Lucas 2:51 - Anang Ambal Ang Dios – Bago Nga Katipan

⁵¹ Kag nagtabid run da lang si Jesus sa anang mga ginikanan paoli sa Nazaret, kag naging matinomanun tana nga bata. Dia tanan nga mga butang gintipigan ni Maria sa anang tagiposoon.

Lucas 2:51 Iomraidhean Croise

Mateo 12:46

Mintras nagaambal pa si Jesus, nagabot anang nanay kag anang mga kabogto. Doto sanda sa goa nagaulat ay may inogambal sanda kanana.

Mateo 3:15

Piro makon ni Jesus kanana, “Sigi lang, tungud nga maman dia ang dapat ta nga imoon agud matoman anang gosto ang Dios.” Gani nagpasogot si Juan kag ginbunyagan na si Jesus.

Marcos 1:9

Sa mga tyimpo nga dato nagabot doto si Jesus alin sa Nazaret nga sakup ang probinsya ang Galilea, kag nagpabunyag tana kay Juan sa soba ang Jordan.

Marcos 6:3

Kabay maman dia ang panday nga bata ni Maria kag anang mga kabogto si Santiago, si Jose, si Judas kag si Simon. Kag anang mga kabogto nga babai digi ra nagaoli.” Gani indi sanda magpati kanana.

Lucas 18:37

Ginsogidan nanda tana nga si Jesus nga taga-Nazaret nagaagi.

Lucas 2:19

Gintipigan ni Maria ang mga butang nga dia sa anang tagiposoon kag ginaisip na pirmi.

Lucas 2:39

Pagkatapos nga natoman nanday Jose kag Maria ang tanan nga ginapaimo anang Kasogoan ang Ginoo, nagoli sanda sa andang banwa sa Nazaret sa Galilea.

Lucas 4:16

Nagayan dayon si Jesus sa Nazaret. Maman dia ang logar nga anang ginbaulan. Sono sa anang nakaogalian, pagabot ang Adlaw nga Inogpaway, nagayan tana sa anang simbaan ang mga Judio. Nagtindug tana agud magbasa sa Kasolatan.

Lucas 4:23

Makon ni Jesus kananda, “Sigorado gid nga sambitun nindo kanakun ang orobatun nga nagakoon, ‘Ikaw nga manogbolong, bolonga anay imong kaogalingun.’ Indong gostong ambalun nga ang mga butang nga indong nabatian nga akun ginpangimo sa banwa ang Capernaum dapat imoon ko ra digi mismo sa akun logar.

Efeso 5:21

Magpasakup kamo sa isara kag isara tungud sa indong pagtaod kay Cristo.

1 Pedro 2:21

Anang pagantos ni Cristo para kanatun naging alimbawa nga dapat ta sonodon. Kag maman dia ang katoyoan kon basi gintawag kita, agud sonodon ta anang kaboi ni Cristo.