Lucas 8:7 - Anang Ambal Ang Dios – Bago Nga Katipan

⁷ Ang iba nagtugpa sa logar nga nagatorobo ang mga ilamonon nga tunukun, kag dungan nga nagtobo sa mga ilamonon. Piro ang ori nalumus.

Lucas 8:7 Iomraidhean Croise

Mateo 13:22

Ang logar nga dorong tunukun nga mga ilamonon nga gintugpaan ang bini pario sa tao nga nakabati ra anang ambal ang Dios. Garing tungud sa mga paralibugan sa pangaboi kag andum nga magmanggad nalilipatan na anang ambal ang Dios nga anang nabatian kag ara napolosi.

Mateo 13:7

Ang iba pa gid nga bini nagtugpa sa logar nga dorong ilamonon nga tunukun. Gani pagrabong ang mga ilamonon nalumus ang ginpanggas.

Marcos 4:7

Ang ibang bini nagtugpa sa logar nga dorong ilamonon nga tunukun, kag pagrabong ang ilamonon nalumus ang tanum, gani ara nakapamonga.

Lucas 21:34

“Gani bantayan nindo indong kaogalingun nga indi kamo mawili sa pabasta-basta nga pagpangaboi, sa pagpalingin, kag sa pagpalibug sa indong pagpangaboi, ay basi kon golpi lang magabot ang adlaw nga dato nga ara kamo kapriparar, nga midyo sa nasiud kamo.

Lucas 8:14

Ang iba nga bini nagtugpa sa tunukun nga mga ilamonon. Maman dia ang mga tao nga nakabati, garing andang mga paralibugan kag andang mga manggad pati ang mga kalipayan sa kaboi nga dia maman ang nagaadlang kananda sa pagsonod sa anang kabubutun ang Dios para kananda.

Lucas 8:6

Ang iba tana nagtugpa sa kabatoan, piro pagtobo nalayung dayon ay masyado ka mara ang logta.

Lucas 8:8

Ang iba nagtugpa sa mayad nga logta, nagtorobo kag doro gid anang naging bonga.” Makon pa ni Jesus kananda, “Dapat intindiun nindo indong nabatian nga dia.”