Yakubu 5:7 - Kibaku NT

⁷ Ka gǝri kǝl kǝmar, dzá, madar mama kaka nkwaiyir mama yarɛ, har ka la vǝr siyir Thlaku ni. Wulamɛ whal nam tǝ ndǝr tsǝwhɛ ada sǝkɛ ka dai ni yai munya nam ɗa ba whal nam tǝ dzǝ 'ya kǝmar ka sǝkǝ yimǝr andal ba yimǝr dǝnta ni.

Yakubu 5:7 Iomraidhean Croise

Mata 16:27

Akuya Zǝr Ndɛ ata siya si akwa mbǝlmbǝlǝr Atǝgǝri kaka ndzǝr hyantǝrni; antǝ dzǝ ata la wadzǝɓar kǝlara ndɛ kal-kal aka sǝ nam tǝ dzǝ tara 'yati.

Mata 16:28

Yi ada gha ala gǝri, ndzǝ laka nam ada hyati akwani dar adi ata nti wɛ tar ma dar wula Zǝr Ndɛ ada si akwa Kuhyikur ni.”

Mata 24:27

Akuya apa tǝ makǝi ada hyati tǝbwar gǝdi tǝ ndǝ ada wula ka ɓǝlba tǝbwar putai, ani ahani tǝ Zǝr Ndɛ ata si.

Mata 24:44

Ani gǝri yɛ kǝ ndzai ntsakǝr ka gǝri ndzai aka ɗǝmhǝdzi, kadǝbar Zǝr Ndɛ ni ata si ata saka nam kura gǝri ta ɗǝnga tǝni.

Luka 18:8

Yi ada nkǝrɛ ala gǝri, dzǝ ata wuti apǝri dar ɓui sǝ nam kal-kal ba kura aka santa. Ama dzá sakatǝ Zǝr Ndɛ si, dzǝ ata ɓui hamnta dzǝri akwa dunya ya?”

Luka 21:27

Akwa saka ǝnda ani tǝ dar ata wula Zǝr Ndɛ ada si akwa dlamba aka dǝna ba nggakur.

Luka 8:15

Ama kulfǝ nam tara puyidzi ata hai nam ɗaku ni, dar ani ndzǝ nam tara ngati ndǝrǝr Hyal ni, ka ngǝzi akwa ɗǝfu dar, ba atar ɓati su dar yai munya.

Yawhana 21:22

Yɛsu sǝnau, “Ma Yi yiɗɛ ka dzǝ ndzai aka mpikɛ har tar ma Yi si, mǝlambiyir ngɛ akwa? Nu tǝra!”

Yawhana 21:23

Kadǝbar ǝni, labar ni ada kikilntadzi akwa ntsa ndzǝr nu Yɛsu apǝri ndǝr nu ni adi ata nti wɛ. Ama Yɛsu ta nkǝrɛ apǝri kura dzǝ ata nti wɛ; ɗiɗi dzǝ nkǝrɛ apǝri, “Ma Yi yiɗɛ ka dzǝ ndzai aka mpikɛ har tar ma Yi si, mǝlambiyir ngɛ akwa?”

Ndzǝr Rauma 15:4

Akuya kǝlara sǝ nam tǝ ndǝ rǝbwai watsi ndǝ rǝbwai akuya ka hyipǝ su ala muri, ani ka atar ɓatǝsu ba dǝnautsǝnidzi nǝr Labar Hyal ni ka mur 'ya aka tǝmatsǝni.

Ndzǝr Rauma 2:7

Ala ndzǝ nam ada lǝkǝma kura ngyar-ngyar akwa 'ya su ɗa tǝ dar ada bara ka Hyal la dar nggakur, ba kura nti, dzǝ ata la dar mpikǝ nam kura kurkuri.

1 Ndzǝr Kwaranti 1:7

Ani ka ǝni akwa ntsa sanga sǝ nam tǝ Hyal ada hamnta ala ndɛ nam kura gǝri ta ɓui adi wɛ apa tǝ gǝri ada sǝkɛ ɓakta siyir Thlakǝr muri Yɛsu Kǝrsti.

Ndzǝr Galatiya 5:5

Ama mur nam ada ndzai atar Mambǝlɛ mur ada sǝkɛ ka mur dluwɛ kalkalkur atar hamnta dzǝri nam tǝ Hyal 'ya alkawalari ala muri ni.

Ndzǝr Galatiya 6:9

Ta muri ta ghǝri aka 'ya sǝ nam ɗaku, kadǝbar muri ata dlutsi kǝthlǝr nǝr mpikǝ nam kura kurkuri ata saka nam kal-kal, ma muri ta ngyar 'ya sǝ nam ɗaku wɛ.

Ndzǝr Kwalausi 1:11

Ka Hyal dǝnautsǝni tǝ gǝri aka sanga dǝna nam ada hyati akwa dǝnarni nam ngga, akuya ka gǝr mǝzi ka ɓatǝsu ba kǝl kǝmar aka kutsari.

1 Ndzǝr Tasalaunika 1:3

Tatang yar ada ɗǝngati tǝ gǝri akǝma Hyalǝr muri, Tada muri: kǝthlǝr gǝri nam tǝ gǝri 'ya kadǝbar hamnta dzǝri gǝri, ba sǝ nam tǝ gǝri 'ya akuya yiɗǝdzi gǝri, ba ɓatǝsur hau akwa ɗǝfu nam tǝ gǝri kǝri kadǝbar Thlakǝr muri Yɛsu Kǝrsti.

1 Ndzǝr Tasalaunika 2:19

Akuya mǝ dza tǝmatsǝniyir muri, kutsariyir muri wala aliyapu nam tǝ muri ata agula akǝma Thlaku Yɛsu sakatǝ dzǝ si? Adi gǝr wɛ?

1 Ndzǝr Tasalaunika 3:13

Ka dzǝ dǝnautsǝni ɗǝfa gǝri yarɛ, ani ka gǝr ndzai ndzǝ nam kura aka aibai ba kartǝ akǝma Hyalǝr muri ba Tada sakatǝ Thlakǝr mur Yɛsu si aka sanga ndzǝ nam nǝr Hyal ni.

Ndzǝr Ibrahim 6:15

Ani apani aghǝla tǝ dzǝ tara sǝkɛ aka kǝmar, Ibrahim dlutsi sǝ nam tǝ Hyal 'ya alkawalari nda.

Yakubu 4:11

Madar mama kaka nkwaiyir mama yarɛ, ta gǝri ta gha su kulɗa ata kǝma gǝri mai. Ndɛ nam ada gha su kulɗakur ata kǝra zǝrangǝri wala 'ya haka alari, dzǝ ada gha su kulɗa ba 'ya haka ala Mabari ni. Sakatǝ gɛ ada 'ya haka ala mabari ni, gɛ adai ada ɓǝla Mabari wɛ, ama gɛ ada ndzai ka 'ya haka alari.

Yakubu 5:10

Madar mama kaka nkwaiyir mama yarɛ, wulamɛ sǝr tsǝlɛ nǝr kǝl kǝmar akwa sa bwanai, apa tǝ nabi yarɛ nam tara ndǝrɛ akwa thlǝma Thlaku ni.

Yakubu 5:3

Dinar ba lǝpilar gǝri kǝlamku ɗǝnya, ɗǝr kǝlamku ni ata ndzai sakǝida ata kǝra gǝri ba ata ɗǝ kumǝr dzá gǝri apa u'u. Gǝri tsaɓtsǝni gǝna akwa vǝri yarɛ nam nǝr dǝnta ni.

2 Bitrusu 3:4

Dar ata nkǝrɛ, “Amarɛ ‘alkawalǝr si ǝni’ tǝ dzǝ tara 'ya ni? Tǝng tǝ tada muri yarɛ tara nti, sǝ tara palidzi adi wɛ tsu apa watsi tǝng ata baditsǝni hǝn su.”