யோவானு 8:53 - Moundadan Chetty

⁵³ நங்கள முத்தனாயிப்பா அப்ரகாமின காட்டிலும் நீ தொட்டாவனோ? அப்ரகாமும் சத்தண்டுஹோதாங், பொளிச்சப்பாடிமாரும் சத்தண்டுஹோதுரு, நின்ன நீ ஏறா ஹளி பிஜாரிசிண்டிப்புது?” ஹளி கேட்டுரு.

யோவானு 8:53 Iomraidhean Croise

மத்தாயி 12:6

எந்நங்ங அம்பலத காட்டிலும் தொட்டாவனாப்புது இல்லி இப்புது.

மத்தாயி 3:9

நங்க ஒக்க அப்ரகாமின பாரம்பரிந்த பந்தாக்களாப்புது ஹளி நிங்கள மனசினாளெ பெருமெ ஹளத்தெ நில்லுவாட; இல்லிப்பா ஈ, கல்லினகொண்டு அப்ரகாமிக மக்கள உட்டுமாடத்தெ கழிவுள்ளாவனாப்புது தெய்வ” ஹளி ஹளிதாங்.

யோவானு 10:33

அம்மங்ங யூதம்மாரு ஏசினகூடெ, “ஒள்ளெ காரெ கீதுதுகொண்டல்ல, நீ நின்ன தெய்வாக சமமாயிற்றெ மாடி, தெய்வத மதிப்பின கொறச்சுட்டெ; அதங்ங பேக்காயிற்றெ ஆப்புது நின்னமேலெ கல்லெறிவுது; நீ மனுஷனாயி இப்பங்ங நின்னும் தெய்வ ஹளி ஹளுது எந்த்தெ?” ஹளி ஹளிரு.

யோவானு 12:34

அம்மங்ங ஜனங்ஙளு ஏசினகூடெ, “கிறிஸ்து எந்தெந்துமாயிற்றெ இப்பாங் ஹளி நங்கள நேமதாளெ எளிதி ஹடதெயல்லோ? அந்த்தெ இப்பங்ங, மனுஷனாயி பந்தா நின்ன போசுக்கு ஹளி ஹளுது ஏனாக? மனுஷனாயி பந்தா நீ ஏற?” ஹளி கேட்டுரு.

யோவானு 19:7

யூதம்மாரு பிலாத்தினகூடெ, “நங்காக ஒந்து நேம உட்டு; இவங் ஆ நேமப்பிரகார தென்னெ சாயிக்கு; ஏனாக ஹளிங்ங, இவங் தன்னத்தானே தெய்வத மங்ங ஹளி ஹளிதாங், அதுகொண்டாப்புது” ஹளி ஹளிரு.

யோவானு 4:12

ஈ கெணறின தந்தா நங்கள தொடச்சனாயிப்பா யாக்கோபின காட்டிலும் நீ தொட்டாவனோ? யாக்கோபும், தன்ன மக்களும், ஆக்கள காலிகறு, ஒக்க ஈ கெணறிந்த நீரு கோரி குடுத்துறல்லோ?” ஹளி ஹளிதா.

யோவானு 5:18

ஒழிவுஜினதாளெ யூதம்மாரு கெலச கீவத்தெபாடில்லெ ஹளிட்டுள்ளா நேமத, ஏசு மீறிது மாத்தற அல்லாதெ, தெய்வத தன்ன சொந்த அப்பாங் ஹளி ஹளிதுகொண்டும், நங்க இப்புரும் ஒந்தே சம ஆப்புது ஹளி ஹளிதுகொண்டும் யூதம்மாரு ஏசின கொல்லத்தெ நோடிரு.

யோவானு 8:58

ஏசு ஆக்களகூடெ, “அப்ரகாமு ஹுட்டாத்தமுச்சே நா இத்தீனெ ஹளி ஒறப்பாயிற்றெ நா நிங்களகூடெ ஹளுதாப்புது” ஹளி ஹளிதாங்.

ரோமாக்காரு 9:5

அதுமாத்தறல்ல, ஆக்கள கார்ணம்மாராகூடெ ஒள்ளெ ஒந்து பெந்தம் சந்தோஷும் தெய்வாக உட்டாயித்து; அதுகொண்டு சடெசிக தன்ன மங்ஙனாயிப்பா ஏசுக்கிறிஸ்தினும் ஆ சமுதாயதாளெ ஹுட்டத்தெ மாடித்து; ஆ தெய்வ ஒப்பங்ஙே எந்தெந்தும் பெகுமான உட்டாட்டெ; ஆமென்.