அப்போஸ்தலம்மாரு 5:14 - Moundadan Chetty

¹⁴ எந்நங்ங, எஜமானினமேலெ நம்பிக்கெ உள்ளாக்களாயி கொறே கெண்டாக்களும், கொறே ஹெண்ணாகளும் அப்போஸ்தலம்மாராகூடெ சேர்ந்நுரு.

அப்போஸ்தலம்மாரு 5:14 Iomraidhean Croise

அப்போஸ்தலம்மாரு 11:24

ஈ பர்னபாசு ஹளாவாங், ஒள்ளேவனும், பரிசுத்த ஆல்ப்மாவாளெ நெறெஞ்ஞாவனாயும், தெய்வ நம்பிக்கெயாளெ ஒறெச்சாவனாயும் இத்தாங்; அந்த்தெ அவனகொண்டு, கொறே ஆள்க்காரு எஜமானினகூடெ சேர்ந்நுரு.

அப்போஸ்தலம்மாரு 2:41

பேதுறின வாக்கு கேட்டாக்க ஒக்க சந்தோஷத்தோடெ ஸ்நானகர்ம ஏற்றெத்திரு; அந்தத்தஜின ஏகதேச மூவாயிர ஆள்க்காறா தெய்வ சபெயாளெ சேர்சிரு.

அப்போஸ்தலம்மாரு 2:47

ஏகோத்தும் தெய்வத வாழ்த்தி, தன்ன தயவினாளெ ஜீவிசி பந்துரு; ஜனங்ஙளா எடநடுவும் ஈக்காக ஒள்ளெ ஹெசறு உட்டாயித்து; அந்த்தெ, ஒந்நொந்து ஜினும் எஜமானனாயிப்பா ஏசு தன்ன நம்பி பொப்பாக்கள, ஆக்களகூடெ சேர்சிதாங்.

அப்போஸ்தலம்மாரு 22:4

அந்த்தெ, ஏசினபற்றிட்டுள்ளா உபதேசத கைக்கொண்டு நெடிவா கெண்டாக்க ஹெண்ணாக்க ஏறாதங்ஙும், ஆக்கள ஹிடுத்துகெட்டி, செலாக்கள ஜெயிலாளெ ஹைக்கி, செலாக்கள கொல்லத்தெகும் ஏல்சிகொட்டிங்.

அப்போஸ்தலம்மாரு 4:4

எந்நங்ங, வஜன கேட்டாக்களாளெ ஒந்துபாடு ஆள்க்காரு ஏசினமேலெ நம்பிக்கெ பீத்துரு; ஆக்களாளெ கெண்டாக்க மாத்தற சுமாரு ஐயாயிர ஆள்க்காரு இத்துரு.

அப்போஸ்தலம்மாரு 6:7

ஆ காலதாளெ தெய்வ வஜன கூடுதலாயி பரகித்து; சிஷ்யம்மாரா எண்ண எருசலேமாளெ ஒந்துபாடு தும்பித்து; யூதா பூஜாரிமாரா எடெந்தும் கொறே ஆள்க்காரு ஏசினமேலெ நம்பிக்கெ பீத்துரு.

அப்போஸ்தலம்மாரு 8:12

எந்நங்ங, பிலிப்பு தெய்வ பரண நெடத்தா காரெத பற்றியும், ஏசுக்கிறிஸ்தின பற்றிட்டுள்ளா ஒள்ளெ வர்த்தமானதும் பிரசங்ஙகீவுது ஜனங்ஙளு கேட்டு நம்பி, கொறே ஹெண்ணாகளும் கெண்டாக்களும் ஸ்நானகர்ம ஏற்றெத்திரு.

அப்போஸ்தலம்மாரு 9:2

ஈ பேதக்காறாளெ உள்ளா கெண்டாக்க, ஹெண்ணாக ஏறனிங்ஙி கண்டுஹிடுத்தங்ங, ஆக்கள ஹிடுத்துகெட்டி எருசலேமிக கொண்டுபொப்பத்தெ, தமஸ்காளெ உள்ளா யூதம்மாரா பிரார்த்தனெ மெனேக அதிகாரபத்தற கேட்டுபொடுசிதாங்.

அப்போஸ்தலம்மாரு 9:31

அந்த்தெ யூதேயா, கலிலா, சமாரியா ஹளா தேசதாளெ உள்ளா சபெக்காறிக ஒக்க ஒந்து சமாதான உட்டாத்து; பரிசுத்த ஆல்ப்மாவின சகாயத்தோடு கூடி சபெ சக்திபட்டுத்து; சபெத எண்ணம் பெருகித்து; ஆ சபெ ஒக்க தெய்வ பயதாளெ வளர்ந்நுத்து.

அப்போஸ்தலம்மாரு 9:35

லித்தா, சாரோனு ஹளா சலாளெயும், உள்ளா ஜனங்ஙளு எல்லாரும் அது கண்டட்டு, ஏசினமேலெ நம்பிக்கெ பீத்துரு.

அப்போஸ்தலம்மாரு 9:42

ஈ சங்ஙதி, யோப்பா பட்டணாளெ எல்லாரும் அருதுரு; அம்மங்ங கொறே ஆள்க்காரு எஜமானனாயிப்பா ஏசினமேலெ நம்பிக்கெ பீத்துரு.

2 கொரிந்தி 6:15

கிறிஸ்திகும், செயித்தானிகும், ஏனிங்ஙி கூட்டு உட்டோ? அதே ஹாற கிறிஸ்தினமேலெ நம்பிக்கெ உள்ளாவாங், கிறிஸ்தினமேலெ நம்பிக்கெ இல்லாத்தாவனகூடெ ஹெணத்தண்டு நெடெவத்தெ பாடுட்டோ?

கலாத்தி 3:28

அதுகொண்டு இனி யூதம்மாரு ஹளியோ, அன்னிய ஜாதிக்காரு ஹளியோ, அடிமெக்காரு ஹளியோ, சொதந்தரமாயிற்றெ இப்பாவாங் ஹளியோ, கெண்டு ஹளியோ, ஹெண்ணு ஹளியோ ஒந்து வித்தியாசம் இல்லெ; கிறிஸ்து ஏசினகூடெ ஒந்தாயி இப்புதுகொண்டு நிங்க எல்லாரும் சம தென்னெயாப்புது.