Juan 2:10 - Anang Ambal Ang Dios – Bago Nga Katipan

¹⁰ Makon na kanana, “Kalabanan sa mga tao nagasirbi ang mayad nga klasi nga bino sa ompisa kag kon doro ron anang nainum ang mga bisita, bago nanda ginapainum ang ordinaryo nga bino. Piro ikaw tana iba, ay dadi mo ginpagoa ang pinakamanamit.”

Juan 2:10 Iomraidhean Croise

Mateo 24:49

gani maompisa tana run magpamintas sa anang kapario nga mga sorogoon kag magakaiban kaun kag inum sa mga manogpalingin.

Lucas 12:45

Piro kailo ra ang sorogoon nga kon paglarga anang agalun maisipan na nga maboay tana pa magbalik, gani ompisaan na run pamintas anang kapario nga mga sorogoon, lalaki kag babai, kag ara tana run iba nga ginaimo kondi ang magpagosto kaun, inum kag palingin.

Lucas 16:25

Piro ginsabat tana ni Abraham, ‘Kabay ang boi ka pa mayad gid imong kaimtangan, kag si Lazaro tana nagkalisud. Piro dadi ginalipay tana digi kag ikaw nagaantos.

Mga Binoatan 2:15

Sala indong isip nga lingin ang mga tao nga dia, ay alas noibi pa lang dia ang aga.

1 Corinto 11:21

tungud nga ara kamo nagaurulatan kon magkaraun. Gani ang iba kanindo bosog nga mayad kag lingin pa mintras ang iba tana gutum kag nawaw.

Efeso 5:18

Indi kamo magpalingin sa mga irinumun, nga nagarangga indong kaboi. Magpapono kamo tana ang Ispirito Santo.

1 Tesalonica 5:7

Indi kita magpapario sa mga tao nga naduluman nga ara nagabantay. Sigi lang andang karatorog kag paralingin.

Apokalipsis 17:2

Ang mga ari sa kalibotan pario sa nagpanginbabai kanana, ay nagsonod sanda sa anang gintodlo, kag ang mga tao sa kalibotan midyo ron sa mga lingin tungud sa anang gintodlo kananda nga poros malain.”

Apokalipsis 17:6

Kag nakita ko ra nga ang babai nga dato lingin sa anang dogo ang mga tomoloo nga anang ginpamatay tungud nga nagasonod sanda kay Jesus. Natingala ako nga mayad pagkakita ko kanana.