Juan 11:33 - Anang Ambal Ang Dios – Bago Nga Katipan

³³ Pagkakita ni Jesus nga nagapanangis si Maria pati anang kaiban nga mga Judio, natandug nga mayad anang baratyagun.

Juan 11:33 Iomraidhean Croise

Marcos 3:5

Ginsulung sanda ni Jesus nga may kasilag, piro masubu tana ra sa katugas andang mga tagiposoon. Makon na dayon sa lalaki nga paralisado anang alima, “Abi onata imong alima!” Kag ginonat na ra gani, kag anang alima nagayad.

Marcos 9:19

Makon dayon ni Jesus, “Kamo nga mga tao sa tyimpo nga dia, ara kamo gid pagtoo! Asta sano pa kabay akun pagantos kanindo? Dara nindo digi ang bata.”

Juan 11:19

Gani dorong mga Judio nga taga-Jerusalem ang nagarayan doto agud lipayun si Marta kag si Maria sa pagkapatay andang kabogto.

Juan 11:31

Pagkakita ang mga Judio nga nagalipay kay Maria nga nagtindug tana kag dali-dali nga naggoa, somonod sanda ay andang pagsarig maayan tana sa ginlubungan agud magpanangis doto.

Juan 11:34

Nagpamangkot tana dayon kananda, makon na, “Diin nindo tana ginlubung?” Makon nanda, “Ginoo, amos, itodlo namun kanimo.”

Juan 11:35

Nagtangis si Jesus.

Juan 11:38

Natandug ruman anang baratyagun ni Jesus. Kag nagayan sanda dayon doto sa ginlubungan kay Lazaro. Sangka giub dato nga ginatakluban ang bato.

Juan 12:27

Makon pa ni Jesus, “Dadi malingug akun isip. Ano kabay akun iambal? Ano, makon ako sa Amay nga indi na ako lang pagpaantoson? Piro maman dia anang katoyoan akun pagayan digi, ang magantos ang mga kasakitan sa oras nga dia.”

Juan 13:21

Pagkaambal dato ni Jesus nagbatyag tana kasubu. Makon na dayon, “Sa matood tana, isara kanindo ang magatraidor kanakun agud patayun ako.”

Roma 12:15

Magirug kamo kalipay sa mga nagakalipay, kag kon may mga nagakasubu, magirug kamo ra sa andang kasubu.

Hebreo 4:15

Atun pinakamataas nga dia nga pari nakaulam ra atun mga karoyaun, ay ang tanan nga mga pagsolay nga nagaabot kanatun naagian na ra, piro ara tana gid nagkasala.