Lucas 1:76 - Anang Ambal Ang Dios – Bago Nga Katipan

⁷⁶ Pagkatapos dato nagambal dayon si Zacarias sa anang bata, makon na, “Ikaw tana, Juan, tatawagun nga anang propita ang Dios, ang Dios nga labaw sa tanan; Ay magaona kaw sa Ginoo agud sogidan mo ang mga tao nga magpriparar sanda para sa anang pagabot.

Lucas 1:76 Iomraidhean Croise

Mateo 14:5

Ipapatay andan ni Herodes si Juan, garing naadlukan tana ra sa mga Judio tungud nga ginakabig nanda si Juan nga propita.

Mateo 21:26

Kag kon magkoon kita ra nga ‘Alin sa tao,’ dilikado kita ra sa mga tao ay nagapati sanda nga si Juan anang propita ang Dios.”

Mateo 3:11

“Kamo ginabunyagan ko sa tobig bilang pagpakilala nga kamo nagainulsul run sa indong mga sala, piro ang masonod kanakun mas gamanan pa kanakun kag bisan maging anang sorogoon indi ako pa gani poidi. Tana magabunyag kanindo sa Ispirito Santo kag kon indi, sa kalayo.

Mateo 3:3

Si Juan gid anang ginakoon ni propita Isaias ang magkoon tana nga, “May nagasinggit sa logar nga ara ginaolii ang tao, makon na, ‘Ipriparar nindo anang aragian ang Ginoo, Tadlunga nindo ang dalan ay madali tana run lang magabot.’ ”

Marcos 11:32

Piro kon magkoon kita nga ‘Alin sa tao,’ masisilag kanatun ang mga tao.” (Naadlukan sanda sa mga tao ay nagpati sanda nga si Juan anang propita ang Dios.)

Lucas 1:32

Maging bantog tana kag kikilalaun nga anang Bata ang Dios nga labaw sa tanan. Kanana ipasobli ang Ginoong Dios ang ginarian anang kaolang-olangan nga si David.

Lucas 1:35

Nagsabat ang angil, makon na, “Ang Ispirito Santo magakunsad kanimo, kag magalikup dayon kanimo anang gaum ang Dios nga labaw sa tanan. Maman dan nga diosnon ang bata nga imong ibata kag tawagun nga anang Bata ang Dios.

Lucas 6:35

Toladia tana indong imoon: Igogmaa nindo indong kaaway kag imoan nindo sanda ang mayad. Kag kon maguram sanda kanindo, pauramun nindo nga ara run nagapaabot anang bayad. Kon toladia indong imoon, mabaul indong balus nga mababaton kag maging anang mga bata kamo ang Dios nga Makagagaum sa tanan. Ay tana mayad bisan sa mga tao nga malain kag ara kabaraslan.

Juan 1:23

Makon ni Juan, “Ako ang tao nga gintagna ni Isaias nga propita. Kabay makon na, ‘May magawali sa mga tao sa logar nga ara ginaolii ang tao, kag anang wali maman dia: Ipriparar nindo ang dalan ay maabot ang Ginoo!’ ”

Juan 1:27

Matood nga naori tana kanakun magabot, piro bisan maging anang sorogoon lang indi ako pa poidi.”

Juan 3:28

Kamo mismo makapamatood nga ako nagkoon nga bukun ako ang Cristo, kondi ginpaona ako lang ang Dios para magbarita nga tana magaabot ron.

Mga Binoatan 16:17

Karon nagsari run sonod-sonod kanamun ni Pablo ang babai nga dato, kag sigi anang singgit, makon na, “Dia nga mga tao anang mga sorogoon ang Dios nga Makagagaum! Ginawali nanda kanindo kon paiwan kamo malowas!”