Juan 14:1 - Anang Ambal Ang Dios – Bago Nga Katipan

¹ Makon ni Jesus kananda, “Indi kamo magsari palibug. Magsarig kamo sa Dios kag magsarig kamo ra kanakun.

Juan 14:1 Iomraidhean Croise

Juan 11:33

Pagkakita ni Jesus nga nagapanangis si Maria pati anang kaiban nga mga Judio, natandug nga mayad anang baratyagun.

Juan 12:27

Makon pa ni Jesus, “Dadi malingug akun isip. Ano kabay akun iambal? Ano, makon ako sa Amay nga indi na ako lang pagpaantoson? Piro maman dia anang katoyoan akun pagayan digi, ang magantos ang mga kasakitan sa oras nga dia.”

Juan 12:44

Nagambal mabaskug si Jesus, makon na, “Kon ang tao magtoo kanakun, bukun lang kanakun tana nagatoo kondi nagatoo tana ra sa Amay nga nagpadara kanakun.

Juan 13:19

Dia ginasogid ko ron nga lagi kanindo mintras ara pa matabo, agud nga kon matabo ron magapati kamo nga ako ra gid ang Cristo.

Juan 16:24

Asta dadi ara kamo pa kapangayo bisan ano kanana sa akun aran. Magpangayo kamo agud makabaton kamo, kag agud malobos indong kalipay.”

Juan 16:3

Dia imoon nanda kanindo tungud nga ara sanda kakilala sa Amay okon kanakun.

Juan 16:6

Dadi nga ginsogidan ko kamo ang mga butang nga dia nagakasubu kamo nga mayad.

Juan 5:23

agud ang tanan magpadungug sa Bata pario andang pagpadungug sa Amay. Gani ang ara nagapadungug kanakun ara ra nagapadungug sa Amay nga nagpadara kanakun.

Juan 6:40

Ay maman dia anang gosto akun Tatay, nga ang tanan nga magkilala kag magtoo kanakun may kaboi nga ara kataposan, kag banawon ko sanda tanan sa ori nga adlaw.”

2 Corinto 2:7

Patawada nindo tana run kag pabaskugun dayon, ay basi kon masobraan anang kasubu.

Efeso 1:15

Gani pagkabati ko parti sa indong pagtoo kay Ginoong Jesus kag sa indong gogma sa tanan nga mga bata ang Dios,

2 Tesalonica 2:2

nga indi kamo nga lagi magpalibug okon magpataranta tungud sa mga tao nga nagakoon nga ang Ginoo kono nakabalik run. Bisan magkoon sanda nga toladato anang ginambal ang Ispirito kananda, okon bisan magkoon sanda nga nabatian nanda, okon nabasa kono sa amun solat, indi kamo gid magpati.

1 Pedro 1:21

Kag paagi kay Cristo nagatoo kamo sa Dios nga nagbanaw kag nagpadungug kanana. Gani indong pagtoo doto ron sa Dios kag nagasarig kamo kanana nga kamo banawon na ra kag padungugan.