1 திமோத்தி 6:5 - Moundadan Chetty

⁵ அதுமாத்தறல்ல, தெய்வத சத்தியத ஆக்க புட்டு மாறிதா ஹேதினாளெ ஆக்கள மனசு கெட்டுஹோத்து அதுகொண்டு முடிவில்லாத்த தர்க்கங்ஙளும் உட்டாத்தெ; இந்த்தலாக்க தெய்வகாரெத ஹண உட்டுமாடத்துள்ளா தொழிலு ஹளியாப்புது பிஜாரிசிப்புது.

1 திமோத்தி 6:5 Iomraidhean Croise

மத்தாயி 12:33

“ஒந்து மர ஒள்ளேதாயித்தங்ங அதனமேலெ காப்பா காயெ ஒள்ளேதாயிக்கு. ஒந்து மர ஹொல்லாத்துது ஆயித்தங்ங அதனமேலெ காப்பா காயெ ஹொல்லாத்துதாயிக்கு. மர ஒள்ளேதோ, ஹொல்லாத்துதோ ஹளி அதாதன காயெத பீத்தாப்புது அறிவுது.

மத்தாயி 21:13

“நன்ன அம்பல பிரார்த்தனெ கீவா சலஆப்புது ஹளி தெய்வத புஸ்தகதாளெ எளிதி ஹடதெயல்லோ! எந்நங்ங நிங்க அதன கள்ளம்மாரு உணுப்பா சலத ஹாற மாடியுட்டுறல்லோ!” ஹளி ஹளிதாங்.

மத்தாயி 23:13

“மாயக்காறாயிப்பா வேதபண்டிதம்மாரே! பரீசம்மாரே! நிங்காக கேடுகால தென்னெயாப்புது; ஜனங்ஙளா சொர்க்கராஜெ ஒளெயெ ஹுக்கத்தெ புடாதெ ஹூட்டி பீத்தீரெ; நிங்களும் ஹோகரு; மற்றுள்ளாக்கள ஹோப்பத்தெகும் புடுதில்லெ.

1 கொரிந்தி 11:16

எந்நங்ங ஈ காரெயாளெ தர்க்கிசா ஆள்க்காறாகூடெ நனங்ங ஹளத்துள்ளது இதுதென்னெ; இதல்லாதெ பேறெ ஒந்து சீல நங்காக இல்லெ; சபெயாளெயும் இதல்லாதெ பேறெ ஒந்து நேம இல்லெ.

2 தெசலோனி 3:6

அதுமாத்தற அல்ல, நங்க நிங்காக படிசிதந்தா தெய்வகாரெ ஒக்க கைக்கொண்டு நெடியாத்த மடியம்மாரு இத்தீரல்லோ, அந்த்தலாக்க ஆக்கள சொந்த இஷ்டப்பிரகார நெடிவாக்களும், ஒந்து உத்தரவாதும் இல்லாத்தாக்களாப்புது; நிங்க அந்த்தலாக்கள புட்டு மாறிவா ஹளி ஏசுக்கிறிஸ்தின அதிகார ஹளுதாப்புது.

1 திமோத்தி 1:6

எந்நங்ங செல ஆள்க்காரு ஈ சினேகதொக்க புட்டட்டு, ஆவிசெ இல்லாத்த தர்க்கதாளெ ஹோயி குடிங்ஙியண்டுரு.

1 திமோத்தி 3:3

அவங் சாராக குடியாத்தாவனும், ஹூலூடி கூடாத்தாவனும், பொருமெ உள்ளாவனும், மற்றுள்ளாக்களகூடெ தர்க்கிசாத்தாவனும், ஹண ஆசெ இல்லாத்தாவனாயிற்றும் இருக்கு.

1 திமோத்தி 3:8

அதே ஹாற சபெயாளெ உபதேசிமாரா சகாசாக்களும், மற்றுள்ளாக்க மதிப்பாக்களாயி நெடதணுக்கு; ஒந்து வாக்கு கூட்டகூடிங்ங அந்த்தெ தென்னெ கீவாக்களாயிருக்கு; சாராக குடிப்பாக்களாயி இப்பத்தெகும் பாடில்லெ; பளெஞ்ஞ பட்டெயாளெ சம்பாருசாக்களாயிற்றெ இப்பத்தெகும் பாடில்லெ.

1 திமோத்தி 4:7

தெய்வ பக்திக பிரயோஜனப்படாத்த கெட்டுக்கதெ ஒந்நங்ஙும் கீயி கொடாதெ; தெய்வ இஷ்டப்படா ஹாற ஜீவுசத்தெ பற்றிதா ஒள்ளெ சீலங்ஙளா வளர்த்திக.

1 திமோத்தி 4:8

நங்கள சரீராக பேக்காயி கீவா அப்பியாச ஹளுது அல்ப்ப பிரயோஜனமே ஒள்ளு; எந்நங்ங, தெய்வ இஷ்டப்படா ஹாற ஜீவுசத்தெ பற்றிதா ஒள்ளெ சீலங்ஙளு எல்லா காரேகும் பிரயோஜன உள்ளுதாப்புது; எந்த்தெ ஹளிங்ங, அது ஈ லோகாளெ ஜீவுசத்தெகும், சொர்க்காக ஹோப்பத்துள்ளா ஜீவிதாகும் பேக்காயும், தெய்வ தப்பா ஜீவங் நங்காக கிட்டத்தெ பேக்காயும் ஈ காரெ ஒக்க கீது பளகுக்கு.

1 திமோத்தி 6:6

எந்நங்ங ஒப்பங்ங, உள்ளுது மதி ஹளிட்டுள்ளா பிஜாரத்தோடு தெய்வபக்தியாளெ ஜீவுசுதாப்புது எதார்த்தமாயிற்றுள்ளா சொத்து.

2 திமோத்தி 3:5

இந்த்தலாக்க தெய்வாகபேக்காயி ஒயித்தாயி ஜீவிசீனு ஹளி நடிச்சண்டிப்புரு; எந்நங்ங ஆக்க தெய்வாகபேக்காயி ஜீவுசத்துள்ளா ஆ, சக்தித நங்காக ஆவிசெ இல்லெ ஹளாக்களாப்புது; நீ அந்த்தலாக்களகூடெ கூடாதெ.

2 திமோத்தி 3:8

சன்னே, சம்பிரே ஹளாக்க இப்புரும் மோசேகூடெ எதிர்த்து நிந்தா ஹாற தென்னெ, ஈக்களும் கிறிஸ்தின சத்தியமாயிற்றுள்ளா உபதேசாக எதிர்த்து நில்லாக்களாப்புது; ஈக்க அசுத்த மனசுள்ளாக்களும், தெய்வ நம்பிக்கெயாளெ தோற்றாக்களும் ஆப்புது.

தீத்து 1:11

முந்தெ அந்த்தலாக்கள பாயெத அடக்குக்கு, ஏனாக ஹளிங்ங ஈக்க கள்ள பட்டெயாளெ ஹண சம்பாருசத்தெ பேக்காயி தெற்றாயிற்றுள்ளா காரெத உபதேசகீது, ஒந்து குடும்பதாளெ உள்ளாக்கள ஒக்க நாச மாடீரெ.

2 பேதுரு 2:15

இந்த்தலாக்க தெய்வத ஒள்ளெ பட்டெ புட்டட்டு, பெயாறின மங்ஙனாயிப்பா பிலேயாமு அன்னேயமாயிற்றெ ஹண சம்பாருசத்தெ ஆக்கிரிசிதா ஹாற துஷ்டத்தர கீவாக்களாப்புது.

2 பேதுரு 2:3

பயங்கர கண்ணாசெ ஹிடுத்தா ஆக்க தந்தறபரமாயிற்றெ நிங்கள ஹணத ஏமாத்துரு; தெய்வ ஆக்காக தீர்ச்செயாயிற்றும் சிட்ச்செ கொடுகு.

யூதா 1:11

ஏனாக ஹளிங்ங, அசுயங்கொண்டு தன்ன தம்மன கொந்தா காயீனினஹாற உள்ளாக்களும், பிலேயாமின ஹாற ஹணாக பேக்காயி குற்ற கீதாக்களும், மோசேத எதிர்த்து கூட்டகூடி நசிச்சு ஹோதா கோராகின ஹாரும் நெடிவாக்களாப்புது ஈக்க; இந்த்தலாக்காக கேடுகால தென்னெயாப்புது.

தரிசன 18:13

பட்டெயும், வாசனெ சாதெனெயும், தைல, சாம்பிராணி, முந்திரிச்சாறு, எண்ணெ, பெலெகூடிதா மாவு, கோதம்பு, ஆடு, காலி, குதிரெ, குதிரெவண்டி, அடிமெ கெலசகாரு, ஈ வகெ ஒந்நனும் பொடுசத்தெ இனி ஆளில்லல்லோ!

தரிசன 18:3

அவள பேசித்தரமாயிப்பா சாராகத எல்லா ஜாதிக்காரும் குடுத்துரு; பூலோகத ராஜாக்கம்மாரு ஒக்க அவளகூடெ பேசித்தர கீதுரு; பூலோகதாளெ இப்பா கச்சோடக்காரு ஒக்க அவள சம்பத்தினாளெ ஹணகாரு ஆதுரு” ஹளி ஹளிதாங்.