1 திமோத்தி 4:14 - Moundadan Chetty

¹⁴ சபெயாளெ உள்ளா மூப்பம்மாரு நின்ன தெலேமேலெ கையிபீத்து பிரார்த்தனெ கீவதாப்பங்ங, தெய்வ ஹளிட்டு பரிசுத்த ஆல்ப்மாவு நின்ன ஒளெயெ தந்தா வரங்ஙளு உட்டல்லோ? ஆ வரங்ஙளா பற்றி நீ நிசாரமாயிற்றெ பிஜாருசாதெ.

1 திமோத்தி 4:14 Iomraidhean Croise

அப்போஸ்தலம்மாரு 11:30

அந்த்தெ ஆக்க ஹணசேகரிசிட்டு, பர்னபாசு, பவுலு ஹளாக்கள கையிகொட்டு, எருசலேமாளெ இப்பா சபெ மூப்பம்மாராகையி ஏல்சிரு.

அப்போஸ்தலம்மாரு 13:3

அதுகேட்டா ஆக்க எல்லாரும், கொறச்சுஜினகூடி நோம்பு இத்து, ஆக்கள இப்புறினமேலெ கைபீத்து பிரார்த்தனெ கீதட்டு, தெய்வகெலசாகபேக்காயி பிரிச்சு ஹளாய்ச்சுரு.

அப்போஸ்தலம்மாரு 19:6

எந்தட்டு பவுலு, ஆக்கள தெலேமேலெ கையிபீப்பதாப்பங்ங, ஆக்களமேலெ பரிசுத்த ஆல்ப்மாவு பந்துத்து; ஆக்க எல்லாரும் அன்னிய பாஷெயாளெ கூட்டகூடி பொளிச்சப்பாடு ஹளிரு.

அப்போஸ்தலம்மாரு 22:5

தொட்டபூஜாரிமாரும், யூத சங்கக்காரு எல்லாரும் இதங்ங சாட்ச்சி ஆப்புது; நா ஈக்கள கையிந்த கத்து பொடிசிண்டு, தமஸ்கு பட்டணதாளெ இப்பா யூத மூப்பம்மாராகையி கொட்டட்டு, ஏசின நம்பா ஆள்க்காறா ஹிடுத்துகெட்டி, எருசலேமிக கொண்டு ஹோயி சிட்ச்சிசத்தெபேக்காயி அல்லிக ஹோதிங்.

அப்போஸ்தலம்மாரு 6:6

எந்தட்டு ஆக்கள, அப்போஸ்தலம்மாரா முந்தாக நிருத்திரு; அப்போஸ்தலம்மாரு ஆக்களமேலெ கைபீத்து பிரார்த்தனெ கீதுரு.

1 தெசலோனி 5:19

நிங்கள ஜீவிதாளெ சம்போசத்துள்ளா காரெபற்றி தெய்வ வஜனத படிப்பங்ஙோ, அல்லிங்ஙி பொளிச்சப்பாடிமாரா கொண்டோ, பரிசுத்த ஆல்ப்மாவினகொண்டோ தெய்வ நிங்களகூடெ கூட்டகூடா வாக்கின நிசாரமாயிற்றெ பிஜாருசுவாட; அந்த்தெ நிங்கள ஜீவிதாளெ செரிமாடத்துள்ளுது ஏன, புட்டுடத்துள்ளுது ஏன ஹளி ஒக்க மனசிலுமாடிட்டு, செரியாயிற்றெ உள்ளுதன ஒறெச்சு ஹிடுத்தணிவா.

1 திமோத்தி 1:18

திமோத்தி, நன்ன மங்ஙா! நின்னபற்றி முன்கூட்டி ஹளிப்பா வாக்கிக ஒத்து பொப்பா ஹாற தென்னெ, நானும் நின்னகூடெ ஈ காரியங்ஙளொக்க ஹளுதாப்புது; ஒள்ளெவர்த்தமானாக பேக்காயிற்றுள்ளா யுத்தகீவத்தெ, ஈ வாக்கு நினங்ங ஒந்து ஆயுதமாயிற்றெ இறட்டெ.

1 திமோத்தி 4:15

நீ ஈ காரெ ஒக்க வளரெ சிர்தெயோடெயும் சமர்ப்பணத்தோடும் கீயி; அம்மங்ங நின்ன வளர்ச்செ எல்லாரிகும் கொத்துகிட்டுகு.

1 திமோத்தி 5:17

சபெ காரெ ஒக்க ஒயித்தாயி நோடி நெடத்தா மூப்பம்மாரா எருடு மடங்ஙு பெகுமானுசுக்கு; பிறித்தியேகிச்சு வஜன படிசி கொடுதனாளெயும், உபதேச கீவுதனாளெயும் ஒக்க கூடுதலு கஷ்டப்படா மூப்பம்மாரின ஒக்க எருடு மடங்ஙு பெகுமான கொட்டு நெடத்துக்கு.

1 திமோத்தி 5:19

சபெயாளெ மூப்பன பற்றி ஏரிங்ஙி ஒப்பாங் குற்ற ஹளித்துட்டிங்ஙி எருடு, மூறு ஆள்க்காறா சாட்ச்சி இல்லாதெ அவன குற்றக்காறங் ஹளி தீருமானிசத்தெ பாடில்லெ.

1 திமோத்தி 5:22

நீ அவசரப்பட்டு ஒப்பனும் தெய்வத கெலசாக நேமிசுவாட; நீ அந்த்தெ கீதங்ங அவங் கீவா குற்றாக நீனும் கூட்டாளி ஆப்பத்தெ வேண்டிபொக்கு; அதுகொண்டு நீ நின்ன தென்னெ தெற்று குற்ற இல்லாதெ காத்தாக.

1 திமோத்தி 6:12

ஒந்து பட்டாளக்காறங் யுத்தக்களந்த பின்மாறி ஹோகாதெ யுத்தகீவா ஹாற, நீ நின்ன தெய்வ நம்பிக்கெயாளெ ஒறச்சு நில்லு; எந்தெந்தும் சாயாதிப்பத்துள்ளா நித்திய ஜீவத காத்தாக; ஈ நித்திய ஜீவன தப்பத்தெ பேக்காயாப்புது தெய்வ நின்ன ஊதிப்புது; நீ பலரா முந்தாகும் ஏசின நம்பீனெ ஹளி சாட்ச்சி ஹளித்தெயல்லோ!

2 திமோத்தி 1:6

நா நின்னமேலெ கையிபீத்து பிரார்த்தனெ கீவதாப்பங்ங, நினங்ங கிட்டிதா தெய்வத வர உட்டல்லோ? நீ அதன பாளி கத்தா கிச்சின ஹாற ஒந்துகூடி ஒயித்தாயி உபயோகுசுக்கு ஹளி நா நினங்ங ஓர்மெபடுசுதாப்புது.