அப்போஸ்தலம்மாரு 17:5 - Moundadan Chetty

⁵ எந்நங்ங, இதன நம்பாத்த யூதம்மாரு அசுயபட்டு, சந்தெயாளெ உள்ளா கொறே போக்கரிகளா கூட்டிண்டு, பட்டணதாளெ பயங்கர கச்சறெ உட்டுமாடிரு; ஆக்க ஆள்க்காறா கூட்டி, பவுலினும், சீலாவினும் ஹிடுத்து கொண்டுபருக்கு ஹளிட்டு, பவுலும் சீலாவும் தங்கித்தா ஆசான் ஹளாவன மெனெத ஹுயிது பொளிப்பத்தெகூடிரு.

அப்போஸ்தலம்மாரு 17:5 Iomraidhean Croise

மத்தாயி 27:18

ஏனாக ஹளிங்ங ஜனங்ஙளு, ஹொட்டெகிச்சு கொண்டு ஏசின தன்னப்படெ ஏல்சிரு ஹளி பிலாத்து மனசிலுமாடித்தாங்.

அப்போஸ்தலம்மாரு 13:45

அம்மங்ங அல்லி இப்பா யூதம்மாரு, ஜனக்கூட்டத கண்டு அசுயபட்டு, பவுலு கூட்டகூடிதா வாக்கிக எதிராயிற்றெ தூஷணவாக்கு ஹளிரு.

அப்போஸ்தலம்மாரு 14:19

ஹிந்தெ அந்தியோக்கியந்தும், இக்கோனியந்தும் செல யூதம்மாரு பந்தட்டு, பவுலிக எதிராயிற்றெ ஜனங்ஙளா திரிச்சு புட்டு, அவனமேலெ கல்லெருதுரு; அந்த்தெ பவுலு சத்தண்டுஹோதாங் ஹளி பிஜாரிசிட்டு, ஆக்க அவன பட்டணந்த ஹொறெயேக எளத்து கொண்டு ஹைக்கிரு.

அப்போஸ்தலம்மாரு 14:2

எந்நங்ங, அதன நம்பாத்த யூதம்மாரு, ஏசின நம்பா கூட்டுக்காறிக எதிராயிற்றெ அன்னிய ஜாதிக்காறா எளக்கிபுட்டு, ஹகெ உட்டுமாடிரு.

அப்போஸ்தலம்மாரு 17:13

பெரேயாளெயும், பவுலு தெய்வ வஜன அறிசீனெ ஹளி, தெசலோனிக்காளெ உள்ளா யூதம்மாரு அருதட்டு, அல்லிகும் ஹோயி பவுலிக எதிராயிற்றெ ஜனங்ஙளா எளக்கிபுட்டு, பிரசன உட்டுமாடிரு.

அப்போஸ்தலம்மாரு 17:6

எந்நங்ங, பவுலும் சீலாவும் அல்லி இல்லெ ஹளி கண்டட்டு, ஆசானினும், ஏசின நம்பா செல கூட்டுக்காறினும் ஹிடுத்து, எளத்து கொண்டு ஹோயி, பட்டணதாளெ இப்பா அதிகாரிமாரா முந்தாக நிருத்திரு; எந்தட்டு, “லோகத கலக்கிண்டிப்பாக்க இல்லிகும் பந்துதீரெ.

அப்போஸ்தலம்மாரு 17:7

அந்த்தலாக்கள ஈ ஆசானு ஹளாவாங் அவன மெனெயாளெ புட்டுதீனெ; ஈக்க எல்லாரும் ஏசு ஹளா பேறெ ஒப்பன ராஜாவு ஹளிண்டு, ரோமா ராஜாவின நேமாக எதிராயிற்றுள்ளா காரெ கீதீரெ” ஹளி ஆர்த்துகூக்கிரு.

அப்போஸ்தலம்மாரு 17:9

ஹிந்தெ அதிகாரிமாரு, ஆசானினும், மற்றுள்ளா ஆள்க்காறினும், ஜாமீன்தொகெ பொடிசிட்டு புட்டுட்டுரு.

அப்போஸ்தலம்மாரு 18:12

ஹிந்தீடு, கலியோன் ஹளாவாங் அகாயா நாடினாளெ ரோமன் கவர்னறாயிற்றெ இப்பங்ங, கொறே யூதம்மாரு பவுலிக எதிராயிற்றெ ஒந்தாயி கூடிபந்தட்டு, அவன ஹிடுத்து கொண்டு ஹோயி கோர்ட்டாளெ நிருத்திரு.

அப்போஸ்தலம்மாரு 19:40

இந்து நெடதா கலகதபற்றி, நங்களமேலெ குற்ற பொப்பத்தெ எடெ உட்டு; ஏனாக ஹளிங்ங, இது காரெ இல்லாதெ கூடிதா கூட்ட ஆப்புது; ரோமன் அதிகாரிமாரு இதனபற்றி நங்களகூடெ கேள்வி கேட்டங்ங ஏன உத்தர ஹளத்தாக்கு? ஒந்து காரணம் ஹளத்தில்லெ” ஹளி ஹளிட்டு, ஜனங்ஙளு எல்லாரினும் ஹளாயிச்சுபுட்டாங்.

அப்போஸ்தலம்மாரு 7:9

ஹிந்தீடு ஆ ஹன்னெருடு கார்ணம்மாரும் அசுயங்கொண்டு, யோசேப்பின எகிப்து ராஜெக்காறிக பெலேக மாறிரு.

ரோமாக்காரு 16:21

நன்னகூடெ இத்து தெய்வகெலச கீவா திமோத்தியும், நன்ன சமுதாயக்காறாயிப்பா லூகி, யாசோனு, ஸொசிபத்துரு ஈக்க எல்லாரும் நிங்கள கேட்டண்டித்துரு.

1 கொரிந்தி 3:3

அதுமாத்தறல்ல, அசுய, வாக்குதர்க்க இதொக்க நிங்களகையி உள்ளுதுகொண்டாப்புது நிங்க ஈகளும் லோகக்காறா ஹாற நெடிவுது.

2 கொரிந்தி 11:26

பல தவணெ யாத்தறெகீதிங்; அதனாளெ பொளெ கடெவங்ங சாயிவத்தித்திங்; நன்ன ஜாதிக்காறாகொண்டு புத்திமுட்டு உட்டாத்து, மற்று ஜாதிக்காறாகொண்டு புத்திமுட்டு உட்டாத்து, கள்ளாம்மாரா கொண்டு புத்திமுட்டு உட்டாத்து, பட்டணதாளெ புத்திமுட்டு உட்டாத்து, காடினாளெ புத்திமுட்டு உட்டாத்து, அப்போஸ்தலம்மாரா ஹாற நடிப்பாக்கள கொண்டு புத்திமுட்டு உட்டாத்து, அந்த்தெ பல பல புத்திமுட்டும் நன்ன ஜீவிதாளெ உட்டாத்து.

கலாத்தி 5:21

ஹொட்டெகிச்சு, ஆளா கொல்லுது, சாராக குடிப்புது, கூத்தாட்ட இந்த்தல பலதும் தென்னெயாப்புது; அந்த்தல காரெ கீவாக்க ஒரிக்கிலும் தெய்வராஜெ ஒளெயெ ஹோப்பத்தெபற்ற ஹளி நா நேரத்தே ஹளித்திங்; ஈகளும் ஹளுதாப்புது.

கலாத்தி 5:26

நங்க தம்மெலெ ஹொட்டெகிச்சு ஹிடியாதெயும், ஒப்பன ஒப்பாங் அரிச படுசாதெயும், நானே தொட்டாவாங் ஹளி பெருமெ காட்டாதெயும் நெடீக்கு.

1 தெசலோனி 1:6

அதுகொண்டு, நிங்கள கஷ்டதாளெ ஒக்க தெய்வத வாக்கின சீகரிசி, பரிசுத்த ஆல்ப்மாவு தப்பா சந்தோஷத்தோடெ ஜீவிசிண்டித்துரு. ஏசுக்கிறிஸ்து எந்த்தெ ஜீவிசிதாங் ஹளியும், நங்க எந்த்தெ ஜீவிசிதும் ஹளியும் ஒக்க மனசிலுமாடிட்டு, அதனபிரகார ஜீவிசீரெ.

யாக்கோபு 4:5

தெய்வ நங்கள ஒளெயெ, தன்ன ஆல்ப்மாவின தந்திப்புது ஏனாக ஹளிங்ங, தெய்வாக மாத்தற சொந்தக்காறாயி ஜீவுசத்தெபேக்காயி ஆப்புது; ஈ காரெ தெய்வத புஸ்தகதாளெ எளிதிபீத்திப்புது பொருதெ ஹளி நிங்க பிஜாருசுவாட.