3 Juan 1:14 - Anang Ambal Ang Dios – Bago Nga Katipan

¹⁴ Bago kita garing masogidanun pagabot ko dian tungud nga may plano ako nga magpakigkita kanimo sa labing madali.

3 Juan 1:14 Iomraidhean Croise

Juan 10:3

Ginapasulud tana ang bantay sa pwertaan kag anang limug nakikilala ang mga karniro. Ginatawag na anang mga karniro sa andang mga aran, kag ginadara na sanda dayon sa goa.

Juan 20:19

Pagkasirum ang adlaw nga dato nga Domingo, nagtiripon sa sangka balay ang mga somolonod. Kag tungud nga ginapangadlukan sanda sa mga manogdomara ang mga Judio ginpantrangkaan nanda anang mga pwertaan ang balay nga andang ginatiriponan. Nagabot dayon si Jesus kag nagtindug doto sa andang tunga. Makon na, “Ang kalinung dian kanindo.”

Juan 20:21

Kag makon na ruman, “Ang kalinung dian kanindo. Kon paiwan nga ginpadara ako ang Amay, magapadara ako ra kanindo.”

Galacia 5:16

Akun gosto kanindo, imoon nindo nga indong manogagobay sa indong kaboi ang Ispirito Santo kag indi nindo ron pagsonodon ang mga malain nga andum indong lawas.

Efeso 6:23

Mga kabogto, kabay pa nga bindisyonan kamo ra gid ang Dios nga Amay kag atun Ginoong Jesu-Cristo nga maging malinung indong kaimtangan dian, kag magdogang pa gid indong pagtoo kag pagirigogmaan sa isara kag isara.

1 Pedro 5:14

Magkaramostaan kamo nga may Kristoanun nga pagigogma. Kabay pa nga mayad ra gid indong kaimtangan dian, tanan kamo nga kay Cristo.

2 Juan 1:12

Doro pa andan akun inogsogid kanindo, garing indi ko ron lang pagsambitun digi, ay nagasarig ako nga makabisita ako dian kanindo. Bago ko garing isogid kanindo pagabot ko dian agud malobos gid atun kalipay.