Juan 19:36 - Anang Ambal Ang Dios – Bago Nga Katipan

³⁶ Dia natabo agud matoman ang nasolat sa Kasolatan nga nagakoon, “Ara gid bisan sangka tolan nga bariun kanana.”

Juan 19:36 Iomraidhean Croise

Mateo 1:22

Dia tanan natabo agud matoman anang ginkoon ang Ginoo paagi sa propita nga nagakoon,

Juan 13:18

“Ara ako nagakoon nga masoirti kamo tanan, ay naulaman ko akun mga pinili. Piro kinanglan matoman anang ginakoon ang Kasolatan nga ang tao nga nagasaro kanakun sa pagkaun maman pa ang nagkontra kanakun.

Juan 19:24

Makon ang mga soldado sa isara kag isara, “Indi ta lang dia paggisakun. Maggarabot-gabot kita lang agud maulaman ta kon sino ang makabuul.” Sa andang ginimo nga dato natoman ang nasolat sa Kasolatan nga nagakoon, “Ginparti-parti nanda akun mga lambong kag gingabot-gabotan nanda akun pangidalum nga lambong.” Kag toladato manda anang ginimo ang mga soldado.

Juan 19:28

Naulaman ni Jesus nga tapos ron ang tanan, gani agud matoman anang koon ang Kasolatan, makon na, “Ginawaw ako.”