Lucas 4:16 - Anang Ambal Ang Dios – Bago Nga Katipan

¹⁶ Nagayan dayon si Jesus sa Nazaret. Maman dia ang logar nga anang ginbaulan. Sono sa anang nakaogalian, pagabot ang Adlaw nga Inogpaway, nagayan tana sa anang simbaan ang mga Judio. Nagtindug tana agud magbasa sa Kasolatan.

Lucas 4:16 Iomraidhean Croise

Mateo 2:23

Kag doto sanda nagoli sa banwa ang Nazaret. Gani natoman anang ginkoon ang mga propita ang ona nga tatawagun tana nga Nazareno.

Lucas 2:39

Pagkatapos nga natoman nanday Jose kag Maria ang tanan nga ginapaimo anang Kasogoan ang Ginoo, nagoli sanda sa andang banwa sa Nazaret sa Galilea.

Lucas 2:42

Kag ang si Jesus dosi run ka toig nagpamista sanda ra pario andang nakaogalian.

Lucas 2:51

Kag nagtabid run da lang si Jesus sa anang mga ginikanan paoli sa Nazaret, kag naging matinomanun tana nga bata. Dia tanan nga mga butang gintipigan ni Maria sa anang tagiposoon.

Lucas 4:15

Nagtodlo tana sa anang mga simbaan ang mga Judio kag gindayaw tana ang tanan.

Lucas 4:17

Gintaw nanda kanana anang solat ni propita Isaias. Ginbokasan na kag pagkakita na anang ginapangita ginbasa na dayon ang nakasolat nga nagakoon;

Lucas 4:21

Makon na, “Ang Kasolatan nga dia nga indong nabatian natoman run dadi.”

Lucas 4:23

Makon ni Jesus kananda, “Sigorado gid nga sambitun nindo kanakun ang orobatun nga nagakoon, ‘Ikaw nga manogbolong, bolonga anay imong kaogalingun.’ Indong gostong ambalun nga ang mga butang nga indong nabatian nga akun ginpangimo sa banwa ang Capernaum dapat imoon ko ra digi mismo sa akun logar.

Juan 18:20

Makon ni Jesus kanana, “Bukun sa sikrito akun ginatodlo sa mga tao. Ay nagpanodlo ako mismo sa mga simbaan kag sa timplo nga ginatiriponan ang tanan nga mga Judio. Ara ako may gintodlo sa sikrito.

Mga Binoatan 17:2

Kag pario anang ginaimo pirmi ni Pablo, nagsulud tana sa andang simbaan kag sa sulud tatlo ka Adlaw nga Inogpaway nagpakigdiskosyon tana sa mga tao doto. Ang Kasolatan maman anang ginamit