Juan 19:39 - Anang Ambal Ang Dios – Bago Nga Katipan

³⁹ Nagtabid ra kanana si Nicodemo. Ang ona, ang tao nga dia gabi nagayan kay Jesus. May dara tana nga bali 45 kilos nga paamot nga may simbog nga mira kag aloe.

Juan 19:39 Iomraidhean Croise

Mateo 12:20

Indi na pagpabayanan ang mga maroya sa pagtoo, Ay boboligan na ang tanan bisan ang tao nga maistan lang gid anang pagtoo kanana. Indi tana magtadung asta matoman anang mga sogo ang Dios.

Mateo 19:30

Doro nga mga tao nga ginakilala nga importanti dadi ang magagoa nga bukun, kag doro ang ara ginasapaka dadi ang magagoa nga importanti.”

Mateo 2:11

Pagsulud nanda sa kamalig nakita nanda ang bata kag anang nanay nga si Maria. Kag naglood sanda kag nagsimba sa bata. Ginbokasan nanda dayon andang mga dara, kag nagrigalo sanda sa bata ang bolawan, insinso, kag ang paamot nga mira.

Marcos 16:1

Pagkatapos ang Adlaw nga Inogpaway, si Maria nga taga-Magdala, si Maria nga nanay ni Santiago kag si Salome nagbarakal paamot nga inoglugud sa patay ay maayan sanda sa ginlubungan kay Jesus agud lugudan anang bangkay.

Juan 12:3

Si Maria tana nagbuul ang maraalun nga paamot nga poro gid nardo nga bali tunga sa litro. Ginbobo na dato sa anang siki ni Jesus. Pagkatapos, anang book maman anang ginamit nga paraid. Ang bilog nga balay natugub anang amot ang paamot.

Juan 12:7

Piro makon ni Jesus, “Pabayani tana lang! Ipatago kanana ang nabilin agud itigana kon ako ilubung run.