Lucas 1:17 - Anang Ambal Ang Dios – Bago Nga Katipan

¹⁷ Maoona tana sa Ginoo agud ipriparar na ang mga tao para sa anang pagabot ang Ginoo. Itaw kanana ang Dios ang Ispirito kag ang gaum nga pario ang sa kay Elias ang ona. Pabalikun na anang mayad nga buut ang mga ginikanan sa andang mga bata, kag ang mga tao nga ara nagatoman sa Dios ana ra nga pabalikun sa matarung nga pagisip.”

Lucas 1:17 Iomraidhean Croise

Mateo 11:14

Kag kon patiun nindo andang mga ginakoon, si Juan ara iba kondi si Elias nga gintagna nga magaabot.

Mateo 3:3

Si Juan gid anang ginakoon ni propita Isaias ang magkoon tana nga, “May nagasinggit sa logar nga ara ginaolii ang tao, makon na, ‘Ipriparar nindo anang aragian ang Ginoo, Tadlunga nindo ang dalan ay madali tana run lang magabot.’ ”

Mateo 3:4

Si Juan nga dia, anang lambong bolbol ang kamilyo nga ginabul kag anang akus panit. Anang pagkaun apan kag dugus.

Lucas 1:16

Kag paagi sa anang mga panodlo doro anang mga kaapo-apoan ni Israel anang pabalikun sa Ginoo nga andang Dios.

Lucas 1:76

Pagkatapos dato nagambal dayon si Zacarias sa anang bata, makon na, “Ikaw tana, Juan, tatawagun nga anang propita ang Dios, ang Dios nga labaw sa tanan; Ay magaona kaw sa Ginoo agud sogidan mo ang mga tao nga magpriparar sanda para sa anang pagabot.

Juan 1:13

Naging mga bata sanda ang Dios bukun paagi sa lawasnun nga pagkabata okon pagbuut ang tao, kondi paagi sa anang pagbuut ang Dios.

Juan 1:34

Kag dia nakita ko gid. Gani ginapamatodan ko nga tana maman anang Bata ang Dios.”

Juan 3:28

Kamo mismo makapamatood nga ako nagkoon nga bukun ako ang Cristo, kondi ginpaona ako lang ang Dios para magbarita nga tana magaabot ron.

Mga Binoatan 10:33

Gani ginpasogoan ta kaw nga lagi, kag salamat ay nagabot ka ra. Ta, digi kami tanan sa prisinsya ang Dios agud pamatian kon ano anang ginsogo ang Dios kanimo nga isogid kanamun.”

Roma 9:23

Ginaimo na dia tungud nga gosto na ra nga ipakita kon pira kabaul anang kaayad sa mga tao nga anang ginabindisyonan, nga anang ginpriparar alin ang ona pa nga lagi para padungugan.

Colosas 1:12

Kag makapasalamat kamo sa Amay tungud nga ginimo na kamo nga bagay magbaton anang itataw sa anang mga bata nga nasanagan run.

2 Timoteo 2:21

Ang bisan sino nga nagaparayu sa malain maman ang mabibilang sa mga garamitun nga maraalun nga ginpabulag para gamitun kag pakinabangan ang Ginoo, kag sarang na nga gamitun para sa kaarayadan sa bisan anong oras.

1 Pedro 2:9

Piro kamo tana pinili nga mga tao, anang mga pinakapari ang Ari. Anang mga sinakupan kamo ang Dios. Kag ginpili na kamo agud ipamarita nindo anang mga inimoan nga makatiringala. Tana ang nagtawag kanindo alin sa kaboi nga madulum kag gindara na kamo sa anang makatiringala nga kasanag.

1 Juan 2:28

Mga bata, magpabilin kita kanana, agud indi kita pagadlukan okon magpantago sa kauya kon magabot tana run.

Apokalipsis 20:4

May nakita ako dayon nga mga trono. Ang mga nagaporongko sa mga trono nga dato gintawan awtoridad nga magukum. Kag nakita ko ra anang mga kalag ang mga tao nga ginpangotodan andang olo tungud sa andang pagpanodlo anang gintodlo ni Jesus kag anang ambal ang Dios. Dia sanda ara nagsimba sa sapat okon sa anang ribolto. Ara sanda ra nagpamarka anang marka ang sapat sa andang dai okon sa andang alima. Ginpangbanaw sanda, kag ginpadomara kaiban ni Cristo sa sulud 1,000 ka toig.