Lucas 3:19 - Anang Ambal Ang Dios – Bago Nga Katipan

¹⁹ Bisan pa gani si Herodes nga manogdomara sa Galilea ginsaway na tungud nga ginapanginbabai na anang bayaw nga si Herodias kag sa doro pa gid nga anang malain nga mga inimoan.

Lucas 3:19 Iomraidhean Croise

Mateo 11:2

Pagkabati ni Juan nga manogbunyag doto sa prisoan parti sa anang mga ginimo ni Jesus, ginpaayan na kay Jesus anang mga somolonod para magpamangkot.

Mateo 14:1

Ang mga adlaw nga dato si Herodes nga manogdomara ang Galilea nakabati parti kay Jesus.

Mateo 14:6

Pagabot anang birthday ni Herodes, ang daraga nga bata ni Herodias, nagsaot para sa mga bisita nga nagtambong doto kag nalipay gid nga mayad si Herodes.

Lucas 3:1

Pagkalubas ang pira ka toig, may ginambal ang Dios kay Juan nga bata ni Zacarias doto sa logar nga ara tao. Dia natabo sa ika-15 ka toig anang pagdomara ni Tiberio bilang Impirador ang Roma. Sa tyimpo ra nga dato si Poncio Pilato ang gobirnador sa probinsya ang Judea, kag si Herodes ang manogdomara sa Galilea. Si Felipe tana nga kabogto ni Herodes maman ang manogdomara sa mga probinsya ang Iturea kag Traconite; kag si Lisanias maman ang sa probinsya ang Abilinia. Si Anas kag si Caifas ang mga pinakamataas nga pari.

Lucas 3:18

Mintras ginatodlo ni Juan ang Mayad nga Barita sa mga tao ginasugyut na sanda ra nga tomanun nanda ang mga butang nga anang ginatodlo kananda.