1 Corintios 1:10 - Emberá Chamí

¹⁰ Ãbarã, Dachi Mechiu Jesucristod̶eeba mʉʉba machimaa chi chuburia id̶iiruu ãbua biꞌia duanad̶amera. Machi kʉ̃risia kakawaa uru panad̶aabai panuu, maumaarã kʉ̃risia ab̶aud̶e ãbua biꞌia duanad̶ai panuu.

1 Corintios 1:10 Iomraidhean Croise

Mateo 9:16

»Ab̶au bid̶a paru wid̶id̶ebena b̶aꞌãra tõobai, paru soremaa kaapirui baita. Makaaruubʉrã, chi paru wid̶i araa chiraduuruuba chi paru sore aude kõai.

Marcos 2:21

Ab̶au bid̶a paru wid̶id̶ebena b̶aꞌãra tõobai, paru soremaa kaapirui baita. Makaaruubʉrã, chi paru wid̶i araa chiraduuruuba chi paru sore aude kõai.

Marcos 3:24

Arab̶au druad̶ebenarã ara ãchi chiya chĩo panaaduubʉrã waa panad̶aabai.

Juan 10:19

Mau bed̶ea ũriiduud̶e judiorã waya chiya aꞌawaraa berrea kopaneesid̶au.

Juan 17:23

Mʉ ãchi ome b̶uud̶eeba maud̶e bichi mʉ ome b̶uud̶eeba dachi joma ãbua chi kakua ab̶a nii kĩra panad̶ai. Maka nau iujãad̶e nureeba kuitaad̶ai bichiba mʉ bʉisii maud̶e kuitaad̶ai bichiba ãchi kʉ̃ria b̶uu mʉ kʉ̃ria b̶uu kĩra.

Juan 7:43

Maka Jesús kakua ẽbẽrarã aꞌawaraa duanasii.

Juan 9:16

Chi nureerã fariseorãba jarasid̶au: «Mau mukĩra Dachi Akõred̶ebena need̶awãe b̶uu, bari panabadau ewari wapeakaud̶eeba». Maamina waabenarãba jarasid̶au: «¿Saka kachirua waubarii mukĩraba mau ẽbẽrarãba ne poyaa waud̶akau poyaa wausma?» Maka chiya ãyaa jarasid̶au.

Hechos 4:32

Mau ewarid̶e chi Jesusd̶e ijãabadaurã arab̶au kʉ̃risiad̶eeba, arab̶au sõd̶eeba ãbua biꞌia duanabachid̶au. Ab̶au bid̶a ãchi ne kaebea uru panuu ãchi báitaburu b̶uu ad̶aka basii, maumaarã bari jomaurã báitaburu basii.

Romanos 1:13

Ãbarã, mʉʉba kʉ̃ria b̶uu machiba kuitaad̶ai biawãra b̶es ãrea machimaa wãi kʉ̃risia b̶uabarii. Maamina wabid̶a poyaa wãwẽa b̶uu. Machimaa wã kʉ̃ria b̶uu mʉʉba jaradea b̶uud̶eeba arabenarãba Jesucristod̶e ijãad̶amera waabenarã druad̶ebenarãba ijãaped̶aad̶a kĩra.

Romanos 12:1

Mauba ãbarã, Dachi Akõreba machi kĩra chuburiasiid̶eeba, mʉʉba machimaa chi chuburia id̶iiruu ara machi Dachi Akõremaa dead̶amera, ãnimara baa deabadau kĩra. Mau ãnimara biud̶a audeara, ichi baita biꞌia panásturu machi biꞌia unumera.

Romanos 12:16

Jomaurã ome biꞌia panásturu. Waabenarã audeara biꞌia nuree kʉ̃risiarã́sturu, maumaarã chi miichuburi nuree ome biꞌia panásturu. Kʉ̃risiarã́sturu machiba waabenarã audeara biꞌia kuitaa panuu.

Romanos 15:30

Ãbarã, Dachi Akõre Jaurid̶eeba dachi chiya kʉ̃ria panuu. Maud̶eeba Dachi Mechiu Jesucristod̶eeba mʉʉba machimaa chi chuburia id̶iiruu mʉ aid̶ad̶ai Dachi Akõremaa ʉtaa id̶id̶amera.

Romanos 16:17

Ãbarã, mʉʉba machimaa chi chuburia id̶iiruu kauwa nuread̶amera. Waabenarãba ãbarãmaa aꞌawaraa kʉ̃risiabiabadau. Chi machiba biawãra bed̶ea kuitaaped̶aad̶a ãchiba ãyaa jaradeabadau. Mau ẽbẽrarã ome ãbua panarã́sturu.

1 Corintios 1:11

Ãbarã, mʉʉba ũrisiid̶eeba maka jara b̶uu. Neekau Cloé ded̶ebenarãba mʉʉmaa jarasid̶au machi ijara berrea duanabadau.

1 Corintios 11:18

Naa jaraaruu mʉʉba ũri b̶uu machi araa ãbua imiiduud̶e kʉ̃risia aꞌawaraa duanabarii. Mʉʉba kʉ̃risia b̶uu chi mʉʉmaa nebʉrʉped̶aad̶a chi b̶ee biawãra b̶uu.

1 Corintios 12:25

Maka wausii dachi kakua kachirua b̶eerãamera, maumaarã dachi kakuad̶e nuree chiya nu panad̶amera.

1 Corintios 3:3

Machi wabid̶a nau kakuaba wau kʉ̃ria b̶uu kĩra nibabadau: waabenarãba uru panuu kakua, kachirua kʉ̃risiabadau maud̶e oa kachirua berreabadau. Maka nureed̶eeba ¿nau kakuaba wau kʉ̃ria b̶uu kĩra nureewãeka?

1 Corintios 4:16

Maud̶eeba mʉʉba machimaa chi chuburia id̶ii mʉ nibabarii kĩra nibad̶amera.

2 Corintios 10:1

Mʉ Pablobʉ. Cristo kʉ̃riad̶eeba maud̶e ichi sõbiad̶eeba mʉʉba machimaa chi chuburia id̶iiruu mʉ bed̶ea ũrid̶amera. Waabenarãba jara panuu machi ome b̶uud̶e mʉʉba wapea b̶uabarii machi iadaai baita, maamina machi ome b̶uuwãed̶e wapeakau kartad̶eeba iadaai baita.

2 Corintios 13:11

Ãbarã, kaad̶eare mʉʉba naka b̶ʉʉruu: kĩrajʉʉ panásturu, waya jipa wau panásturu, mʉʉba jara b̶uu wau panásturu, arab̶au kʉ̃risia uru panásturu maud̶e jirukaraayuwãe panásturu. Makarã chi Dachi Akõreba dachimaa kʉ̃riabiabarii maud̶e jirukaraayuwãe b̶uabiabarii machi ome b̶uai.

2 Corintios 13:9

Machiba ãrea ijãa panuubʉrã dai meserãaswãe panumina kĩrajʉʉ panuu. Mau awara daiba Dachi Akõremaa ʉtaa id̶i panuu machiba jipa wau panad̶amera.

2 Corintios 5:20

Maud̶eeba Cristoba dai bʉisii ichi baita berread̶amera. Daid̶eeba Dachi Akõreba machi iu b̶uu ichi ome waya ãbua panad̶amera. Daiba Cristo trʉ̃d̶eeba chi chuburia id̶iiduu: Dachi Akõre ome waya ãbua panásturu.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

Gálatas 4:12

Ãbarã, mʉ machi judiowãe kĩra b̶uai baita, Moisesba b̶ʉd̶a ida b̶usii. Maud̶eeba mʉʉba machimaa chi chuburia id̶iiruu mʉ kĩra mau Moisesba b̶ʉd̶ad̶e panarãad̶amera. Naed̶e machiba mʉʉmaa kachirua waud̶aabasii, maumaarã biꞌia wausid̶au.

Filipenses 1:27

Jipa nibásturu chi bed̶ea bia Cristo ʉ̃rʉbena jara b̶uu kĩra. Makarã mʉʉba machi ichiad̶e wãaruubʉrã, maebʉrã machi ome b̶uuwãed̶e machi ʉ̃rʉbena ũriiruubʉrã, kuitaai machiba arab̶au kʉ̃risiad̶eeba ãbua ãrea ijãa panuu maud̶e ãbua ãrea traja panuu mau bed̶ea bia kuitaabid̶ai baita.

Filipenses 3:16

Maamina dachiba kuitaaped̶aad̶a joma waud̶ai panuu.

1 Tesalonicenses 5:13

Ãchi ʉ̃rʉbena biꞌia kʉ̃risiásturu. Maarãba wau panuu kakua ãrea kʉ̃riásturu. Jomaurã ome biꞌia duanásturu.

2 Tesalonicenses 2:1

Mau awara ãbarã, daiba chi chuburia id̶i panuu Dachi Mechiu Jesucristo neei ʉ̃rʉbena maud̶e dachi ichi ome ãbua panad̶ai ʉ̃rʉbena ara makʉd̶e adua panuu kãare kʉ̃risiad̶ayu. Ab̶auba Dachi Mechiuba kastikai ewari neesii aaruubʉrã, perarã́sturu. Barikiuba Dachi Akõre ʉ̃rʉbena berrea b̶uu kĩra maka jaraaruubʉrã, maebʉrã maka jaradearuubʉrã maebʉrã daiba kartad̶e maka b̶ʉped̶aad̶a aaruubʉrã, ijãarã́sturu.

1 Timoteo 5:21

Dachi Akõre daad̶e, Cristo daad̶e maud̶e angelerã daad̶e mʉʉba bichimaa jaraaruu: joma mʉʉba jarad̶a ijãa wause. Maka wauruud̶e, ẽbẽraba jaraaruu ab̶auba aude ũrirã́se, maumaarã jomaurã ome arab̶aud̶e jipa wau b̶uase.

2 Timoteo 4:1

Jesucristo neei ichid̶irã ichi juad̶e ua b̶uai baita. Maud̶e ẽbẽrarã chokae nuree maud̶e biuped̶aad̶a nebʉra ichiai. Maud̶eeba Jesucristo daad̶e maud̶e Dachi Akõre daad̶e mʉʉba nau bed̶ea jaraaruu bichiba waumera:

1 Pedro 2:11

Mʉ ãbarã, nau iujãad̶e machi ãibena druad̶ebenarãb̶u. Maud̶eeba mʉʉba machimaa chi chuburia id̶iiruu nau kakuaba kachirua wau kʉ̃ria b̶uu ida b̶ud̶amera. Mau ara dachi ome chĩo b̶uu.

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.