Yakubu 5:16 - Kibaku NT

¹⁶ Kadǝbar ǝni ka gǝri nkǝrba bikǝr gǝri yarɛ ala kǝma gǝri ba ka gǝr 'ya aduwa ala kǝma gǝri, ani ka gǝri ata ɓui mbǝti dzi. Aduwar ndɛ nam kal-kal akǝma Hyal aka dǝna ba ada 'yati sǝ hang.

Yakubu 5:16 Iomraidhean Croise

Mata 21:22

Ma gǝri mbǝrsa, gǝri ata dlutsi kǝlara sǝ nam tǝ gǝri yuwɛ akwa aduwa.”

Mata 3:6

Dar ada nkǝrba bikǝr dar, dzǝ ada 'ya ala dar bamtizǝma akwa Kyaghar Urdun.

Markusu 1:5

Sanga ndzǝr palaiyir diyir Yahudiya ba sanga ndzǝr Ursalima lǝba adzǝni. Dar ada nkǝrba bikǝr dar, dzǝ ada 'ya ala dar bamtizǝma akwa Kyaghar Urdun.

Luka 9:6

Ani dar ka mwara lǝkwa di yarɛ nam nkyǝnkyiɗu, tǝ dar ada nkǝr ndǝrǝr Hyal nam sǝɗa ba tǝ dar ada mbǝti ndzi akwa kǝlara vui.

Yawhana 9:31

Yar zǝndi Hyal adi ada si thlǝmɛ ala ndzǝr biku wɛ; ama kǝlara ndǝ nam ada vǝkǝr sǝlai alari, tǝ dzǝ ada 'yati sǝ nam tǝ dzǝ ada bara, Hyal ada si thlǝmɛ alari.

'Ya Su 10:38

Gǝri zǝndi ata kǝra tǝ Hyal pukǝr mal ala Yɛsu nǝr Nazarat aka Mambǝlǝr Hyal ba dǝna. Dzǝ mwari akwa kǝlara vui, dzǝ ada 'ya kǝthlǝr ɗaku ba mbǝti ndzǝ nam tǝ Satan tara mbwai tǝ dar, akuya Hyal vwam aka dza.

'Ya Su 19:18

Ndzi hang nam tara mbǝrsa kulini si ka ghaba tǝ nya dar sǝr 'yar dar nam kulɗa ata babal.

'Ya Su 8:24

Antǝ Simaun Sǝnau, “'Ya aduwa ala Thlaku alai ani ka ta sǝ tǝ gǝ nkǝrɛ ni ta ɓui tǝra.”

Ndzǝr Rauma 3:10

Apa rǝbwa-rǝbwa: “Ndǝ duku adi wɛ nam kal-kal, adi wɛ wala duku;

Ndzǝr Rauma 5:19

Akuya tsu apa atar kura ngandǝrkur nǝr ndǝ duku ni ndzǝ hang ndzai ndzǝr biku, ani tsuwɛ atar ngandǝrǝr ndǝ duku ni ndzǝ hang ata ndzai kal-kal.

Ndzǝr Kwalausi 1:9

Akuya ka ǝni, tǝng vǝr tǝ yar ngati su ata kǝra gǝri, yar ta ngyar 'ya aduwa akuya ka gǝr wɛ ba yar ada kǝgyɛ ka Hyal ghǝiyati tǝ gǝri aka zǝndi sǝ nam tǝ dzǝ ada bara atar sanga bǝrkawakur ba ngaba sǝ nam tǝ Mambǝlɛ ada la ndɛ.

1 Ndzǝr Tasalaunika 5:17

ka gǝri lǝkǝma aka 'ya aduwa kura ngyar-ngyar,

1 Ndzǝr Tasalaunika 5:23

Ka Hyal aka kǝrni, Hyalǝr lapiyakur ka dzǝ mǝrti tǝ gǝri ka gǝri ndzai nǝni. Ngyar ka sanga mambǝlǝr gǝri, ba sangura gǝri ba dzá gǝri ka dzǝ ndzai kura aka aibai har ka la vǝr siyir Thlakǝr mur Yɛsu Kǝrsti.

1 Ndzǝr Tasalaunika 5:25

Gǝri nam madar mama kaka nkwaiyir mama, ka gǝri 'ya ala yar aduwa.

Ndzǝr Ibrahim 11:4

Atar hamnta dzǝri Habila hamnta ala Hyal kǝdlǝrsu nam ɗaku ta nam tǝ Kayinu 'ya. Atar hamnta dzǝri ndǝ hǝmnti tǝni apǝri dzǝ ndǝ nam kal-kal, sakatǝ Hyal nkǝrɛ sǝ ɗaku ata kǝra hamnta sǝrni yarɛ. Ba kadǝbar ka sǝ nam tǝ Habila 'yati, muri ata mǝzi ka nkǝrɛ apǝri wala tǝ Habila kurtaka nti, atar hamnta dzǝri dzǝ tsu ada ndǝrɛ asǝna.

Ndzǝr Ibrahim 11:7

Atar hamnta dzǝri ani tǝ Nuhu, sakatǝ Hyal ɗǝmnya alari ata kǝra sǝ yarɛ nam kura ndɛ ta saga wula, dzǝ vǝdzǝ hankal aka ngandǝrɛ ala Hyal dzǝ ka tsati dzǝlkǝiyir yimi mbatǝ yalǝrni. Atar sǝ ǝni dzǝ hakatsǝni dunya ba dzǝ ka ndzai ndǝr sǝm warta nǝr kalkalkur nam tara si atar hamnta dzǝri.

Ndzǝr Ibrahim 12:13

“Dzǝgutamɛ whalɛ lǝlǝpu ala thlǝla gǝri,” ani ka ta kadal ta 'yanta kǝrni, ama ka dzǝ mbǝtǝdzi.

Ndzǝr Ibrahim 13:18

'Yamɛ ala yar aduwa. Akuya yar aka ɗǝngar ɗǝfu nam kura aka aibai ba yar ada bara ka yar ndzai kal-kal akwa kǝlara whalɛ.

1 Bitrusu 2:24

Kǝrsti tǝ kǝrni fati bikǝr muri akwa dzari atǝra ata undzum kadlǝkadlɛ, ani ka mur ndzai ntǝnti ka biku ba muri ata ndzai ata mulɛ ka sǝ nam kal-kal. Atar mbǝlkǝr ni gǝri ɓui mbǝtǝdzi.

1 Yawhana 3:22

ba muri ada ɓui kǝlara sǝ nam tǝ mur kǝgyɛ, kadǝbar muri ada ngandǝrǝr tsawurni yarɛ ba muri ada 'ya sǝ nam ada panyi ɗǝfari.