Lucas 23:35 - Anang Ambal Ang Dios – Bago Nga Katipan

³⁵ Ang mga tao nagatirindug doto nga nagasulung. Anang mga manogdomara tana ang mga Judio nagyagota kanana; makon nanda, “Ginlowas na ang iba, kondi lowasun na ra anang kaogalingun kon tana manda ang Cristo nga anang pinili ang Dios.”

Lucas 23:35 Iomraidhean Croise

Mateo 12:18

“Maman dia akun ginpili nga sorogoon. Palangga ko tana kag nalilipay ako nga mayad kanana. Paagobayan ko tana sa akun Ispirito. Kag pasanagan na ang mga tao sa tanan nga logar ang parti sa katarungan.

Mateo 3:17

Kag may nabatian tana dayon nga limug alin sa langit nga nagakoon, “Maman dia akun pinalangga nga Bata. Nalilipay ako nga mayad kanana.”

Lucas 16:14

Pagkabati dato ang mga Pariseo ginyagota nanda si Jesus ay masyado sanda kadalok sa koarta.

Lucas 23:13

Ginpatawag ni Pilato ang mga manogdomara nga pari kag ang mga manogdomara ang banwa pati ang mga tao mismo.

Lucas 23:39

Ang isara sa mga kriminal nga nakalansang sa kros nagpasipala ra kay Jesus. Makon na, “Indi bala nga ikaw ang Cristo? Ta lowasa run imong kaogalingun kag pati kami!”

1 Pedro 2:4

Magparapit kamo sa Ginoo nga nagataw kaboi nga ara kataposan. Tana ang pinakabato nga ara pagbatona ang mga tao ay ara kono kointa, piro tana gali anang ginpili ang Dios kag maraalun sa anang panulung.