Lucas 1:33 - Anang Ambal Ang Dios – Bago Nga Katipan

³³ Magaari tana sa anang mga kaapo-apoan ni Jacob asta kon sano; anang ginarian magapadayon nga ara kataposan.”

Lucas 1:33 Iomraidhean Croise

Mateo 1:1

Maman dia anang ginalinan ni Jesu-Cristo. Si Jesu-Cristo nga dia anang kaapo-apoan ni David kag si David isara sa anang mga kaapo-apoan ni Abraham.

Mateo 28:18

Nagparapit si Jesus kananda kag magkoon, makon na, “Ang tanan nga gaum sa langit kag sa logta gintaw kanakun.

Lucas 1:34

Makon ni Maria sa angil, “Ta paiwan dia ay ako ara pa asawa?”

Roma 9:6

Piro bisan ara nanda napolosi ang mga pribilio nga dia, dia ara nagakaologan nga ara pagtomana ang Dios anang ambal, tungud nga ara pagpilia ang Dios ang tanan nga Israelita.

Galacia 3:29

Kag tungud nga kamo ana run ni Cristo, kabilang kamo ron da sa anang lai ni Abraham, kag kon ano anang ginpangako ang Dios kay Abraham mababaton nindo.

Galacia 6:16

Kabay pa nga ang tanan nga mga tao nga ginpili ang Dios kag nagasonod sa akun ginatodlo nga dia bindisyonan na kag tawan mayad nga pagkaboi.

Filipos 3:3

Piro kita tana maman ang may matood nga tanda nga mga somolonod kita ang Dios, tungud nga nagasimba kita kanana paagi sa bolig anang Ispirito kag nagakalipay kita sa atun rilasyon kay Cristo Jesus. Ara kita nagasarig sa mga sirimonya okon sa atun mga ginaimo agud malowas kita.

Hebreo 1:8

Piro kon parti tana sa anang Bata, makon na, “Imong ginarian, O Dios, ara gid kataposan, Kag matarung imong pagdomara sa imong ginarian.

Apokalipsis 11:15

Ang ikapito nga angil nagpatonog anang trompita, kag may mabaskug nga mga limug sa langit nga nagakoon, “Dadi atun Ginoo kag anang pinili nga si Cristo maman run ang magaari sa kalibotan. Kag anang pagari ara kataposan!”