Lucas 9:12 - Anang Ambal Ang Dios – Bago Nga Katipan

¹² Datong masasalup run ang adlaw, nagparapit kanana anang dosi ka apostolis. Makon nanda, “Paayana run ang mga tao sa mga bario kag sa mga sityo nga sa palibot agud makapangita sanda andang pagkaun kag karatorogan, ay digi kita paman sa logar nga ara tao.”

Lucas 9:12 Iomraidhean Croise

Mateo 14:13

Pagkabati dato ni Jesus, nagsakay tana sa sakayan kag nagayan sa logar nga ara tao. Piro pagkabati ang mga tao alin sa sari-sari nga mga banwa nga si Jesus nakaalin run, nagpanaw sanda paayan sa anang arayanan.

Mateo 15:23

Piro ara nagsapak si Jesus. Anang mga somolonod nagparapit kanana kag magkoon, “Paalina ang babai nga dan, way sigi anang sonod kanatun kag nagalingaw!”

Mateo 15:32

Gintawag ni Jesus anang mga somolonod kag magkoon kananda, “Nalooy ako sa mga tao nga dia, ay tatlo ron dia ka adlaw nga nagkaiban sanda kanakun kag ara sanda run may makaun. Indi ko gosto nga paoliun sanda nga ara kakaun ay basi kon doplayun sanda sa dalan.”

Lucas 9:11

Piro pagkasapo ang mga tao nga sanday Jesus nakaalin run, nagsonod sanda. Pagabot nanda kanday Jesus, ginbaton sanda ni Jesus kag ginsaysayan na parti sa anang pagari ang Dios. Kag ginpangayad na ang mga nagamarasakit.

Lucas 9:13

Piro makon ni Jesus, “Kamo mismo ang magtaw pagkaun kananda.” Makon nanda, “Lima lang gid ka bilog atun tinapay digi kag darwa ka bilog nga isda. Indi dia makaigo, loas kon magbakal kita pa pagkaun para kananda tanan.”

Juan 6:1

Pagkatapos dato, nagtabok roman si Jesus sa Dagat ang Galilea nga ginatawag ra nga Dagat ang Tiberias.

Filipos 1:19

ay naulaman ko nga paagi sa indong mga pangamoyo kag sa bolig anang Ispirito ni Jesu-Cristo malilibri ako digi.