Lucas 14:11 - Anang Ambal Ang Dios – Bago Nga Katipan

¹¹ Ay ang bisan sino nga nagapataas-taas anang kaogalingun ibubutang sa ubus, piro ang nagapaubus tana pataasun ang Dios.”

Lucas 14:11 Iomraidhean Croise

Mateo 23:12

Ang nagapataas-taas anang kaogalingun ipaubus ang Dios. Piro ang nagapaubus tana maman anang ipataas ang Dios.”

Lucas 1:51

Ginpakita na nga tana gamanan paagi sa anang mga inimoan. Gintabog na ang mga tao nga mataas andang pabutang sa andang kaogalingun.

Lucas 1:52

Ginpaalin na ang mga gamanan nga mga ari sa andang trono. Kag ginpataas na ang mga kubus andang kaimtangan.

Lucas 14:12

Makon na ra sa tao nga nagimbitar kanana, “Kon magimbitar kaw ang mga tao nga magigma okon magyapon kanindo, indi basta lang imong mga amigo okon imong mga kabogto okon imong mga paryinti okon imong mga kamalay nga manggaranun imong imbitarun, ay basi kon imbitarun ka nanda ra. Kon toladan ang matabo nabaton mo ron imong balus.

Lucas 18:14

Sa matood tana, ang tao nga dia nagoli sa anang balay nga ginabilang run ang Dios nga matarung. Ang isara tana ara. Ay ang bisan sino nga nagapataas sa anang kaogalingun ipaubus ang Dios, piro ang nagapaubus tana anang kaogalingun pataasun.”

Santiago 1:9

Ang mga kabogto kay Cristo nga pobri dapat magkalipay sa anang pagpataas ang Dios kananda bilang anang mga bata.

Santiago 4:10

Magpaubus kamo sa Ginoo, kag dan pataasun na kamo.

Santiago 4:6

Bukun lang dan, kondi ginakaloyan na kita nga mayad. Maman dan nga nagakoon ang Kasolatan nga “Ginakontra ang Dios ang adakun, kag ginakaloyan na ang mga mapainubusun.”

1 Pedro 5:5

Kag kamo nga mga bataun pa, magpasakup kamo sa mga malam. Magpaubus kamo tanan kag magsirbi sa isara kag isara, ay nagakoon ang Kasolatan, “Ginakontra ang Dios ang bogalun piro ginakaloyan na ang mapainubusun.”

1 Pedro 5:6

Gani magpasakup kamo sa anang gaum ang Dios, kag magaabot ang adlaw nga padungugan na kamo.