Lucas 4:36 - Anang Ambal Ang Dios – Bago Nga Katipan

³⁶ Natingala nga mayad ang mga tao doto, kag makon nanda sa isara kag isara, “Ano kabay ang dian sa anang ambal ang tao nga dan? Ay may awtoridad tana kag gaum nga magmandar sa mga malain nga ispirito nga maggoa, kag nagatoman sanda.”

Lucas 4:36 Iomraidhean Croise

Mateo 9:33

Pagkatapos nga napagoa ni Jesus ang malain nga ispirito, nakaambal dayon ang apa. Natingala nga mayad ang mga tao. Makon nanda, “Alin pa ang ona ara kita may nakita nga pario dia sa bilog nga Israel.”

Marcos 1:27

Natingala nga mayad ang mga tao, gani makon nanda, “Ano kabay dia? Bago dia nga klasi nga mga pagpanodlo. Bisan ang mga malain nga ispirito ginamandaran na kag nagatoman kanana.”

Marcos 7:37

Natingala nga mayad ang mga tao. Makon nanda, “Bisan ano anang imoon, masadya. Bisan ang mga bungul napapabati na kag ang mga apa napapaambal na.”

Lucas 2:18

Natingala nga mayad ang tanan nga nakabati sa anang ginbarita ang mga manogbantay ang mga karniro.

Lucas 4:32

Natingala nga mayad ang mga tao sa anang mga panodlo tungud nga may awtoridad tana kon magambal.

1 Pedro 3:22

Si Jesu-Cristo dadi doto ron sa langit, sa too ang Dios, kag ginpaidalum kanana ang mga angil nga may awtoridad kag gaum.