Juan 8:43 - Anang Ambal Ang Dios – Bago Nga Katipan

⁴³ Indi nindo maintindian akun mga ginaambal tungud nga indi nindo pagbatonon akun ginatodlo kanindo.

Juan 8:43 Iomraidhean Croise

Mateo 13:15

Tungud nga nagturugas anang olo ang mga tao nga dia, kag indi magpati. Gintabonan nanda andang mga talinga, Kag ginpuyung nanda andang mga mata. Ay sabun makakita sanda kag makabati, Kag maintindian kag magliso dayon kanakun, Kag ayadun ko sanda.’

Juan 5:25

Sa panulung ang Dios ang tanan nga mga tao patay tungud sa andang mga sala. Piro sa matood tana, magaabot ang tyimpo, kag nagabot ron gani, nga ang mga tao nga dia nga patay sa anang panulung ang Dios makakabati anang mga ginasaysay anang Bata ang Dios, kag ang magbaton anang ambal tawan kaboi nga ara kataposan.

Juan 5:43

Ako nagayan digi nga may awtoridad alin sa Amay, garing indi kamo magbaton kanakun. Piro kon may iba nga magabot nga nagagamit anang kaogalingun nga awtoridad, maman indong batonon.

Juan 6:60

Doro sa anang mga somolonod ang nakabati sa anang gintodlo nga dato kag makon nanda, “Ang kaibara anang mga ginatodlo nga dan. Sino ra ang makabaton dan?”

Juan 7:17

Ang bisan sino nga gosto magtoman anang kabubutun ang Dios makaulam kon akun ginatodlo nga dia alin sa Dios okon kanakun lang.

Juan 8:27

Ara sanda kasatum nga ang nagpadara kanana nga anang ginakoon ay ang Amay mismo.

Juan 8:33

Makon nanda kanana, “Anang mga kaliwat kami ni Abraham, kag ara pa gid may nakaoripun kanamun. Basi nakakoon kaw nga malilibri kami?”

Juan 8:39

Makon nanda kay Jesus, “Amun tatay gid nga ginalinan si Abraham.” Makon ni Jesus, “Kon kamo anang mga kaliwat ni Abraham, andan ginaimo nindo ang mayad pario anang mga ginimo.

Mga Binoatan 7:51

Pagkatapos makon ni Esteban sa mga tao doto sa konsilyo, “Maturugas indong mga olo! Nagapabungul kamo sa anang minsai ang Dios ay indi nindo gosto nga magtoman sa anang mga ginakoon kanindo. Pirmi nindo nga ginakontra ang Ispirito Santo. Pario kamo gid sa indong mga kaolang-olangan.

Roma 3:11

Ara bisan sino nga osto anang pagkaintindi sa Dios, kag ara may nagaimorat nga magkilala kanana.