அப்போஸ்தலம்மாரு 13:43 - Moundadan Chetty

⁴³ பிரார்த்தனெ மெனேக பந்தித்தா ஆள்க்காரு எல்லாரும் ஹோயிகளிஞட்டு, யூதம்மாரும், யூத மதாக கூடிதா பக்திஉள்ளா கொறே ஆள்க்காரு, பவுலினகூடெயும், பர்னபாசினகூடெயும் கூடிரு; அந்த்தெ ஈக்க இப்புரு, ஆக்காக கூடுதலு தெய்வகாரியங்ஙளு ஹளிகொட்டு, தெய்வ தயவாளெ நெலச்சிப்பத்தெ புத்தி ஹளிகொட்டுரு.

அப்போஸ்தலம்மாரு 13:43 Iomraidhean Croise

மத்தாயி 23:15

மாயக்காறாயிப்பா வேதபண்டிதம்மாரே! பரீசம்மாரே! நிங்காக கேடுகால தென்னெயாப்புது, ஒப்பன நிங்கள கூட்டதாளெ சேர்சத்தெ பேக்காயி நாடும், கடலும் கடது ஹோதீரெ; அந்த்தெ ஒப்பன நிங்கள கூட்டதாளெ சேர்சிகளிஞட்டு, அவன நிங்களகாட்டிலும் எருடு மடங்ஙு நரக சிட்ச்செ கிட்டத்தெ மாடீரெ.

அப்போஸ்தலம்மாரு 11:23

பர்னபாசு அல்லிக ஹோயி நோடதாப்பங்ங, தெய்வ ஆக்கள ஒந்துபாடு தயவு கீதிப்புதன கண்டு, கூடுதலு சந்தோஷபட்டாங்; எந்தட்டு, ஆக்க எல்லாரும் பூரண இஷ்டங்கொண்டு, தெய்வ நம்பிக்கெயாளெ ஒறச்சு நில்லத்தெபேக்காயி, ஆக்கள தைரெபடிசிதாங்.

அப்போஸ்தலம்மாரு 13:50

எந்நங்ங யூதம்மாரு, பக்தியும், அந்தஸ்தும் உள்ளா ஹெண்ணாக்களினும், ஆ பட்டணாளெ உள்ளா காரியஸ்தம்மாரினும் தூண்டி புட்டட்டு பவுலினும், பர்னபாசினும் உபதரிசி, ஆ சலந்த ஓடிசிபுட்டுரு.

அப்போஸ்தலம்மாரு 14:22

எந்தட்டு அல்லி, ஏசினமேலெ நம்பிக்கெ உள்ளா எல்லாரினும், ஆக்க பீத்திப்பா நம்பிக்கெயாளெ மனசொறப்போடெ இப்பத்தெ சகாசிரு; அந்த்தெ நங்க, ஒந்துபாடு கஷ்ட அனுபோசிட்டே தெய்வராஜெக ஹோப்பத்தெ பற்றுகொள்ளு ஹளியும் ஆக்காக புத்தி ஹளிகொட்டுரு.

அப்போஸ்தலம்மாரு 14:3

எந்நங்ஙும், பவுலும், பர்னபாசும் கொறேகால அல்லிதென்னெ இத்து, எஜமானினபற்றி தைரெத்தோடெ பிரசங்ஙகீதுரு; தெய்வ தன்ன தயவுள்ளா வாக்கிக சாட்ச்சியாயிற்றெ, ஆக்க இப்புறின கொண்டு அடெயாளங்ஙளும், அல்புதங்ஙளும் நெடத்தித்து.

அப்போஸ்தலம்மாரு 16:14

அம்மங்ங ஆ கூட்டதாளெ தியத்திரா பாடந்த பந்தா ஒப்ப, நங்க கூட்டகூடுதன கேட்டண்டித்தா; லிதியா ஹளி ஹெசறுள்ளா அவ பட்டுதுணி மாறாவளும், தெய்வபக்தி உள்ளாவளும் ஆயித்தா; பவுலு கூட்டகூடுதன சிர்திசி கேளத்தெ, தெய்வ அவள மனசு தொறதுகொட்டுத்து.

அப்போஸ்தலம்மாரு 17:17

அதுகொண்டு பவுலு, அல்லிப்பா பிரார்த்தனெ மெனேக பந்தா யூதம்மாராகூடெயும், அன்னிய ஜாதிக்காறாகூடெயும், அங்கிடியாளெ காம்பாக்களகூடெயும் ஒக்க, ஜினோத்தும் தெய்வ வஜனத ஹளிபந்நா.

அப்போஸ்தலம்மாரு 17:34

செலாக்க பவுலாகூடெ கூடி ஏசினமேலெ நம்பிக்கெ பீத்துரு. ஆக்களாளெ அரியோப்பா சங்கதாளெ இப்பா தியனோசி ஹளா ஒப்பனும், தாமரி ஹளா ஒப்பளும், பேறெ கொறச்சு ஆள்க்காரும் இத்துரு.

அப்போஸ்தலம்மாரு 17:4

அம்மங்ங, வஜன கேட்டாக்களாளெ கொறே யூதம்மாரும், பக்திஉள்ளா கிரீக்கம்மாராளெ பலரும், அந்தஸ்துள்ளா கொறே ஹெண்ணாகளும், ஆக்க ஹளிதன நம்பி ஏற்றெத்திட்டு, பவுலினகூடெயும், சீலாவினகூடெயும் கூடிரு.

அப்போஸ்தலம்மாரு 18:7

எந்தட்டு, பவுலு யூதம்மாராபுட்டு, அன்னிய ஜாதிக்காறனாயிப்பா யுஸ்து ஹளா ஒப்பன ஊரிக ஹோதாங்; அவங் ஒள்ளெ தெய்வபக்தி உள்ளாவனாயி இத்தாங்; அவன மெனெ, யூதம்மாரா பிரார்த்தனெ மெனெத அரியெ உட்டாயித்து.

அப்போஸ்தலம்மாரு 2:10

பிரிகியா, பம்பிலியா தேசக்காரும், எகிப்து தேசக்காரு எல்லாரும், சிரேனே பட்டணத அரியெ இப்பா லிபியாளெ உள்ளாக்களும், ரோமிந்த பந்தாக்களும்,

அப்போஸ்தலம்மாரு 28:23

அதங்ஙபேக்காயி ஆக்க ஒந்துஜின ஏற்பாடு கீதுரு; அம்மங்ங, கொறே ஆள்க்காரு பவுலு தங்கித்தா மெனேக பந்துரு; பவுலு, பொளாப்பங்ங தொடங்ஙி சந்நேரட்ட மோசேத தெய்வ நேமந்தும், பொளிச்சப்பாடு புஸ்தகந்தும் ஏசினபற்றிட்டுள்ளா காரெ எத்தி கூட்டகூடிட்டு, தெய்வராஜெத பற்றியும் விஸ்தாரமாயிற்றெ எத்தி ஹளிதாங்.

அப்போஸ்தலம்மாரு 6:5

ஈ அபிப்பிராய எல்லாரிகும் இஷ்டப்பட்டுத்து; அந்த்தெ ஆக்களாளெ தெய்வ நம்பிக்கெயும், பரிசுத்த ஆல்ப்மாவும் நெறெஞ்ஞா ஸ்தேவானும், பிலிப்பு, பிராகோரு, நிக்கானோரு, தீமோனு, பர்மானா ஹளாக்களும், யூத மதாக கூடிதா அந்தியோக்கியா பட்டணக்காறனாயிப்பா நிக்கோலோ ஹளாவனும் தெரெஞ்ஞெத்திரு.

ரோமாக்காரு 3:24

அந்த்தெ நங்க ஹம்மாடிதா சத்தியநேரு ஹளா அந்தஸ்தின நங்காக தப்பத்தெ பேக்காயி, தெய்வ ஏசுக்கிறிஸ்தினகொண்டு நங்களமேலெ கருணெ காட்டி சிட்ச்செந்த தப்சத்தெ மாடித்து; அந்த்தெ நங்காக ஆ அந்தஸ்து பொருதெ கிடுத்து; அதுகொண்டு நங்க ஏசுக்கிறிஸ்தின ஹாற தென்னெ சத்தியநேரு உள்ளாக்களாயி ஆதும்.

ரோமாக்காரு 5:2

ஆ ஜீவித தெய்வத கருணெயாளெ ஆப்புது நங்காக கிட்டிப்புது ஹளி பெருமெ ஹளத்தாப்பங்ங, கிறிஸ்திக கிட்டா பெகுமானதாளெ நங்காகும் ஒந்து பங்கு உட்டு ஹளிட்டுள்ளா நம்பிக்கெயோடெ ஜீவுசக்கெ.

ரோமாக்காரு 5:21

தெற்று குற்ற கீவா சொபாவ நங்கள அடிமெ மாடி சாவின பட்டெயாளெ நெடத்திண்டு இத்து; எந்நங்ங இந்து, தெய்வத கருணெ ஏசுக்கிறிஸ்தினகொண்டு நங்கள ஜீவன பட்டெயாளெ நெடத்தீதெ; ஈ தெய்வத கருணெ நங்கள சத்தியநேரு உள்ளாக்களாயி மாடி நங்காக நித்திய ஜீவித கிட்டத்தெ மாடித்து.

2 கொரிந்தி 5:11

அதுகொண்டு, தெய்வாக அஞ்சி நெடது, ஜனங்ஙளு எந்த்தெ தெய்வாக அஞ்சி நெடீக்கு ஹளி புத்தி ஹளிகொட்டீனு; நங்க கீவா கெலசஒக்க தெய்வாக கொத்துட்டு; நிங்காகும் அறியக்கெ.

2 கொரிந்தி 6:1

தெய்வத தயவினாளெ நிங்கள தெற்று குற்றாக ஒக்க மாப்பு கிட்டிஹடதெ; அதன ஹம்மாடத்தெ பாடில்லெ ஹளி, தெய்வதகூடெ சேர்ந்நு கெலசகீவா நங்க புத்தி ஹளிதப்புதாப்புது.

கலாத்தி 5:1

அதுகொண்டு நிங்க ஹிந்திகும் ஆ அடிமெக்கார்த்தித மக்கள ஹாற ஜீவிசிண்டிப்புது ஏனாக? ஆ அடிமெ ஜீவிதந்த கிறிஸ்து நிங்கள ஹிடிபுடிசிதில்லே? இனி சொதந்தரமாயிற்றெ தென்னெ ஜீவிசிவா.

கலாத்தி 5:4

ஆ நேமங்கொண்டு சத்தியநேரு உள்ளாவனாயி ஆவுக்கு ஹளி ஆசெபடா நிங்க, தெய்வ நிங்களமேலெ காட்டிதா கருணெ பேட ஹளி தள்ளிபுட்டட்டு கிறிஸ்தினகூடெ எதார்த்த பெந்த இல்லாத்தாக்களாயி ஹோதுரு.

எபேசியம்மாரு 2:8

நங்காக கிட்டத்துள்ளா சிட்ச்செந்த ரெட்ச்செ கிட்டிது, நங்கள கழிவுகொண்டல்ல; நங்க கிறிஸ்து ஏசினமேலெ நம்பிக்கெ பீப்பதாப்பங்ங தெய்வ காட்டிதா கருணெ கொண்டாப்புது கிட்டிது; அதுகொண்டு நிங்காக கிட்டிதா ஹொசா ஜீவித தெய்வ தந்தா சம்மான ஆப்புது.

பிலிப்பி 3:16

ஏன ஆதங்ங செரி, இதுவரெ நங்க எந்த்தெஒக்க தெய்வகாரெபற்றி படிச்சு நெடதனோ அதே ஹாற தென்னெ இனியும் நெடதணுக்கு.

பிலிப்பி 4:1

அதுகொண்டு, ஏசின நம்பா நன்ன கூட்டுக்காறே, நிங்க ஏகோத்தும் ஏசுக்கிறிஸ்தின சினேகதாளெ தென்னெ ஜீவிசிவா; நன்ன சந்தோஷபடுசாக்களும், நன்ன சொத்தும் நிங்கதென்னெயாப்புது; நன்ன சினேக உள்ளாக்களும், நா காம்பத்தெ ஆக்கிருசாக்களும், நிங்கதென்னெயாப்புது.

கொலோசிக்காரு 1:23

அது எந்த்தெ ஹளிங்ங ஏசுக்கிறிஸ்தின பற்றிட்டுள்ளா ஆ ஒள்ளெவர்த்தமானத புட்டுடாதெ கடெசிவரெட்டும் நம்பிக்கெயோடெ ஒறச்சு நிந்நங்ங, நிங்க தெய்வதகூடெ பெந்த உள்ளாக்களாயிற்றெ இப்பத்தெ பற்றுகு; ஈ ஒள்ளெவர்த்தமான தென்னெயாப்புது பூமியாளெ உள்ளா எல்லா மனுஷரிகும் அறிசிபொப்புது; பவுலு ஹளா நானும் ஆ கெலச தென்னெயாப்புது கீதண்டிப்புது.

கொலோசிக்காரு 1:28

ஆ ஏசுக்கிறிஸ்து தப்பா பூரண புத்தியோடெ நிங்க ஒப்பொப்பனும் கிறிஸ்தின ஹாற தென்னெ தெகெஞ்ஞாக்களாயி வளரத்தெ பேக்காயி ஜாகர்தெயாயி இரிவா ஹளி புத்தி ஹளிதப்புதாப்புது.

தீத்து 2:11

ஏனாக ஹளிங்ங எல்லா மனுஷரும் ஆக்கள தெற்று குற்றந்த ரெட்ச்சிக்கப்படத்தெ பேக்காயி தெய்வ தன்ன கருணெ காட்டி ஹடதெ.

எபிரெயம்மாரு 12:15

நிங்களாளெ ஒப்புரும் தெய்வத தயவின நஷ்டப்படுசாதெ இப்பத்தெ நிங்க தம்மெலெ ஜாகர்தெயாயிற்றெ நோடியணிவா; மற்றுள்ளாக்களமேலெ வெருப்பு பாராதெயும் நோடியணிவா; அதுகொண்டு பலர் கெட்டுஹோகாதிப்பத்தெகும் ஜாகர்தெயாயிற்றெ நோடியணிவா.

எபிரெயம்மாரு 13:9

ஒள்ளெவர்த்தமான அல்லாத்த பேறெ ஒந்து உபதேசதாளெயும், குடுங்காதெ நோடியணிவா; இஞ்ஞேதே திம்பத்தெ பாடொள்ளு, இஞ்ஞேது திம்பத்தெபாடில்லெ ஹளிட்டுள்ளா காரெயாளெ அல்ல, தெய்வத கருணெயாளெ மனசொறப்பு உள்ளாக்களாயி இருக்கு; ஏனாக ஹளிங்ங, திந்து குடிப்பா நேமத கைக்கொண்டு நெடதாக்க ஒப்புறிகும் ஒந்து பிரயோஜனும் உட்டாயிபில்லல்லோ!

1 பேதுரு 5:12

தெய்வத எதார்த்தமாயிற்றுள்ளா தயவின பற்றி நிங்காக அருசத்தெகும், நிங்கள சந்தோஷப்படுசத்தெகும் பேக்காயி சத்தியநேரோடெ நெடிவா நன்ன தம்ம சில்வானின கொண்டு ஈ கத்து நா எளிசிது; அதுகொண்டு தெய்வத தயவினாளெ ஒறச்சு நிந்நணிவா; தெய்வ நம்பிக்கெயாளெ ஒறப்புள்ளா அவங் நனங்ங தம்மன ஹாற ஆப்புது.

2 பேதுரு 3:14

சினேகுள்ளாக்களே, ஹொசா பூமியும், ஹொசா ஆகாசங்ஙளும் பொக்கு ஹளி காத்திப்புதுகொண்டு, தெய்வத காழ்ச்செயாளெ தெற்று குற்ற இல்லாத்தாக்களாயி, சமாதானத்தோடெ ஜீவுசத்தெ ஜாகர்தெயாயிற்றெ இரிவா.

1 யோவானு 2:28

நன்ன மக்கள ஹாற உள்ளாக்களே! ஏசு ஹளிதா ஹாற தென்னெ நிங்க ஜீவிசிதுட்டிங்ஙி, ஏசு ஈ லோகாக திரிச்சு பொப்புதன எல்லாரும் காம்பா சமெயாளெ நிங்காக நாணப்படத்தில்லெ; தன்ன முந்தாக தைரெயாயிற்றெ நில்லக்கெ.

2 யோவானு 1:9

ஏனாக ஹளிங்ங கிறிஸ்து ஹளிகொட்டுதனகூடெ பேறெ கொறே காரெயுங்கூடி கூட்டி கீவாக்க லோகாளெ இத்தீரெ; கிறிஸ்து ஹளிதனல்லாதெ அந்த்தெ கூட்டிகீவா ஒப்பனகூடெயும் தெய்வ உட்டாக; எந்நங்ங கிறிஸ்து ஹளிகொட்டா காரெத மாத்தற கீவாக்க ஏறோ ஆக்களகூடெ கிறிஸ்தும், தன்ன அப்பனும் இத்தீரெ.