எபிரெயம்மாரு 12:1 - Moundadan Chetty

¹ “அதுகொண்டு மளெமோடத ஹாற ஈமாரி சாட்ச்சிக்காரு நங்கள சுத்தூடும் இப்பதாப்பங்ங, எல்லாவித தடசதும், தெற்று குற்ற கீசத்தெபேக்காயி நங்கள ஹிடுத்து முறிக்கிண்டிண்டிப்பா எல்லா சொபாவத கொடது எருதட்டு, நங்கள முந்தாக பீத்திப்பா பந்தயதாளெ மனசொறப்போடெ ஓடத்தெ நோடுவும்.

எபிரெயம்மாரு 12:1 Iomraidhean Croise

மத்தாயி 10:22

நன்ன ஹேதினாளெ நிங்க எல்லாரிகும் சத்துருக்களாப்புரு; இதொக்க சகிச்சு, கடெசிவரெட்ட நெலெ நில்லாவானே ரெட்ச்செபடுவாங்.

மத்தாயி 24:13

எந்நங்ஙும் கடெசிவரெட்ட தெய்வ நம்பிக்கெயாளெ ஒறெச்சு நில்லாவனே ரெட்ச்செபடத்தெ பற்றுகொள்ளு.

மாற்கு 10:50

ஆகளே அவங் ஹொத்தித்தா பொதப்பின எருதட்டு, சாடி எத்து ஏசினப்படெ பந்நா.

லூக்கா 12:15

எந்தட்டு ஏசு ஆக்களகூடெ, “சொத்துமொதுலு சம்பாருசத்தெ பேக்காயி மாத்தற ஜீவுசுவாட. ஜாகர்தெயாயிற்றெ இரிவா! ஏனாக ஹளிங்ங, ஒப்பங்ங ஒந்துபாடு சொத்துமொதுலு இத்தங்ஙும் அது அவங்ங எதார்த்தமாயிற்றுள்ளா ஜீவித அல்ல.

லூக்கா 16:28

ஏனாக ஹளிங்ங, நன்னகூடெ ஹுட்டிதா ஐது அண்ணதம்மந்தீரு இத்தீரெ; ஆக்களும் ஈ பேதனெ உள்ளா சலாக பாரதிப்பத்தெ பேக்காயி, அவங் ஹோயி ஆக்களகூடெ ஜாகர்தெயாயிற்றெ இத்தணிவா ஹளி ஹளக்கெயல்லோ? ஹளி ஹளிதாங்.

லூக்கா 21:34

“அதுகொண்டு, நிங்க கள்ளு குடிப்புதனாளெயும், பெருந்தீனி திம்புதனாளெயும், லோகாளெ எந்த்தெஒக்க ஜீவுசுது ஹளிட்டுள்ளா பேஜாரதாளெயும், இறாதெ, தெய்வ ஞாயவிதிப்பா ஆ ஜினதாளெ நிங்க பிஜாருசாத்த சமெயாளெ, குடுங்ஙாதெ இருக்கிங்ஙி ஜாகர்தெயாயிற்றெ இரிவா.

யோவானு 3:32

அவங் கண்டுதனும், கேட்டுதனும் பற்றி ஒக்க கூட்டகூடீனெ; எந்நங்ஙும், அவங் ஹளிதா வாக்கின ஒப்பனும் சீகருசுதில்லெ.

யோவானு 4:39

“நா கீதுதன ஒக்க ஒந்து மனுஷங் நன்னகூடெ ஹளிதாங்” ஹளி, சமாரியாக்கார்த்தி ஹளிதா வாக்கு கேட்டு ஆ பாடதாளெ இத்தா கொறே சாமாரியக்காரு ஏசினமேலெ நம்பிக்கெ பீத்துரு.

யோவானு 4:44

“ஏதொந்து பொளிச்சப்பாடிதும் தன்ன சொந்த பாடதாளெ ஒப்புரும் மதியரு” ஹளி ஏசு நேரத்தே ஹளித்தாங்.

ரோமாக்காரு 12:12

நிங்காக கிட்டத்தெ ஹோப்பா மதிப்புள்ளா ஜீவிதாக பேக்காயி, நிங்கள ஜீவிதாளெ பொப்பா கஷ்டத ஒக்க சகிச்சு, சந்தோஷத்தோடெயும், நம்பிக்கெயோடெயும் புடாதெ பிரார்த்தனெ கீதண்டிரிவா.

ரோமாக்காரு 2:7

நசிச்சு ஹோகாத்த ஜீவிதாக பேக்காயி, ஒள்ளெ பிறவர்த்தி கீது பொருமெயோடெ ஜீவுசாக்காக தெய்வ பெலெபிடிப்புள்ளா நித்திய ஜீவித கொடுகு.

2 கொரிந்தி 7:1

சினேக உள்ளாக்களே! இப்பிரகாரமாயிற்றெ தெய்வத வாக்கொறப்பு கிட்டிப்பா நங்க, நங்கள சரீரதாளெயும், மனசினாளெயும் உள்ளா அசுத்தி நீக்கி சுத்தமாடி தெய்வாக அஞ்சி பரிசுத்தமாயிற்றெ ஜீவுசுவும்.

கலாத்தி 2:2

“நீ எருசலேமிக ஹோக்கு” ஹளிட்டுள்ளா சிந்தெ தெய்வ நன்ன மனசினாளெ காட்டிதந்துத்து; அதுகொண்டாப்புது நா அல்லிக ஹோதுது; அன்னிய ஜாதிக்காறாகூடெ ஒள்ளெவர்த்தமான அருசதாப்பங்ங ஏனொக்க ஹளிதிங் ஹளிட்டுள்ளுதன பற்றி, அல்லிப்பா சபெ மூப்பம்மாராகூடெ மாத்தற பிவறாயிற்றெ கூட்டகூடிதிங்; ஏனாக ஹளிங்ங, நா நேரத்தெ கீதுதும் ஈக கீதண்டிப்புதும் ஒக்க பொருதெ ஆக்கோ ஹளிட்டுள்ளா அஞ்சிக்கெ உட்டாயித்து.

கலாத்தி 5:7

ஏசுக்கிறிஸ்து நிங்காகபேக்காயி கீதுதன ஒக்க நம்பி ஒயித்தாயி ஜீவிசிண்டித்துரு; எந்நங்ங ஈக நிங்கள ஆ சத்தியமாயிற்றுள்ளா காரெத அனுசருசத்தெ பாடில்லெ ஹளி நிங்கள தடுத்துது ஏற?

எபேசியம்மாரு 4:25

நிங்க தம்மெலெ பொள்ளு ஹளிண்டு நெடியாதெ நேருள்ளா காரெ மாத்தற கூட்டகூடிவா; ஏனாக ஹளிங்ங ஈக நங்க ஒக்க ஒந்து சரீரதாளெ உள்ளா ஒந்நொந்து பாகத ஹாற உள்ளாக்களாப்புது.

பிலிப்பி 1:30

பண்டு நனங்ங பந்தா கஷ்டப்பாடும் உபத்தரங்ஙளும், ஒக்க நிங்க கண்டுதீரெ; ஈக நா சகிப்பா கஷ்டப்பாடும், உபத்தரங்ஙளும் நிங்காக கொத்துட்டல்லோ! அதே கஷ்டப்பாடும், உபத்தரங்ஙளும் தென்னெயாப்புது நிங்காகும் உள்ளுது.

பிலிப்பி 2:16

நித்தியஜீவங் தப்பா ஒள்ளெவர்த்தமானதாளெ ஹளிப்பா ஹாற நெடதணிவா; அம்மங்ங நா கஷ்டப்பட்டுதும் கெலசகீதுதும் ஒந்தும் பொருதெ ஆயிபில்லெ ஹளி கிறிஸ்து பொப்பா ஜினதாளெ நனங்ங நிங்களபற்றி பெருமெ ஹளத்தெ பற்றுகு.

2 திமோத்தி 2:4

ஒந்து பட்டாளக்காறங், அவங் கீவத்துள்ளா ஜோலி அல்லாதெ பேறெ ஒந்து காரெயாளெயும் தெலெ ஹாக்காதிப்பாங்; அவங், தன்ன பட்டாளத்தலவங்ங இஷ்டப்பட்டா ஹாற தென்னெ நெடதம்ம.

2 திமோத்தி 4:7

ஒப்பாங் ஓட்டப்பந்தயதாளெ ஒயித்தாயி ஓடாஹாற நானும் தெய்வ ஏல்சிதா காரெ ஒக்க ஒயித்தாயி கீதிங்; இஞ்ஞி கீவத்துள்ளுது ஒந்தும் இல்லெ; நா ஏசுக்கிறிஸ்தினோடுள்ளா நம்பிக்கெத செரியாயிற்றெ அனிசரிசிதிங்.

எபிரெயம்மாரு 6:15

அந்த்தெ அப்ரகாமும், தெய்வ அவங்ங சத்தியகீது ஹளிதன கிட்டாவரெட்ட பொருமெயாயிற்றெ காத்தித்து பொடிசிதாங்.

1 பேதுரு 2:1

நிங்க ஹொஸ்தாயி ஹுட்டிப்புதுகொண்டு, எல்லாவித துஷ்டத்தர, வஞ்சனெ, கபட புத்தி, அசுய, குற்றஹளுது இந்த்தலதொக்க புட்டட்டு,

1 பேதுரு 4:2

இனி நிங்க ஜீவோடெ இப்பா காலதாளெ ஒக்க சொந்த இஷ்டப்பிரகார நெடியாதெ தெய்வத இஷ்டப்பிரகார ஜீவுசுக்கு.

1 பேதுரு 5:1

நா ஒந்து மூப்பன ஸ்தானதாளெ இத்தண்டு, மூப்பம்மாராயிப்பா நிங்காக புத்தி ஹளிதப்புது ஏன ஹளிங்ங; கிறிஸ்தின கஷ்டப்பாடு ஒக்க நா, நேருட்டு கண்டாவனாப்புது; கிறிஸ்து திரிச்சு பொப்பதாப்பங்ங கொண்டுபொப்பா சம்மானதாளெ நங்க எல்லாரிகும் பங்கு உட்டு.

1 பேதுரு 5:12

தெய்வத எதார்த்தமாயிற்றுள்ளா தயவின பற்றி நிங்காக அருசத்தெகும், நிங்கள சந்தோஷப்படுசத்தெகும் பேக்காயி சத்தியநேரோடெ நெடிவா நன்ன தம்ம சில்வானின கொண்டு ஈ கத்து நா எளிசிது; அதுகொண்டு தெய்வத தயவினாளெ ஒறச்சு நிந்நணிவா; தெய்வ நம்பிக்கெயாளெ ஒறப்புள்ளா அவங் நனங்ங தம்மன ஹாற ஆப்புது.

2 பேதுரு 1:6

புத்தியோடெ அச்சடக்க உள்ளாக்களாயும், அச்சடக்கத்தோடெ பொருமெ உள்ளாக்களாயும், பொருமெயோடெ தெய்வபக்தி உள்ளாக்களாயும்,

தரிசன 1:9

நிங்கள கூட்டுக்காறனாயிப்பா யோவானு எளிவுது ஏன ஹளிங்ங, நிங்க ஏசினகூடெ சேர்ந்நு ஜீவுசாஹேதினாளெ, கஷ்ட சகிச்சா ஹாற தென்னெ, நானும் கஷ்ட சகிச்சாவனாப்புது; ஆ கஷ்டதாளெ நிங்காக உட்டாயித்தா மனசொறப்பினாளெயும், தெய்வ பரிப்பா ராஜேகபேக்காயி காத்திப்பா நானும் பங்குள்ளாவனாப்புது; நா தெய்வத வாக்கின அறிசி, ஏசினபற்றி சாட்ச்சி ஹளிதுகொண்டு, பத்மோஸ் ஹளா தீவிக நன்ன நாடுகடத்திரு.

தரிசன 13:10

ஏனாக ஹளிங்ங, ஜெயிலாளெ ஹாக்கத்துள்ளாக்கள ஜெயிலாளெ ஹாக்குரு; வாளாளெ அறுத்து கொல்லத்துள்ளாக்கள வாளாளெ அறுத்து கொல்லுரு; அதுகொண்டு, தெய்வஜனமாயிப்பா ஆள்க்காறிக மனசொறப்பும், தெய்வதமேலெ நம்பிக்கெயும் பேக்கு.

தரிசன 22:16

“ஏசு ஹளா நா நிங்காக இதனொக்க சபெயாளெ சாட்ச்சியாயிற்றெ அருசத்தெபேக்காயி, நன்ன தூதன ஹளாயிச்சு ஹடதெ; நா தாவீதின பாரம்பரியதாளெ ஹுட்டிதாவனும், தாவீதின குடும்பதாளெ உள்ளாவனும் ஆப்புது; பொளிச்ச உள்ளா உதய நச்சத்தறம் நா தென்னெயாப்புது” ஹளி ஏசு ஹளிதாங்.

தரிசன 3:10

‘நீ, மனசொறப்போடெ இத்தாக’ ஹளி, நா நின்னகூடெ ஹளிதா வாக்கின நீ அனிசரிசி நெடெ; அம்மங்ங, ஈ பூமியாளெ உள்ளா எல்லதனமேலெயும் பொப்பத்துள்ளா சோதனெ காலந்த நா நின்ன காத்தம்மி.