Juan 5:7 - Anang Ambal Ang Dios – Bago Nga Katipan

⁷ Makon da ang masakitun nga dato, “Andan, piro ara tao nga magdara kanakun sa tobig kon ginalawgaw ron ang angil. Mintras nagapaayan ako pa lang sa tobig may naoona pirmi kanakun.”

Juan 5:7 Iomraidhean Croise

Juan 5:2

Doto sa padir nga nagalibot sa siodad ang Jerusalem may pwertaan nga aragian ang mga karniro. Kag marapit sa pwertaan nga dato may tobig nga pararigosan nga kon sa Hebreo nga ambal ginatawag nanda nga Betsata. Sa palibot ang tobig nga dato may lima ka parasirongan.

Juan 5:3

Doto sa mga parasirongan nga dato dorong mga tao nga nagamarasakit ang nagairingga — mga bolag, mga piang, kag mga paralitiko. [Nagaulat sanda nga lawgawon ang tobig,

Juan 5:4

ay kaisan may angil ang Dios nga nagalosong doto kag ginalawgaw na ang tobig. Ang makaona losong sa tobig pagkatapos nga lawgawon ang angil nagaayad bisan ano anang masakit.]

Juan 5:6

Ang tao nga dato nakita ni Jesus nga nagaingga doto, kag ulam na nga anang masakit toladato ron boay. Gani makon ni Jesus kanana, “Gosto mo bala nga magayad?”

Roma 5:6

Isipa nindo bala anang gogma ang Dios kanatun. Ang kita ara gid sarang maimo agud makalibri sa silot, si Cristo napatay para kanatun nga mga makasasala sa oras nga ginpili ang Dios.

1 Corinto 9:24

Karon, sa atun pagsonod sa Ginoo pario kita sa mga manogdalagan. Kag sa mga karira, kabay doro ang nagaintra piro sakabilog lang ang nakakabaton ang primyo. Gani kayadun nindo indong pagdalagan agud makabaton kamo ang primyo.