Juan 19:5 - Anang Ambal Ang Dios – Bago Nga Katipan

⁵ Gani naggoa si Jesus nga may koro-korona nga poros tunuk kag kapa nga granati. Makon dayon ni Pilato kananda, “Sulunga nindo tana!”

Juan 19:5 Iomraidhean Croise

Mateo 27:29

Pagkatapos nagimo sanda ang koro-korona nga poros tunuk kag ginsoksok nanda dayon sa anang olo ni Jesus. Kag ginpakaputan nanda sa anang too nga alima ang baston-baston. Pagkatapos naglood-lood sanda dayon kanana kag nagyagota nga nagakoon, “Dayawon anang Ari ang mga Judio!”

Juan 1:29

Pagdason nga adlaw nakita ni Juan si Jesus nga nagaparapit kanana. Makon dayon ni Juan sa mga tao, “Dagi run anang pinakakarniro ang Dios nga inogalad agud bulun anang mga sala ang mga tao sa kalibotan.

Juan 19:2

Pagkatapos nagimo dayon ang mga soldado ang koro-korona nga poros tunuk kag ginsoklob nanda sa anang olo ni Jesus. Ginpasoksokan nanda tana ra ang kapa nga granati,

Hebreo 12:2

Isintro ta atun panulung kay Jesus tungud nga atun pagtoo ginasandig kanana alin sa ompisa asta sa kataposan. Ginantos na ang paglansang sa kros kag ginbali ara na ang kauruyan nga dato, tungud nga ginaisip na ang kalipay nga nagaulat para kanana. Kag sa dadi doto tana run nagapongko sa too anang trono ang Dios.