jãadua panad̶awẽebʉrã, Dachi Akõreba dachimaa maka kʉ̃risiabiabai. Maud̶e dachiba maka kʉ̃risia paneeduud̶e ichiba aid̶ai dauchia jãadua panad̶amera, ichiba jara b̶uu kĩra ewaricha waubariid̶eeba.

1 Corintios 10:16

Dachi Mechiu kĩraba panuud̶e dachiba uva b̶aa basud̶e b̶uu ʉ̃rʉbena Dachi Akõremaa ichíturu kid̶ibai ad̶aped̶a dobadau. Mau dooduud̶e unubibadau dachi Cristo oad̶eeba ichi ome ãbua panuu. Maud̶e pan b̶ʉakuad̶a kooduud̶e unubibadau Cristo nau kakuad̶e ãrea biꞌiwãe b̶uasiid̶eeba dachi ichi ome ãbua panuu.

2 Corintios 1:18

Dachi Akõre bed̶ea ab̶a b̶uu. Ichiba kuitaa b̶uu daiba jaraped̶aad̶a biawãra basii. Daiba machimaa wãd̶ai ad̶aped̶a ara makʉd̶e wãd̶aabai ad̶aabasii. Daiba «nau biawãra» ad̶aabasii, maad̶akare «seta» ad̶ai baita.

Gálatas 1:15

Maamina mʉ naweba mʉ adaui naed̶e Dachi Akõreba mʉ jʉrʉ adausii. Ichi sõbiad̶eeba mʉ iusii ichi baita bari trajabarii b̶uamera. Ichiba kʉ̃risiad̶a kĩra

Gálatas 2:20

Mʉ Cristo ome cruzd̶e ãbua jirab̶usid̶au. Maud̶eeba ara mʉʉd̶eeba b̶uwãema, maumaarã Cristo mʉ sõd̶e b̶uu. Nau kakuad̶e chokae b̶uumisa mʉ Dachi Akõre Warr Jesusd̶eeba nibai. Ara mau Jesús, Dachi Akõreba waubi b̶uu wausiid̶eeba, mʉ kʉ̃riasii maud̶e mʉ kakua ichi ida beabisii.

Efesios 3:6

Ichiba kuitaabiawẽa b̶uad̶a naubʉ: judiowãerãba chi bed̶ea biꞌia Cristo ʉ̃rʉbena ijãa panuud̶eeba judiorã ome ãbua Dachi Akõreba deaid̶ebena adaud̶ai, arab̶au kakuad̶e panuu, maud̶e Dachi Akõreba Jesucristod̶eeba deai jarad̶a ãbua uru panuu.

Colosenses 1:24

Jãabae mʉʉba machi aid̶ai baita ãrea biꞌiwãe b̶umina kĩrajʉʉ b̶uu. Maud̶e Cristo baita wabid̶a biꞌiwãe b̶uai b̶uud̶eeba, ãrea biꞌiwãe nibai joma ichi ẽbẽrarã aid̶ai baita.

1 Tesalonicenses 2:12

Daiba biꞌia jarasid̶au machi Dachi Akõreba kʉ̃ria b̶uu kĩra nibad̶amera. Ichiba machi iusii, ichi juad̶e ua b̶uai baita maud̶e ichi biad̶ebena uru panad̶amera.

2 Tesalonicenses 2:14

Daiba bed̶ea bia Cristo ʉ̃rʉbena jaradea panuud̶eeba Dachi Akõreba machi iusii Dachi Mechiu Jesucristo bia niid̶ebena adaud̶amera.

2 Tesalonicenses 3:3

Maamina Dachi Mechiuba waui ichiba jara b̶uu kĩra. Ichiba machi aid̶a b̶uai dauchia jãadua panad̶amera maud̶e kachiruad̶ebena kariba b̶uai.

2 Timoteo 1:9

Dachi Akõreba dachi karibasii maud̶e iusii ichi baita biꞌia nuread̶amera. Dachiba biꞌia wau panuud̶eeba makaabasii, maumaarã ichi sõbiad̶eeba waui kʉ̃risia b̶uasiid̶eeba maka wausii. Biawãra nau iujãa b̶uai naed̶e Dachi Akõreba ichi sõbiad̶eeba kʉ̃risiasii Jesucristod̶eeba dachi karibai.

2 Timoteo 2:13

Dachiba jara panuu kĩra waud̶awẽebʉrã, dachi maka panumina, ichiba jara b̶uu kĩra waubarii, ara ichiba jarad̶a meraabai b̶uud̶eeba.

Tito 1:2

Chi maka ijãa panuuba Dachi Akõre ome ewaricha chokae panad̶ai baita esed̶au panuu, nau drua waui naed̶e Dachi Akõre setaa jarakauba maka waui asiid̶eeba.

Hebreos 10:23

Dachi Akõreba ichiba jarad̶a kĩra waubariid̶eeba dachiba kʉ̃risiabadau maud̶e jomaurãmaa jarabadau mau ab̶a bid̶a ida b̶ud̶aabai panuu.

Hebreos 11:11

Abraham chõra b̶uasiid̶e, ichi wẽra Sara warr adauka basmina, Abrahamba ijãasii Dachi Akõreba ichimaa warr unubii b̶uu. Dachi Akõreba jaraaruu maka waubarii ijãasiid̶eeba warr biawãra unusii.

Hebreos 2:17

Ichi neesiid̶e ne jomad̶e dachi kĩra nibasii, ẽbẽrarã kĩra chuburiabarii Paare Mechiu bai baita. Biawãra Dachi Akõre daad̶e joma jipa waubarii b̶eesii. Maud̶eeba ara ichi ida beabisii ẽbẽrarãba kachirua waubadau Dachi Akõreba kĩraba b̶uarãamera.

Hebreos 3:1

Ãbarã, machi ẽbẽrarã Dachi Akõred̶erãd̶eeba maud̶e ichiba machi iukuasiid̶eeba, Jesucristo ʉ̃rʉbena ãrea biꞌia kauwa kʉ̃risiásturu. Dachiba biawãra ijãa panuu abadau, Ichi Dachi Akõreba bʉid̶a maud̶e Paare Mechiu.

Hebreos 3:14

Dachiba ab̶aed̶eed̶e ijãaped̶aad̶ad̶eed̶ebena ab̶a biuduud̶aa Cristod̶e ijãa panuubʉrã, ichi ome dauchia jãadua panad̶ai.

Hebreos 6:18

Dachi Akõreba setaa jarakaud̶eeba ichiba deai jarad̶a biawãra deai maud̶e ichi trʉ̃d̶eeba jarad̶a ãyaa waubai. Mau bed̶ea ome maka jara b̶uud̶eeba Dachi Akõre dachiba jʉrʉbadau dai karibamera maud̶e kʉ̃riamera. Ichiba jarad̶a biawãra waui kuitaa panuud̶eeba dachiba poyaa perad̶awẽa ijãa panad̶ai. Maud̶e chi Jesusd̶eeba adaud̶ai esed̶au panuu ida b̶ud̶aabai.

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.

1 Juan 1:3

Daiba unuped̶aad̶a maud̶e ũriped̶aad̶a machimaa jara panuu machi sid̶a dai ome ãbuacha Dachi Bajãad̶ebena Akõre ome maud̶e ichi Warr Jesucristo ome biꞌia panad̶amera.

1 Juan 1:7

Maamina ichi ʉ̃d̶aad̶e b̶uu kĩra dachi sid̶a ʉ̃d̶aad̶e nibaaduubʉrã, ãbarã ome ãbua biꞌia panad̶ai. Maud̶e ichi Warr Jesucristo oa ched̶aba dachi kachirua joma jeraabarii.

1 Juan 4:13

Dachi Akõreba ichi Jauri dachimaa deasiid̶eeba kuitaa panuu dachi Dachi Akõre ome panuu maud̶e ichi dachi ome b̶uu.

Apocalipsis 19:11

Maad̶akare mʉʉba bajãad̶e poraa ewa nub̶uu unusii. Ara makʉd̶e mura torr neesii. Mau mura ʉ̃rʉ akʉ b̶uu trʉ̃ jarabadau Chi Jarad̶a Kĩra Waubarii maud̶e Chi Biawãra abadau. Mauba ẽbẽrarã jipa ichiabarii maud̶e jipa wau b̶uud̶eeba chi kĩramaa panabadau ome chĩobarii.