Juan 13:22 - Anang Ambal Ang Dios – Bago Nga Katipan

²² Gani nagsurulungan anang mga somolonod nga nagaparalibug kon sino kananda anang ginatomod.

Juan 13:22 Iomraidhean Croise

Mateo 26:21

Mintras nagakaun sanda, si Jesus nagkoon, “Sogidan ko kamo ang matood, isara kanindo ang magatraidor kanakun.”

Mateo 26:22

Pagkabati dato anang mga somolonod naborido sanda nga mayad kag nagburulus-bulus sanda pamangkot kanana, makon nanda, “Ginoo, bukun ako, ano?”

Marcos 14:18

Mintras nagakaraun sanda sa lamisa, makon ni Jesus, “May isogid ako kanindo nga matatabo dadi. Isara kanindo nga kaiban ko dadi sa pagkaun maman ang magatraidor kanakun.”

Marcos 14:19

Pagkabati dato anang mga somolonod, naborido sanda kag kada isara kananda nagpamangkot kanana, makon nanda, “Bukun ako, ano?”

Lucas 22:21

“Piro pamatii nindo, kaiban ta ra digi sa pagkaun ang tao nga magaintriga kanakun sa akun mga kaaway.

Lucas 22:23

Pagkabati nanda dato nagompisa sanda run paramangkotan sa isara kag isara kon sino gid kananda ang magaimo dato.

Juan 13:18

“Ara ako nagakoon nga masoirti kamo tanan, ay naulaman ko akun mga pinili. Piro kinanglan matoman anang ginakoon ang Kasolatan nga ang tao nga nagasaro kanakun sa pagkaun maman pa ang nagkontra kanakun.

Juan 13:21

Pagkaambal dato ni Jesus nagbatyag tana kasubu. Makon na dayon, “Sa matood tana, isara kanindo ang magatraidor kanakun agud patayun ako.”