Lucas 19:5 - Anang Ambal Ang Dios – Bago Nga Katipan

⁵ Pagabot ni Jesus doto sa anang tungud nagtangra tana kag nagambal kay Zaqueo, makon na, “Zaqueo, pagdali-dali losong ay dadi dapat doto ako madayon sa indong balay.”

Lucas 19:5 Iomraidhean Croise

Lucas 19:10

Ay Ako nga Naging Tao nagayan digi sa kalibotan agud pangitaun kag lowasun ang tanan nga nagtalang sa matood nga dalan.”

Lucas 19:2

may tao doto nga manggaranun nga anang aran si Zaqueo. Tana anang manogdomara ang mga manogsokot ang bois.

Lucas 19:4

Gani anang ginimo, nagdalagan tana sa onaan kag nagsaka dayon sa kaoy nga sikomoro agud makita na si Jesus, ay doto tana gid maagi sa dalan nga dato.

Lucas 19:6

Gani nagdali-dali losong si Zaqueo, kag ginbaton na si Jesus nga malipayun gid.

Juan 1:48

Makon dayon ni Natanael kanana, “Basi kilala mo ako?” Makon da ni Jesus, “Bago kaw daraun digi ni Felipe, nakita ta kaw ron doto sa idalum ang kaoy nga igira.”

Juan 14:23

Makon ni Jesus kanana, “Ang nagaigogma kanakun magatoman akun mga ginatodlo; akun Tatay magapalangga kanana, kag kami magaistar dian kanana mismo.

2 Corinto 6:1

Tungud nga kami mga kabolig sa anang ginaimo ang Dios, nagapakitloy kami gid kanindo nga indi nindo pagsayangun ang kalooy nga indong nabaton kanana.

Efeso 3:17

agud si Cristo magaoli sa indong tagiposoon tungud sa indong pagtoo. Ginapangamoyo ko ra nga magpanggamot kamo kag magbakud sa anang gogma ang Dios,

Hebreo 13:2

Indi kamo malipat nga batonon ang mga taga-ibang logar sa indong balay. May mga tao ang ona nga nagimo dan, kag ara sanda kaulam nga dato gali andang mga bisita mga angil nga alin sa Dios.

Apokalipsis 3:20

Gosto ko nga maging kaiban kamo, gani dagi ako sa indong pwertaan nagapanoktok. Kon may makabati akun panawag kag pasuludun ako sa anang balay, masulud ako, kag masaro kami dayon nga darwa.