Mateo 5:6 - Anang Ambal Ang Dios – Bago Nga Katipan

⁶ Masoirti ang mga tao nga gosto gid magimo anang kabubutun ang Dios, ay boligan sanda ang Dios agud maimo nanda andang ginaandum nga dato.

Mateo 5:6 Iomraidhean Croise

Lucas 1:53

Gintawan na ang mayad nga mga butang ang mga pobri, Piro ang mga manggaranun tana ginpaalin na lang nga ara gid dara.

Lucas 6:21

Masoirti kamo nga gosto gid magimo anang kabubutun ang Dios, ay boligan na kamo agud maimo nindo indong ginaandum nga dan. Masoirti kamo nga nagapanangis, ay kamo lilipayun.”

Lucas 6:25

Kag kamo nga nagaparagosto dadi, kailo kamo ra, ay magaabot ang adlaw nga indi nindo ron maangkun indong ginaandum. Kag kamo nga nagakadlaw dadi, kailo kamo ra, ay magaabot ang adlaw nga magapangasubu kamo kag magapanangis.

Juan 4:14

Piro ang nagainum tana ang tobig nga akun itaw indi run gid pagwawon. Ay ang tobig nga akun itaw maging pario sa boi nga toboran dian kanana nga magataw kaboi nga ara kataposan.”

Juan 6:27

Piro indi kamo magpangabudlay para sa pagkaun nga nadodora ra lang, kondi magpangabudlay kamo para sa pagkaun nga indi madora asta kon sano. Ako nga Naging Tao maman ang magataw kanindo ang pagkaun nga dia ay ako anang gintawan ang Dios nga Amay ang awtoridad nga magtaw dia.”

Juan 7:37

Karon, nagabot ang kataposan nga adlaw ang pista. Maman dia ang pinakaimportanti nga adlaw ang pista para sa mga Judio. Ang adlaw nga dato nagtindug si Jesus kag nagambal mabaskug, makon na, “Ang bisan sino nga ginawaw magparapit kanakun kag maginum.

Apokalipsis 7:16

Indi sanda run gid paggutumun okon wawon. Kag indi sanda run da mainitan okon mapaso sa init ang adlaw.