Lucas 22:56 - Anang Ambal Ang Dios – Bago Nga Katipan

⁵⁶ May sangka sorogoon nga babai nga nakakita kay Pedro nga nagapongko doto sa may dapong. Ginsulung na nga mayad si Pedro, kag makon na dayon, “Ang tao nga dia anang kaiban ra ang tao nga dato nga si Jesus.”

Lucas 22:56 Iomraidhean Croise

Mateo 26:69

Si Pedro tana doto pa ra gid sa lagwirta nagapongko. Karon, may nagparapit kanana nga sorogoon nga babai ang pinakamataas nga pari. Makon na, “Kabay kaiban kaw ni Jesus nga taga-Galilea?”

Marcos 14:17

Pagkasirum, nagabot si Jesus kag anang dosi ka somolonod.

Marcos 14:6

Piro makon ni Jesus kananda, “Basi ginatoblag nindo tana? Pabayani nindo lang. Mayad anang ginimo nga dia kanakun.

Marcos 8:25

Gani gintongtong roman ni Jesus anang alima sa anang mga mata ang bolag. Pagkatapos nagpanulung-sulung nga mayad ang bolag nga dato kag nagayad anang mga mata, kag masanag run anang panulung sa tanan nga butang.

Lucas 22:55

Doto sa tunga ang lagwirta nagadabok kalayo ang mga tao kag nagaporongko sa marapit agud magpainit-init. Si Pedro nagparapit ra doto kananda kag nagpongko.

Lucas 22:57

Garing nagpanginwara si Pedro, makon na, “Ara ako kakilala kanana.”

Juan 18:17

Makon ang babai nga dato kay Pedro, “Indi bala nga ikaw isara ra sa anang mga somolonod ang tao nga dato?” Makon ni Pedro kanana, “Bukun.”