2 Juan 1:11 - Anang Ambal Ang Dios – Bago Nga Katipan

¹¹ Ay ang tao nga nagasapak sa mga toladan nga mga tao naoomid sa kalainan nga andang ginaimo.

2 Juan 1:11 Iomraidhean Croise

Efeso 5:11

Indi kamo magirug sa mga ara polos nga ginaimo ang iba nga naduluman, sa baylo ipasanag nindo kananda nga malain andang ginaimo.

1 Timoteo 5:22

Indi kaw magbasta-basta tongtong imong alima sa bisan kino para magtaw awtoridad nga magdomara sa mga tomoloo, kondi magandam kaw nga indi kaw maomid sa anang mga sala ang iba. Dapat ara isaway kanimo sa mga butang nga dia.

Hebreo 5:13

Ang mga naboboi sa gatas mga lapsag pa nga ara kalibotan kon ano ang mayad kag malain.

Judas 1:23

Boligi nindo sanda agud malowas sanda sa silot, pario sa nagasabnit kamo ang sangka butang nga masosonog ron. Kaloyi nindo pati ang mga tao nga maraway gid andang ginaimo nga sala, piro dapat ginarimoan kamo nga mayad sa andang mga ginaimo. Magandam kamo kananda ay pati andang mga lambong marisna sa panulung ang Dios.

Apokalipsis 18:4

Pagkatapos may nabatian ako pa gid nga limug nga alin sa langit, makon, “Kamo nga akun mga tao, paggoa kamo sa siodad nga dan, Agud indi kamo makairug sa anang ginaimo nga malain, Kag agud indi kamo magapil sa silot nga para kanana.