1 திமோத்தி 6:16 - Moundadan Chetty

¹⁶ தெய்வ சாவில்லாதெ எந்தெந்தும் ஜீவுசாவனாப்புது; ஒப்புரும் அரியெ ஹோப்பத்தெ பற்றாத்த பொளிச்சதாளெ இப்பாவனாப்புது; ஆ தெய்வத ஒப்பனும் ஒரிக்கிலும் கண்டுபில்லெ; காம்பத்தெகும் பற்ற; ஆ தெய்வாக எந்தெந்தும் எல்லாரும் மரியாதெ கொடட்டெ; சத்திய உள்ளாவனாயி எல்லாரினும் எந்தெந்தும் பரியட்டெ, ஆமென்.

1 திமோத்தி 6:16 Iomraidhean Croise

யோவானு 1:18

தெய்வத ஒப்பனும் ஒரிக்கிலும் கண்டுபில்லெ; எந்நங்ங தன்னகூடெ சேர்நிப்பா ஒந்தே மங்ஙனாயிப்பா தெய்வ தென்னெயாப்புது, அப்பனாயிப்பா தெய்வ ஏற ஹளி நங்க எல்லாரிகும் அறிசிதாவாங்.

யோவானு 14:9

அதங்ங ஏசு பிலிப்பினகூடெ, “நா ஈசு கால நிங்களகூடெ இத்தட்டும், நீ நன்ன மனசிலுமாடிபில்லே? நன்ன கண்டங்ங நன்ன அப்பன கண்டா ஹாற தென்னெ; அந்த்தெ இப்பங்ங ‘அப்பன காட்டி தா’ ஹளி ஹளுதேனாக?

யோவானு 6:46

தெய்வதப்படெந்த பந்நாவனே அப்பன கண்டாவாங்; பேறெ ஒப்பனும் அப்பன கண்டுபில்லெ.

யோவானு 8:58

ஏசு ஆக்களகூடெ, “அப்ரகாமு ஹுட்டாத்தமுச்சே நா இத்தீனெ ஹளி ஒறப்பாயிற்றெ நா நிங்களகூடெ ஹளுதாப்புது” ஹளி ஹளிதாங்.

பிலிப்பி 4:20

அந்த்தெ நங்கள சகாசா அப்பனாயிப்பா தெய்வாக எந்தெந்தும் மரியாதெ உட்டாட்டெ; ஆமென்.

கொலோசிக்காரு 1:15

இதுவரெ ஒப்பனகொண்டும் காம்பத்தெ பற்றாத்த தெய்வத ஆ ஏசுக்கிறிஸ்து தென்னெயாப்புது நங்காக காட்டி தந்நாவாங்; அதுமாத்தற அல்ல, ஆ ஏசு தென்னெயாப்புது எல்லா சிருஷ்டிகும் தெலெக்குட்டி மங்ஙன ஹாற தொட்டாவனாயி இப்பாவாங்.

1 திமோத்தி 1:17

ஒந்துகாலதாளெயும் சாவில்லாத்தாவனும், ஒப்புரும் காம்பத்தெ பற்றாத்தாவனும் எல்லா காலதாளெயும் மாறாத்தாவனுமாயிப்பா ஒந்தே தெய்வாக மரியாதெயும், புகழ்ச்செயும் ஏகோத்தும் உட்டாட்டெ ஆமென்.

எபிரெயம்மாரு 13:8

ஏசுக்கிறிஸ்து நென்னெயும், இந்தும், எந்தெந்தும் மாறாத்தாவனாப்புது.

யாக்கோபு 1:17

மனுஷன ஜீவிதாக ஆவிசெயுள்ளா எல்லா அனுக்கிரகங்ஙளும், அறிவும் சொர்க்காளெ இப்பா தெய்வத கையிந்த ஆப்புது கிட்டுது; நங்கள அப்பனாயிப்பா தெய்வதகையி பேடாத்துது ஒந்தும் இல்லெ; ஆ தெய்வதப்படெந்த ஒள்ளெ சொபாவும், ஹொல்லாத்த சொபாவும் மாறி மாறி பார; ஒக்க ஒள்ளேது மாத்தற ஒள்ளு.

1 யோவானு 1:5

ஏசுக்கிறிஸ்து தன்ன அப்பனபற்றி நங்களகூடெ ஏனொக்க ஹளினோ, அதன தென்னெயாப்புது நங்களும் நிங்களகூடெ ஹளுது; ஏனாக ஹளிங்ங தெய்வ பொளிச்சமாயிற்றெ உள்ளாவனாப்புது; தெய்வதகையி இருட்டு ஹளுதே இல்லெ.

1 யோவானு 1:7

ஏனாக ஹளிங்ங பொளிச்சதாளெ இப்பா தெய்வத ஹாற தென்னெ நங்களும் ஜீவிசிதுட்டிங்ஙி, தம்மெலெ தம்மெலெ ஒள்ளெ பெந்த உள்ளாக்களாயி ஜீவுசத்தெ பற்றுகு; அந்த்தெ ஜீவுசதாப்பங்ங தெய்வத மங்ஙனாயிப்பா ஏசு குரிசாமேலெ சாயிவதாப்பங்ங ஒளிக்கிதா சோரெ, நங்கள ஜீவிதாளெ இருட்டின ஹாற உள்ளா எல்லா தெற்று குற்றாதும் கச்சி பொளிசி, நங்கள சுத்திபருசுகு.

1 யோவானு 4:12

இதுவரெ ஒப்பனும் தெய்வத கண்டுபில்லெ; எந்நங்ங நங்க, தம்மெலெ தம்மெலெ, சினேக உள்ளாக்களாயி ஜீவிசிதுட்டிங்ஙி, தெய்வ நங்களகூடெ உட்டாக்கு ஹளி அறியக்கெ; அம்மங்ங தெய்வத சினேக நங்கள ஒளெயெ பெரிகி, பெரிகி, கொறவில்லாத்த மனுஷனாயி நங்கள மாற்றுகு.

தரிசன 1:6

தன்ன அப்பனாயிப்பா தெய்வத அதிகாரத கீளேக கெலசகீவா ராஜாக்கம்மாராயிற்றும், பூஜாரிமாராயிற்றும் நங்கள நேமிசிதா ஏசுக்கிறிஸ்திக மாத்தற எந்தெந்தும் பெகுமானும் சக்தியும் உட்டாட்டெ; ஆமென்.

தரிசன 1:8

‘நானே எல்லதனும் தொடங்ஙி பீத்தாவாங்; நானே எல்லதனும் அவசான மாடாவாங்’ ஹளி நங்கள எஜமானனாயிப்பா சர்வசக்தி உள்ளா தெய்வ ஹளீனெ; ஈக இப்பாவனும், இதுவரெ இத்தாவனும், இனி பொப்பாவனும் ஒக்க அவங்தென்னெ ஆப்புது.”

தரிசன 21:3

அதுமாத்தற அல்ல, சிம்மாசனந்த ஒந்து ஒச்செ உட்டாத்து; அதனாளெ, “இத்தோல! தெய்வ தங்கிப்பா கூடார மனுஷம்மாரப்படெ எறங்ஙி பந்துஹடதெ; தெய்வ ஆக்கள எடநடுவு இப்பாங்; ஆக்க தெய்வத ஜனமாயிப்புரு; தெய்வதென்னெ ஆக்களகூடெ இத்து, ஆக்காக தெய்வமாயி இப்பாங்.

தரிசன 22:5

இனி அல்லி ராத்திரி உட்டாக; பொளுக்கும், சூரியனும் அல்லி ஆவிசெ இல்லெ; ஏனாக ஹளிங்ங, எஜமானனாயிப்பா தெய்வதென்னெ ஆக்காக பொளிச்ச கொடாவாங்; ஆக்க ஏகோத்தும் ராஜெ பரிப்புரு.

தரிசன 4:11

“எந்தட்டு, நங்கள எஜமானனாயிப்பா தெய்வமே! நீ மதிப்பும், பெகுமானும், சக்தியும், பெலம் கிட்டத்தெ யோக்கிதெ உள்ளாவனாப்புது; ஏனாக ஹளிங்ங, நீனாப்புது எல்லதனும் உட்டுமாடிதாவாங்; அவெ எல்லதன உட்டுமாடிதும், அவெ ஒக்க உட்டாதுதும், நின்ன இஷ்டப்பிரகார ஆப்புது” ஹளி பாடிரு.

தரிசன 7:12

“ஆமென் நங்கள தெய்வாக புகழ்ச்செயும், பெகுமானும், புத்தியும், மதிப்பும், பெலும், நண்ணியும் எந்தெந்தும் உட்டாயிறட்டெ ஆமென்” ஹளி ஹளிரு.