Lucas 24:41 - Anang Ambal Ang Dios – Bago Nga Katipan

⁴¹ Sa andang kalipay kag katingala midyo sa indi sanda pa gid makapati sa andang nakikita. Gani nagpamangkot si Jesus kananda, makon na, “May pagkaun kamo digi?”

Lucas 24:41 Iomraidhean Croise

Marcos 16:11

Garing ara sanda nagpati sa anang sogid nga si Jesus boi kag nagpakita kanana.

Marcos 16:13

Gani nagbalik sa Jerusalem anang darwa ka somolonod kag ginsogidan nanda andang mga kaiban nga si Jesus nagpakita kananda, piro ara sanda ra nagpati.

Marcos 16:14

Ang ori nagpakita ruman si Jesus sa onsi ka somolonod mismo mintras nagakaraun sanda. Ginsabdung na sanda tungud nga ara sanda pagtoo kag tungud sa katugas andang mga tagiposoon, ay ara sanda nagpati sa anang sogid ang mga nakakita kanana pagkatapos nga tana nabanaw.

Marcos 8:7

May pira sanda ra ka bilog nga isda nga mairintuk. Gani ginpasalamatan na ra dato kag gintaw sa anang mga somolonod agud ipanagtag ra sa mga tao.

Lucas 24:11

Piro ara sanda nagpati ay andang pagsarig, oroistoria lang dato ang mga babai.

Lucas 24:40

[Kag pagkaambal na dia, ginpakita na kananda anang mga alima kag mga siki.]

Lucas 24:42

Gintawan nanda tana sangka gurut nga linugub nga isda.

Juan 16:22

Kamo toladan ra. Dadi nagapaborido kamo, piro pagkirita ta ruman malilipay kamo nga mayad. Kag ara gid may makabuul indong kalipay nga dan.

Juan 21:5

Makon ni Jesus kananda, “Ta may nabuul kamo?” Makon nanda, “Ara gid.”

Mga Binoatan 12:14

Nakilala na anang limug ni Pedro kag sa anang kalipay sa baylo nga abrian na ang pwertaan, domalagan tana pasulud agud sogidan anang mga kaiban nga si Pedro doto sa goa.