1 Corintios 1:7 - Emberá Chamí

⁷ Machiba Dachi Mechiu Jesucristo unud̶ai baita esed̶au panuumisa, Dachi Akõreba ichi Jaurid̶eeba dea b̶uu joma uru panuu.

1 Corintios 1:7 Iomraidhean Croise

Mateo 25:1

»Bajãad̶e B̶uuba ichid̶irã ichi juad̶e ua b̶uu nau kĩra b̶uai: ãwerarã 10 panasid̶au. Ãchicha ʉ̃d̶aa koabarii adoed̶aped̶a chi miakãiruu mukĩra irsibid̶e wãsid̶au.

Lucas 17:30

»Mʉ, chi Ẽbẽra Ba B̶uad̶a neei ewarid̶e ara mau kĩra makai.

Romanos 8:19

Joma Dachi Akõreba waukuad̶aba esed̶au b̶uu ichi warrarã biꞌia paneeduu isa unubimera,

Romanos 8:23

Maud̶e dachia bid̶a puꞌuaba isa neebii esed̶au panuu, Dachi Akõreba dachi chi kakua biꞌia b̶umera. Ichi warrarã adauruud̶e maka waui. Ichi Jauri dachimaa naed̶e deasii biawãra dachi ichi warrarã kuitaad̶amera.

1 Corintios 4:5

Maud̶eeba ichiba nebʉra ichiai ewari naed̶e dachiba jarad̶aabai panuu ichi traju wau b̶uuba jipa wau b̶uu maebʉrã jipa wauwẽa b̶uu. Dachi Mechiu neeruud̶e dachi sõd̶e kʉ̃risia b̶uad̶a maud̶e ne joma dachi sõd̶e miru nuread̶a kuitaabii. Dachi Akõréburu dachicha biꞌia jarai dachiba biꞌia wauped̶aad̶a kĩra.

2 Corintios 12:13

¿Mʉʉba kãared̶eeba machi waabena puurud̶ebena ãbarã audeara kachirua wausma? ¿Ab̶aburu machid̶ebena mʉʉba ne id̶iwẽa b̶uasiid̶eeba, maka kʉ̃risia panuka? Maka b̶uubʉrã ¡mau kachirua waud̶a michuburia perdonásturu!

Gálatas 5:5

Maamina dachiba Cristod̶e ijãa panuud̶eeba Dachi Akõre Jaurid̶eeba biawãra kuitaa panuu Dachi Akõreba dachi chi jipa nureerã baara b̶ui.

Filipenses 3:20

Maamina dachi bajãad̶ebenarãbʉ. Dachi Karibabarii mamauba neei esed̶au panuu. Mau Dachi Mechiu Jesucristobʉ.

Colosenses 3:4

Machi Cristod̶eeba chokae panuud̶eeba, ichi waya unubiiruud̶e machi ichi ome panad̶ai. Maud̶e ara ichi kĩra, kĩrawãrea panad̶ai.

1 Tesalonicenses 1:10

Ãchiba jara panuu saka machiba Dachi Akõre Warr Jesús bajãad̶ebena neei esed̶au panuu. Ara mau Jesús Dachi Akõreba biud̶ad̶ebena chokae jiradubisii. Mauba Dachi Akõreba dachi kastikai bad̶a karibasii.

2 Tesalonicenses 1:7

Maamina machi, chi biꞌiwãe panabiaped̶aad̶a kʉrrjĩrubiai dai kʉrrjĩrubiabarii kĩra. Mau makai Dachi Mechiu Jesús ichi angelerã chi poyaabadau ome tʉbʉchia aokod̶e bajãad̶ebena neeruud̶e. Maud̶e joma Dachi Akõred̶e ijãad̶akaurã maud̶e chi bed̶ea bia Dachi Mechiu Jesús ʉ̃rʉbena ijãad̶akaurã kastikai.

2 Timoteo 4:8

Mʉʉba jipa wau b̶uu baita Dachi Mechiuba mʉ baita boro jũra nu uru b̶uu. Ichiba jipa ichiabariid̶eeba mau boro jũra mʉʉmaa deai ichiba ichiaruud̶e. Maamina ab̶aburu mʉʉmaa deabai, maumaarã joma ichi neei ewari unu kʉ̃ria nureerãmaa deai.

Tito 2:13

Dachi biꞌia panad̶ai ewari esed̶au panuumisa maka panad̶ai panuu. Mau ewarid̶e Dachi Karibabarii Jesucristo neeruud̶e, ichi kĩrawãrea unud̶ai Ichi Dachi Akõre chi mechiud̶eeba.

Hebreos 9:28

Ara mau kĩra Cristoba b̶es ab̶a ichi ida beabisii ãreaba kachirua wauped̶aad̶a awara b̶ui baita. Ichi waya neei, maamina dachiba kachirua waubadau awara b̶ui baita neebai. Maumaarã neei ichi esed̶au duanuu karibakuai baita.

1 Pedro 1:13

Maud̶eeba kʉ̃risia kuitaad̶eeba panásturu biꞌia waud̶ai baita. Kĩra jipa panásturu. Kakua ãkaad̶awẽa esed̶au panásturu Jesucristo unuuduu ewarid̶e Dachi Akõreba ichi sõbiad̶eeba machimaa ne bia deamera.

1 Pedro 4:13

Maumaarã Cristo biꞌiwãe b̶uasii kĩra ãrea biꞌiwãe panuud̶eeba kĩrajʉʉ panásturu. Maka Dachi Akõreba Cristo chi mechiu nii unubiaruud̶e machi ãrea kĩrajʉʉd̶ai.

1 Pedro 5:4

Maabae Cristo dachi Nubarii chi Mechiu neeruud̶e machi chi mechiurã babiai boro jũra ãrikau dearuu kĩra.

2 Pedro 3:12

Dachi Akõreba kastikai ewari esed̶au panuumisa Dachi Akõreba kʉ̃ria b̶uu wau panásturu mau ewari isa bamera. Mau ewarid̶e Dachi Akõreba bajãa baai. Ne joma dachiba bajãad̶e unubadau maud̶e nau iujãad̶e unubadau wãsiaba dorrab̶arii.

1 Juan 3:2

Ãbarã, dachi Dachi Akõre warrarãbʉ. Dachi Akõreba wabid̶a unubiawẽa b̶uu dachi saka nuread̶ai. Maamina kuitaa panuu Cristo neeruud̶e ichi kĩra nuread̶ai, mau ewarid̶e ichi saka nii unud̶aid̶eeba.

Judas 1:21

Dachi Akõre kʉ̃riad̶eeba nibásturu. Dachi Mechiu Jesucristoba kĩra chuburia b̶uud̶eeba ewaricha chokae nibabiad̶ai esed̶au panásturu.